Македонија
Актуелните политичари ќе бидат лустрирани само до 1991-та
Aктуелните политичари кои веќе доставиле изјава до Комисијата за верификација на фактите, нема да бидат повторно лустрирани, со измените на Законот за лустрација нема да бидат опфатен до 1991 г
„Актуелните политичари што веќе доставиле изјави, нема повторно да доставуваат изјави“, рече за Макфакс Ѓорѓи Малковски, член во Комисијата за лустрација и додава дека тоа го предвидува законот.Речиси сите пратеници, министри и политичари веќе доставиле изјави до Комисијата за верификација на фактите и имаат потврда дека не биле кодоши во периодот до 1991 г. Со измените на Законот, периодот за лустрирање се зголемува од 1991 до 2018 г. Со оглед на тоа дека нема да треба пак да доставуваат изјави, комисијата нема да може да провери дали тие биле кодоши по осамостојувањето, односно по 1991 г.Поранешните функционери треба да достават изјави во рок од 30 дена, односно до 5 април додека за новинарите, свештениците и членовите на МАНУ, кои беа опфатени со измените на законот, дополнително ќе се определи рокот кога треба да достават изјави.Комисијата за лустрација во врска со случајот на Трендафил Ивановски, единствениот официјален кодош, ја чека одлуката од Врховниот суд за да достави иницијатива за негово разрешување до Собранието.Ивановски вели дека нема да си поднесе оставка и вели де Уставот не предвидува можност Собранието да може да разреши судија под вакви околности. Уставен судија може да бие разрешен, единствено ако си поднесе оставка , ако му е пропишана казна затвор повеќе од шест месеци и ако ја изгуби способноста.Постои можност Јавното обвинителство да покрене обвинение за лажна изјава за што е предвидена кривична одговорност,односно затворска казна.Инаку измени на Законот за лустрација почнуваат да се применуваат од понеделникот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Советот на Општина Центар даде зелено светло за бесплатни тренинзи на јуниорите на КК Работнички во салата на ООУ ,,Коле Неделковски’’
На денешната 35. Седница на Советот на Општина Центар е усвоен предлогот на градоначалникот Горан Герасимовски за користење на училишната спортска сала во ООУ ,,Коле Неделковски” за потребите на младите кошаркари на КК Работнички, без надоместок, додека не биде реновирана салата во Градски парк.
На советниците градоначалникот Герасимовски им појасни дека се работи за исклучителна ситуација која ќе трае само додека не се создадат услови за одржување тренинзи во реновираното здание и дека оваа одлука е наменета само за јуниорскиот тим.
,,Ова не е одлука за првиот тим на Работнички туку за младинскиот клуб на КК Работнички бидејќи во моментот кога ќе почне да се реновира салата, тие ќе немаат простор за тренинзи. Знаеме каква е финасиската ситуација на младинскиот тим. Истиот функционира и од спортскиот ваучер што го доделува Владата, кој за жал доцни. И поради тие причини и поради тоа што самиот тим е сопственост на Општината, ние мораме да се грижиме за клубот и за младинците што таму тренираат и играат. Затоа мислам дека барањето е издржано и очекувам советниците да се согласат” истакна Герасимовски.
Предлог одлуката за користење на спортската сала во ООУ ,,Коле Неделковски” без надоместок од страна на КК Работнички за 2024 година е усвоен со 21 гласа ЗА, ниеден глас против и без воздржани.
Одлуката беше донесена откако КК Работнички-Скопје побара од Општината, како акционер, да добие тренинг термини во основните училишта за својот младински тим, поради реновирање на салата.
,,Како наш единствен акционер, сопственик и воедно сопственик на основните училишта во општината ве замолуваме да ни дозволите нашите младинци да тренираат во една од салите на школите кои се во ваша надлежност, стои во дописот на КК Работнички-Скопје испратен до Општина Центар.
Македонија
Велковски: Работничките права не се почитуваат, платите особено во здравството не се системски уредени
Министерот за труд и социјална политика, Ѓоко Велковски денеска оствари средба со претставници на повеќе грански синдикати, членови на Конфедерација на Синдикални Организации на Македонија (КСОМ) на која работна средба се разговараше за проблемите со кои се соочуваат синдикатите и вработените во областа на здравството, одбраната, полицијата, Македонски железници и рударството.
„Работничките права не се почитуваат, платите особено во здравството не се системски уредени а големи се и проблеми поврзани со функционирањето на синдикатите во последните неколку години. Ова се клучните работи кои беа истакнати од страна на претставниците на синдикатите“, вели министерот Велковски.
Министерството за труд и социјална политика ќе преземе активности во насока на системско решавање на настанатите состојби и воспоставување на вистински партнерски дијалог помеѓу МТСП и Синдикатите, нешто за што се заложи и министерот Ѓоко Велковски.
Македонија
Левицата: Бугари во Уставот е предавство, на денешен ден почна бугарската фашистичка окупација на Македонија
,,На 18 април 1941 година, со одборение на Хитлеровата врховна команда, единиците на Петтата бугарска армија, со Шестата и со Седмата пешадиска дивизија, ја започнаа воената окупација на Македонија“, велат од Левица.
„Овој историски факт, под рефлекторите на денешното политичко препрочитување на историјата на Македонија, Бугарија настојува овој настан од историјата наместо окупација еуфемизирано да се третира како администрирање со Македонија. Но, историските факти говорат друго! Затоа во очи на претстојните парламентарни избори, направете го вистинскиот избор и гласајте за Левица, единствената партија која се залага за раскинување на договорот со Бугарија“, посочуваат оттаму и додаваат:
„Гласајте за Левица, затоа што Бугари во Устав е предавство!”, изјавија од Левица.