Македонија
Дебата: Борбата за родова еднаквост се води секојдневно
Борбата за родова еднаквост и зајакнување на улогата на жените, треба да се води секој ден од жените и мажите во општеството, заклучуваат денешните учесници на дебатата по повод 100-годишнината од одбележувањето на Меѓународниот ден на жената.
Борбата за родова еднаквост и зајакнување на улогата на жените, треба да се води секој ден од жените и мажите во општеството, заклучуваат денешните учесници на дебатата по повод 100-годишнината од одбележувањето на Меѓународниот ден на жената.Евро амбасадорот Питер Соренсен нагласи дека во Европската унија плурализмот, недискриминацијата, толеранцијата, правдата, солидарноста и еднаквоста помеѓу мажите и жените мора да преовладува.„Меѓународниот ден на жената оваа година е инспириран од еднаквиот пристап до образованието, обука наука и технологија. Како што е нагласено од овие теми, еднаквоста помеѓу мажите и жените не е само прашање за зајакнување на основните права и социјалната правда туку е и еден предуслов за постигнување на одржлив развој, целосно вработување, конкурентност, научни издигнувања и социјална кохезија. На општеството му е потребно и мажите и жените да бидат еднакви учесници и токму поради тоа треба многу често да се потсетуваме“, рече Соренсен.Холандската амбасадорка Симоне Филипини, порача дека на ова поле треба да се концентрира на задачите кои треба да се извршат, а не на успесите кои се веќе постигнати.„Во Македонија навистина се заложија да се регулира законската рамка, но секогаш знаеме дека постои голем јаз помеѓу правната рамка и реалноста која постои. А ние сме токму таму, во реалноста, и можеме да имаме колку што сакаме закони, но битни се само резултатите“, рече Филипини.Деадре Појд координатор на ОН во Македонија рече дека низ целиот свет жените заработуваат помалку од мажите. „Во оваа земја генерално правата на жените се почитуваат, но постојат уште нееднаквости. Овде, само една петтина од работодавците се жени, и немаме ниту една жена градоначалник. Многу жени од ромската заедница се соочуваат со тројна дискриминација – со тоа што се Ромки, тоа што се жени и тоа што се сиромашни. Повеќе од 80 отсто од жените Ромки никогаш не биле вработени, а младите девојки Ромки често се откажуваат од нивното едуцирање. Дојдов и до еден интересен податок дека од сите луѓе кои имаат возачки дозволи во оваа земја, само 20 отсто се жени“, рече Појд.Според неа добрите закони не се доволни за вистинска промена на терен и за да се смени ситуацијата навистина треба залагање за вистинска еднаквост и вистинско зајакнување на улогата на жените.Дискусијата беше во организација на Европската унија. /крај/ко
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Герасимовски: Решен децениски проблем со безбедноста на сообраќајот на улицата ,,Наум Наумовски Борче”
Општина Центар ја отстрани рампата на улицата „Наум Наумовски Борче” кај хотел Дувет, на раскрсницата помеѓу „Ленинова” и „Партизанска” која претставуваше проблем и пречка за функционирање на сите учесници во сообраќајот.
Со овој потег општината го реши деценискиот проблем на барање на жителите, по поднесена петиција во која се потпишаа 327 граѓани. Ова е направено во согласност со ДУП-от и за овој зафат се добиени потребните дозволи од сите надлежни институции.
На улицата се поставени столпчиња за безбедност во сообраќајот и за влегувањето на возилата во подземните гаражи. Со овој зафат се обезбедува пристапна зона која ќе биде проодна и безбедна за граѓаните.
,,Конечно го решаваме долгогодишниот проблем на ваше барање. Улицата станува безбедна за пешаците и за вас жителите. На овој потег постојано се случуваа сообраќајни незгоди и затоа ова моравме да го направиме. Со вадењето на рампата воедно и ја ослободивме улицата од сите пречки поради кои имаше проблеми”, им се обрати Герасимовски на собраните жители.
Општина Центар известува дека улицата ќе биде двонасочна, во широчина од 7 метри, по 3.5 од секоја страна, ќе се отстрани страничната урбана опрема и ќе се намалат надворешните тераси на угостителските објекти долж улицата „Наум Наумовски Борче”.
Со ова исто така ќе се оневозможи дивото паркирање на улицата што претходно претставуваше проблем за пешаците.
Македонија
Пендаровски: Ја вративме слободата, изградивме еднакво општество, имаме силна поддршка од најмоќните демократски држави
Кандидатот за претседател, Стево Пендаровски вчерашниот ден од изборната кампања го заокружи со граѓански митинг во Гостивар.
Пред присутните Пендаровски потсети на резултатите постигнати во изминатите пет години како враќањето на слободата и демократијата, градењето модерно општество на еднакви граѓани и напредокот во евроинтегративниот процес.
Пендаровски посочи дека по членството во НАТО, се случи напредок и во процесот на интеграција кон ЕУ, кој сега е блокиран поради блокадите на ВМРО-ДПМНЕ и нивниот однос кон меѓународните договори што ја гарантираат евроатлантската интеграција на државата.
„Што нуди ВМРО-ДПМНЕ во однос на договорите што нѐ вратија во нормалниот цивилизиран свет? Нудат поништување. Кога ќе ги прашате што после тоа поништување, велат повторно ќе почнеме да преговараме. Имаат ли гаранции дека некој од надвор од големите сили ве поддржува за тоа повторно да го преговарате и да го доведете до исход кој е добар за народот и државата? Немаат. Немаат еден докажан пријател, партнер од големите сили, како што имавме ние. Сите овие договори што ги споменувам и со Грција и со Бугарија и со Европа се направени со огромна поддршка и помош од Америка, од Германија, Франција, од големите меѓународни сили. Тие немаат ниту еден и затоа кога доаѓаат пред вас ви кажуваат дајте ни власт па од 9 мај ќе ви кажеме кои се нашите планови. Тоа е крајно несериозно“ порача Пендаровски.
Затоа, додаде тој, уште на 24 април потребна е масовна мобилизација и заокружување на бројот еден со што напредокот на државата ќе продолжи.
Пендаровски во своето обраќање пред граѓаните порача и дека е крајно време за да се испита потеклото на имот на сите судии и обвинители, но и на политичарите, почнувајќи од него, а оние за кои ќе се утврди дека за време на нивниот мандат несразмерно го зголемиле својот имот прво да ги вратат парите а потоа и да се соочат со затворски казни.
Македонија
СДСМ: Мицкоски и ДПМНЕ немаат план ниту визија, со нив нема членство во ЕУ
„Мицкоски и ДПМНЕ немаат план, ниту визија за иднината, кристално е јасно дека со нив нема членство во ЕУ.
Мицкоски и ДПМНЕ како иднина, на граѓаните им нудат враќање во минатото, во изолација, режим, неизвесност.
Граѓаните сакаат напред, сакаат членство во ЕУ, повисок животен стандард, поголеми плати и пензии, сакаат да живеат во европска Македонија.
Затоа, на изборите ќе го дадат својот глас за европска иднина со СДСМ и Димитар Ковачевски“.
Соопштение на СДСМ