Македонија
ФИООМ: Децентрализацијата во 2009 назадува во однос на 2008
Децентрализацијата во 2009 година назадува во однос на 2008 година, и од финансиски аспект 2009-та била понеповолна за општините отколку 2008-та година.
Децентрализацијата во 2009 година назадува во однос на 2008 година, и од финансиски аспект 2009-та била понеповолна за општините отколку 2008-та година.Ова се заклучоците на извештајот од следењето на процесот на децентрализација на Фондацијата Институт отворено општество – Македонија (ФИООМ) и Центарот за развој на локалната демократија (ЦРЛД).Муса Џафери, Министер за локална самоуправа рече дека фактот што децентрализацијата е се уште провокација за граѓанскиот сектор, за експертската јавност и за меѓународната заедница, сам по себе говори дека овој процес не само што не е заборавен туку постојано бара да биде истражуван.„Може да се констатира дека големите урбани општини кои имаат и поголеми финансиски ресурси по различни основи, главно успеваат да одговорат на проблемите и на предизвиците, но помалите и рурални општини се уште се мачат со ограничените финансиски и административни ресурси, што се одразува на нивната финансиска стабилност и на обезбедувањето на услугите. Генерално на сите им е потребен посилен импулс за потикнување на процесот“, рече тој.Ана Медарска, координатор на проектот, која ги претстави резултатите за задоволството на граѓаните од услугите кои ги добиваат од општините, рече дека средната оцена за задоволството на граѓаните изнесува 2,71. „Испитаниците дадоа највисока оценка за основното образование (3,45), а најниска оценка доби услугата поврзана со домовите за деца без родители“, рече таа. (1,73).Општините според извештајот немаат доволно средства за развојни потреби. „Над 85 отсто од вкупните буџети на анализираните општини се трошат за тековни трошоци и расходи за плати и придонеси“, се вели во него. /крај/ко
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Ангелов за ДУИ: Со пушка дојдоа на власт, со пенкало да ги отераме на буништето на историјата
Колку и да е убедлива, победата нема да биде комплетна доколку ДУИ не биде срушена од власт, вели претседателот на Достоинство, Стојанче Ангелов по првиот круг од претседателските избори.
„Затоа е потребна општа мобилизација за уште посилна победа на коалицијата “Твоја Македонија” предводена од ВМРО ДПМНЕ. Граѓаните ги отпишаа СДСМ, да запнеме сите заедно да ги отпишеме и ДУИ. Овојпат ДУИ мора да падне! Со пушка дојдоа на власт, со пенкало да ги отераме на буништето на историјата!“, порача Анеглов.
Ангелов пред еден месец соопшти дека неговата партија излегува од коалицијата предводена од СДСМ.
Тој со години се залагаше воените инвалиди и семејства на загинатите бранители да бидат обештетени, но немаше слух од своите коалициони партнери. Како што самиот рече, добивал поддршка од премиерот Димитар Ковачевски и министерката за одбрана Славјанка Петровска, но поради противењето на ДУИ тоа не се случило.
Македонија
Стевчо собра повеќе потписи од гласови – поразот на Јакимовски главна тема на социјалните мрежи
Кандидатот за претседател на ГРОМ и актуелен градоначалник на скопската општина Карпош Стевчо Јакимовски, на вчерашниот прв круг од претседателските избори освои само 8.103 гласови односно 0,90%. Тоа е помалку од бројот на собрани потписи за претседателска кандидатура, зад која му се потпишаа 10.000 граѓани.
Јакимовски во неговата општина освои 2.143 гласови, додека во родната Крива Паланка за Јакимовски гласале 182 граѓани.
Тој вчеравечер призна пораз и ѝ честиташе водство на Гордана Сиљановска-Давкова. Додаде дека не е задоволен од изборниот резултат.
Поразот на Јакимовски вчера беше главна тема на социјалните мрежи.
Стевчо Јакимовски ни комшиите не го гласале. Пошо да го гласаа ќе тепаше у прв круг.
— Ракун (@HumoroidM) April 24, 2024
И доктортот Нико Беќаровски за него објави хумористичен статус.
„Стефчо Јакимовски собра повеќе потписи од гласови“, напиша тој на фејсбук.
Стевчо Јакимовски во првиот круг заврши последен по бројот на гласови на претседателските избори.
Македонија
Почина менаџерот Велибор Џаровски-Џаро
На 75 години денеска почина менаџерот Велибор Џаровски- Џаро по кусо боледување, потврди семејството. Тој важи за една од најпознатите менаџери на просторите на бивша Југославија.
Тој соработуваше со најголемите југословенски естрадни ѕвезди, а беше познат и како „крал на местенките“ во фудбалот.
Соработуваше со големи музички ѕвезди како Здравко Чолиќ, Мишо Ковач, Маја Оџаклиевска, Оливер Драгојевиќ, „Бијело дугме“, Тереза Кесовија, Лепа Брена.
Своевремено има изјавено дека организирал 5.000 концерти и бројни турнеи во повеќе од тридецениската кариера како менаџер.