Македонија
Средба Груевски – Црвенковски
Лидерите на најголемите партии, ВМРО – ДПМНЕ и СДСМ, Никола Груевски и Бранко Црвенковски денеска треба да остварат средба на која e предвидено да се разговара за условите кои ги постави опозицијата за одржување на предвремени парламентарни избори.
Лидерите на најголемите партии, ВМРО – ДПМНЕ и СДСМ, Никола Груевски и Бранко Црвенковски денеска треба да остварат средба на која e предвидено да се разговара за условите кои ги постави опозицијата за одржување на предвремени парламентарни избори.Средбата е закажана за 13 часот во Клуб на пратеници во Скопје.Минатата недела Груевски му испрати отворено писмо на Црвенковски за средба со цел надминување на состојбите за распишување на предвремени избори. Црвенковски ја прифати, но побара и лидерска средба на која ќе присуствуваат лидерите на сите политички партии.
Лидерот на СДСМ во петокот изјави дека од барањето за одмрзнување на сметките на А1, Време, Шпиц и Коха е ре партијата не отстапува, но тоа сега веќе не е услов за почеток на меѓупартиските разговори, туку социјалдемократите бараат тоа да биде тема на разговорите. Тој посочи дека остануваат и другите услови какви што се изборниот закон, законот за медиуми и прочистувањето на избирачкиот список, услови кои според опозицијата се за одржување на фер и демократски избори.Груевски постојано во изминатиов период изјавуваше дека не може да го прифати условот за одблокирањето на сметките на медиумите, со образложение дека извршната власт нема право да се меша во одлуките на судската власт.За законот за медиуми, Груевски посочуваше дека никаде не постои таков закон.За денеска беше закажана и собраниска седница на чиј дневен ред се точките за Изборен законик, избор на претседател на ДИК и формирање на повремена комисија за утврдување на состојбата со избирачките списоци, но истата е презакажана за утре.Седницата е одложена бидејќи денеска во Собранието треба да се одржи комеморативна седница за починатиот пратеник од ВМРО-ДПМНЕ, Владо Стефановски.Се очекува на седницата во среда да присуствуваат и пратениците од опозицијата./крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Успешна е денталната операција – изведена транспозиција на нерв
Вчера успешно заврши сложениот хируршки зафат – транспозиција на нерв на пациент од земјава.
Оваа комплексна техника ја изведе искусен хируршки тим под водство на професор Мазен Тамими од САД, роден во Јордан.
Интервенцијата се изведе во присуство и во приватната специјалистичка ординација на реномираниот орален хирург и имплантолог од овие простори – Диана Бојковска. Пациентот е во стабилна состојба, се чувствува добро, но претстои период на целосно заздравување после извршување на операцијата поради прилично атрофираната долна вилица.
Видео приказ од интервенцијата ќе биде емитуван во рамки на меѓународниот имплантолошки Конгрес кој почнува денес во хотел Хилтон, Скопје, а ќе трае до 20. април. Напредната хируршка техника за прв пат ќе биде споделена со пошироката стручна јавност од земјата, но и од светот, бидејќи на Конгресот ќе учествуваат врвни стоматолози, орални и максилофацијални хирурзи од четири континенти.
Дигитализација во стоматологијата и новите трендови во имплантологијата се дел од темите кои ќе бидат во центарот на вниманието на овој Конгрес. Конгресот предвидува теоретски, практичен дел и презентирање на напредна хируршка техника во делот на имплантологијата.
Еминентни стоматолози специјалисти од Македонија исто така ќе земат активно учество на конгресот: Д-р. Митко Франгов, орален хирург и меѓународно лиценциран имплантолог, Д-р. Златко Вршковски, максилофацијален хирург и меѓународно лиценциран имплантолог, Д-р. Недим Касами, максилофацијален хирург и имплантолог, Д-р. Петар Вршковски, орален хирург и имплантолог, Др. Диана Бојковска, орален хирург и имплантолог.
Во Македонија за прв пат стоматолозите учесници на конгресот ќе бидат дел од меѓународно акредитирана имплантолошка едукација и ќе добијат CME европски кредит поени.
Македонија
МОН известило дека деновите на изборите ќе се одработуваат во две саботи, а на 15 јуни и часовите пропшуштени поради самитот на ОБСЕ
Министерството за образование и наука (МОН) ги известило училиштата дека неработните денови на одржување на изборите, ќе се одработат во две саботи, односно на 18 мај и 1 јуни, објави претседателот на Самостојниот синдикат за образование и култура (СОНК), Јаким Неделков.
Во дописот што го објави Неделков стои дека причината е за да се исполни одредбата од Законот со кој учебната година остварува во 180 наставни дена, а притоа да не се продолжи учебната година.
МОН, покрај тоа, ги задолжува основните училишта во Град Скопје на 15 јуни да ги одработат и пропуштените часови од 30 ноември лани, кој беше неработен ден поради одржување на Министерскиот совет на ОБСЕ.
Неделков побара од министерот Јетон Шаќири веднаш да го повлече известувањето до училиштата.
„Од кога неработните денови преку ноќ стануваат работни? Министерот за образование веднаш да го повлече известувањето до училиштата со кое се задолжуваат да ги одработат ‘неработните’ денови, прогласени од Владата заради одржување на претстојните избори! Впрочем, и други учебни години завршувале и биле верифицирани од страна на министерот со помалку од 180 работни денови, како на пример учебната 2021/22 година“, напиша Неделков на Фејсбук.
Владата претходно ги прогласи за неработни за сите граѓани деновите на одржување на изборите, 24 април и 8 мај.
Македонија
Пендаровски: Знам некои од другата страна кои имаат многу причини за страв од ветинг
Претседателскиот кандидат Стево Пендаровски вчеравечер од Кочани одговори зошто не е доцна во државата да се спроведе ветинг.
„2016 јас бев дел од тие кандидати за пратеници тогаш тоа го ветувавме. Добивме инструкција од Брисел дека заради негативните искуства во соседна Албанија, каде многу малку судии и обвинители го поминале тој тест, ветинг е проверка на имотната состојба, преведено на народски, дали си живеел во мандатот само од плата или си крадел и од други места. Значи, дали си чесен. Ги послушавме и дојдовме до 2% доверба во правосудството“, рече Пендаровски.
Во оваа насока тој истакна дека не само оваа политичка структура, туку дека после изборите сите треба да се заложат да се спроведе ветинг на судиите и на обвинителите, но и на политичарите.
„Значи не можеме ние целата вина да ја ставаме на судии и обвинителите, а самите да се амнестираме од тоа. Прво да се тргне од претседателот, од премиерот, од неговите роднини, пријатели, колеги, блиски, подалечни роднини, да не случајно си префрлил имот на друго име, само така ќе знаеме кој е човек со образ, кој суди по Устав и по закон. Сè друго е лажење на народот“, подвлече Пендаровски.
Потребно е да го спроведеме ветингот, за како што рече тој, граѓаните да не се сомневаат дали судиите и обвинителите работат согласно со законите или како што ќе им наложи некој друг.
„Да нема генерална перцепција во народот дека за 10 ќебапчиња или за 50 денари украдени на наплатна рампа одиш во затвор, а за милијарди украдени си живееш лагодно по не знам кој светски даночен рај. За да го избегнеме тоа, јас сум за ветинг или проверка на имотот на секој од нас и не само последните пет години. Ајде да тераме од 1990. Зошто да не? Јас немам од што да се плашам. Меѓутоа, знам некои од другата страна што имаат многу причини за страв“, заклучи Пендаровски.