Македонија
Иванов во Мостар: Брза евроатлантска интеграција за прогрес на целиот регион
NULL
Бавната евроинтеграција на целиот регион и ефектите од глобалната економска криза се клучните причинители за актуелната состојба на политички и економски план во сите земји од регионот.Ова е заклучокот од билатералните средби што попладнево ги одржа претседателот Ѓорге Иванов во Мостар со неговиот хрватски колега, Иво Јосиповиќ и Претседавачот со Претседателството на Босна и Херцеговина, Небојша Радмановиќ.„Заемен заклучок и на двете средби беше дека, единствена алатка која што може да ги придвижи општествата кон прогрес е брзата евроатлантска интеграција на целиот регион“ брифираат од Кабинетот на Претседателот.Хрватска е најнапред во овој процес и се очекува оваа година да ги затвори сите поглавја. Ова за претседателите е заеднички успех.Соговорниците на Иванов искажале интерес за актуелните политички и економски состојби во Македонија и го информираа македонскиот претседател за состојбите во Хрватска и во Босна и Херцеговина.На средбата било разговарано и за интересот на Македонија да се приклучи кон Јадранско – Јонската иницијатива. Оваа иницијатива се очекува годинава да биде поддржана од Советот на Европа со финансиска поддршка за конкретни проекти, најчесто од областа на животната средина и пристаништата. Во оваа иницијатива учествуваат сите земји од регионот кои излегуваат на море, Италија, Хрватска, Словенија, Црна Гора, Албанија. Србија е единствената земја која не излегува на море, а е членка на оваа иницијатива. Поради овие причини, Македонија е заинтересирана да се приклучи кон иницијативата, иако нема излез на море.Со оваа иницијатива моментално претседава Црна Гора, а од мај претседателството ќе го преземе Србија.„Ние земјите од регионот мораме да ја јакнеме економската соработка и да ги користиме бенефитите од ЦЕФТА договорот“ заклучиле соговорниците.Вечерва претседателот Иванов, на покана на хрватскиот претседател Јосиповиќ, учествува на манифестацијата „Вечерњи лист“ под мотото „Печат за Европа“. На оваа манифестација на Јосиповиќ ќе му биде доделена награда за најдобар политичар во регионот.Целта на дводневната посета на претседателот Иванов во БиХ е одбележувањето на седумгодишнината од трагичната смрт на претседателот, Борис Трајковски. За утре е најавена посета на Ротимље, местото на трагичната несреќа./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Мицкоски: Цунамито се крена, на 8 мај ќе ги потопи целосно, победуваме со над 170.000 разлика
Денеска народот во Македонија покажа дека си ја сака Македонија и дека секој оној кој го потценува народот прваи голема грешка, рече лидерот на ВМРО-ДПМНЕ, Христијан Мицкоски.
„Ветив дека ќе победиме со најмалку 100 илјади гласови разлика, победуваме со повеќе од 170 илјади гласови. Зборувавме дека многу работи ќе се случат не ни веруваа, не потценуваа, мислеа дека си имаат работа со мали деца. Но ние благодарение на народот покажавме и докажавме дека Македонија ја има и ќе ја има уште многу долго време. Ветував многу работи и сите работи се случија, не напаѓаа и од внатре, ни се закануваа, се обидуваа да не делат, се обидуваа да ја делат Македонија, користеа структури од минатото на ВМРО-ДПМНЕ, но ние издржавме. Ви благодарам од срце народе на Македонија. Ветував дека ќе се случи народ и денеска се случи народ. Ова е голема победа за македонскиот народ. Пораката е јасна, Македонија не се плаши и се враќа во рацете на народот. Ние заедно со вас наспроти стотина трговци од ДУИ и СДСМ се причина за целото страдање сиромаштија и криминал во Македонија. Нашата сила сте вие народот“, кажа Мицкоски.
„Резултатите кои ги постигнавме оставаат простор да бидеме задоволни, имаме огромна историска победа на многу избирачки места. Оваа власт паѓа. Ова е најдобриот резултат што ВМРО-ДПМНЕ го имала од позиција на опозиција. Над 600 илјади луѓе гласаа против власта, ова е победа на народот, цунамито се крена, а на 8 мај ќе ги потопи целосно. Имаме обврска да им ги срушиме сите идеи за калкулации и предавство. Ова е револуција на народот на Македонија. Работата не е завршена, а власта не е нималку наивна. На осми мај е потребен убедлив резултат, јасна победа врз оваа криминална и корумпирана власт“, додаде лидерот на ВМРО-ДПМНЕ.
Тој упати порака до оние кои излегле и гласале за власта дека нема да има освета кон било кој.
„Ги почитувам вашите уверувања, повеќе никој не смее да ве плаши. Единствено треба да се плашат тие што се огрешиле кон законите, а со тоа се огрешиле кон народот. Е тие ќе одговараат“, кажа Мицкоски
Македонија
Пендаровски: Резултатите не се такви какви што ги очекувавме, но нема предавање, утре е нов ден
Резултатите не се такви какви што ги очекувавме истакна вечерва на прес-конференција кандидатот за претседател поддржан од СДСМ, Стево Пендаровски.
„Од утре продолжуваме со средби со граѓаните и тргнуваме од нула. Имаше 7 кандидати и тоа е причината што се поделија гласовите. Мојата задача ќе биде како и изминатите 20 дена, да го промовирам концептот во кој верувам. Ги охрабрувам граѓаните да излезат во втoриот круг“, кажа Пендаровски.
Додаде дека во вториот круг очекува повеќе граѓани да го прифатат концептот во кој длабоко верува.
„Очекувам уште поголем одзив. Нема да барам договор со другите кандиати за механичко префрлување на гласовите. Никогаш не сум го правел тоа, ниту сега планирам, за да механички преземам од било кого. Едноставно на сите граѓани ќе им го презентирам мојот концепт. Ќе одбијам било каков обид за нудење на квантум на гласови – тоа би било големо понижување на граѓаните“, кажа тој.
Анализите, како што рече, ќе покажат „дали граѓаните го казнија него поради СДСМ“.
Потенцира дека нема да има пауза, ниту одмор за него до вториот круг од изборите.
„Од утре се гледаме на терен“, порача Пендаровски.
Македонија
(Видео) Османи: Европскиот фронт станува една голема локомотива за европската иднина на нашата држава
Претседателскиот кандидат на Европскиот фронт, Бујар Османи по завршување на првиот круг гласање од изборот за претседател на државата кажа дека прелиминарните резултати покажуваат длабока победа на Фронтот, наспроти албанската опозиција со над 40 илјади гласа и со победа во речиси сите општини во земјата.
„Дозволете да објавам во име на Фронтот една длабока победа наспроти албанската опозиција со над 40 илјади гласа и со победа во речиси сите општини во земјата и победа во сите поголеми градови и општини. Ова е заедничка победа што покажува дека фронтот за Европа станува една голема локомотива за европската иднина за нашата држава. Денешниот глас е аманет за нас и ќе биде одлука за идните политики на оваа држава. Денеска Албанците, Турците, Бошњаците, Ромите докажаа дека сами одлучуваат за својата судбина и никогаш нема да дозволат некој да одлучува за нив. Волјата на народот е јасна и треба да се почитува од сите“, кажа Османи.
Тој додаде дека се уште има впечаток дека граѓаните не излегле целосно од етничката бариера помеѓу Македонците и другите етнички заедници што зборува за едно поделено општество.