Македонија
Филевски: Подобро јас да загинев, а сите патници да преживееја
„Чувствувам силна болка и изразувам сочувство до роднините на загинатите патници кои настрадаа во потонувањето на бродот „Илинден“, изјави пред Основниот суд во Охрид капетанот Сотир Филевски, првообвинет за несреќата во која животот го загубија 15 бугарски туристи, јавува Охридњус
„Каму јас да загинев, а сите патници на бродот да останаа живи“ рече 24-годишниот заповедник на бродот „Илинден“.Филевски и овластениот претставник на осигурителната компанија Германски Лојд се товарат за предизвикување тешки дела против безбедноста на луѓето и имотот во сообраќајот. Пред судот денеска се појави само првообвинетиот Филевски, додека на Бајиќ со одлука која ја потврди Апелациониот суд му се суди во отсуство.Филевски, кој во истрагата се бранеше со молчење, пред судот истакна дека бродот „Илинден“ го купил во 2003 година од ГП „Трудбеник“ во состојба каква што е до ден денес, со надградена горна палуба, на која како што рече никогаш не му било предочено од овластени лица или институции дека не смее да превезува патници.„Шест години со бродот испловувам и влегувам во пристаништето на 10 метри од Капетанијата, но никогаш не сум бил предупреден да не превезувам патници на горната палуба“ посочи Филевски.Тој истакна дека бродот бил регистриран за 43 патници, а на бродот имало плочка на која пишувало носивост 60 лица. Критичниот ден на бродот имало 53 патници и два члена на екипажот.Капетанот Филевски пред судот изјави дека редовно ја контролирал исправноста на бродот и дека тоа го направил и кобното утро кога најпрвин „Илинден“ испловил на кружна тура, по што со бугарските туристи тргнал за Св. Наум. Половина час по тргнувањето при праволиниско движење поради кинење на сајла, капетанот ја загубил контролата над кормилото, по што бродот најпрвин нагло завртел во десно, настанала паника помеѓу патниците, по што дошло до нагло свртување на пловилото во лево и тоа започнало да тоне.„Се се случи многу брзо и за само 20 секунди бродот тонеше. Време за реакција немаше и јас со морнарот Владо Устијаноски почнавме да фрламе во вода се што плута за да ги спасиме патниците. Владо преку мобилен ги извести бродовите Кристина и Александрија за несреќата кои пловеа во непосредна близина и веднаш дојдоа на местото на настанот каде веќе беа два глисери. Лично спасив 12-13 луѓе и последен ја напуштив водата“ раскажа капетанот Филевски.Тој истакна дека не му е познато зошто потона бродот, кој како што рече, за него бил исправен.Судскиот процес за најголемата бродска несреќа во Македонија продолжува со распит на сведоци.Бродот „Илинден“ потона на 5-ти септември 2009 година во водите на Охридското Езеро на околу 200 метри од брегот, кај авто кампот Елешец. Загинаа 15 туристи од Бугарија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Сервисни информации
Променливо облачно со повремени врнежи од дожд, а на планините со повремен снег
Времето денеска ќе биде, променливо облачно со повремени врнежи од дожд, а на планините со повремен снег.
Локално, врнежите ќе бидат поројни, проследени со појава на ретки грмежи. Ќе дува слаб до умерен ветер од северозападен правец. Минималната температура ќе биде во интервал од 5 до 10, а максималната ќе достигне од 11 до 18 степени.
Во Скопје променливо облачно со повремени врнежи од дожд. Кон крајот на денот врнежите ќе престанат. Ќе дува слаб до умерен ветер од северен правец. Минималната температура ќе се спушти до 8, а максималната ќе достигне до 15 степени.
Од петок следува период на претежно стабилно и потопло време со пораст на температурите на воздухот.
Скопје
Осум скопски општини денеска без струја
Според добиеното известување од ЕВН Македонија АД, Регионалниот центар за управување со кризи-Град Скопје, информира дека, поради планирани технички зафати во електро дистрибутивната мрежа, денеска без електрична енергија ќе останат неколку скопски општини.
· Во периодот од 08:30 до 14:00 часот, дел од корисниците на ул.Максим Горки, реон Дом на градежници (општина Центар).
· Во периодот од 09:00 до 14:00 часот, поголемиот дел од потрошувачите на ул.Ринхини.(општина Ѓорче Петров)
· Во периодот од 09:00 до 10:30 часот, корисниците од с.Визбегово, дел од с.Мирковци, Бразда, Глуво, Чардак, Оризари.(општините Бутел, Шуто Оризари и Чучер Сандево)
· Во периодот од 09:00 до 15:00 часот, корисниците од ул.Кавалска.(општина Кисела Вода)
· Во периодот од 09:00 до 12:00 часот, корисниците на пат за Долно Лисиче, од Кодакопласт, кон Паци Петрол до реката, од Св.Петар и Павле по патот кон Долно Лисиче.(Аеродром)
· Во периодот од 09:00 до 10:00 часот, корисниците од дел од ул. 4031, село Марино.(општина Илинден)
· Во периодот од 09:00 до 13:00 часот, корисниците на дел од бул.Борис Трајковски (од Техноскоп до кружниот тек пред Драчево).(општина Кисела Вода)
· Во периодот од 10:30 до 12:00 часот, корисниците од с.Сандево, Бањане, Горњане, Дел од с.Мирковци.(општина Чучер Сандево)
· Во периодот од 13:00 до 15:00 часот, дел од корисниците на ул. Исаија Мажовски и Воин Драшкоци.(општина Ѓорче Петров)
Македонија
Димитриевски до Пендаровски: Разликата е огромна, откажете се од оваа битка и оставете нè да победиме во вториот круг
Денеска ЗНАМ заедно со сите свои пддржувачи ја испишува новата политичка историја на македонската политичка сцена, рече вечерва претседателскиот кандидат на ЗНАМ, Максим Димитриевски. Иако е јасно дека не влегува во вториот круг, Димитриевски првиот круг од изборите го смета за голем успех.
„Можам да потврдам дека се роди третата политичка сила во македонскиот политички блок во државата која што имаме намера во следниот период дополнително да ја потврдиме и надградиме, со цел еден ден граѓаните да имаат можност да изберат нешто ново“, рече Димитриевски.
На противкандидатите им честиташе за успехот и се заблагодари на можноста да води кампања за која рече дека не била еднаква за сите оти законот кој е во сила не дава еднаква можност за медиумско претставување на сите партии.
Рече дека е горд на секој глас што го добиле како партија регистрирана пред само три месеци.
„Факт е дека јас како кандидат и ЗНАМ освоивме повеќе од 80.000 гласови. Регистриравме субјект кој постои нешто повеќе од три месеци и со граѓанската поддршка се етаблираше на трето место во политичкиот блок. Сметам дека тоа е одличен појдовен резултат за понатамошна борба. Јас не се сеќавам дека во историјата на плурална Македонија имало вакви примери, да имате партија со некаде три и пол илјади членови, а да освоите над 80.000 гласови. Искрено сум горд на секој тој еден глас што дојде, како поддршка за мене и ЗНАМ. И покрај тоа што трендовите се тие, десницата добива, а левицата губи, единствено десницата доживеа пораз во бастионот на асномска Македонија, а тоа е Куманово“, рече Димитриевски.
Порача на сите политичари дека треба да учат од овие избори оти граѓаните дале јасна насока каде сакаат да се движи државата, а посебна порака упати до Стево Пендаровски, кој освои повеќе 100.000 гласови помалку од Гордана Сиљановска-Давкова.
„Почитуван мој претседателе, разликата е огромна. Доколку сакате да опстане централната и левата идеја во државата, откажете се од оваа битка и оставете не да победиме во име на граѓаните во вториот круг“, порача Димитриевски.
Кога ќе завршат парламентарните избори, Димитриевски е уверен дека ЗНАМ ќе биде политички фактор за стабилност во државата без кој нема да може да се формира идната влада. Најави дека кога ќе ги почнат преговорите за формирање парламентарно мнозинство, на сите политички партии ќе им ги испорачаат нивните предлози за црвените линии на македонскиот народ.