Македонија
Адвокатите ќe ја напуштат “Пајажина”
По денешното одложување на истрагата за случајот “Пајажина” со детали околу судската постапка со соопштение до јавноста се обрати адвокатскиот тим на осомничените. Во соопштението пишува:
По денешното одложување на истрагата за случајот “Пајажина” со детали околу судската постапка со соопштение до јавноста се обрати адвокатскиот тим на осомничените.
Во соопштението пишува: “Одбраната на сите обвинети има сознанија дека обвинителски тим веќе трет ден се наоѓа во Охрид каде веќе е напишано обвинението и се чекаат резултатите од вештачењето кое според истражниот судија треба и е наредено да се изготви до утре 22.03.2011 година”.
Исто така адвокатскиот тим незадоволен од текот на истрагата соопштува : “Сериозно се размислува и став е на сите бранители да ја откажат одбраната, за да не дадат легитимитет на вака водена постапка и не бидат гол декор во незаконското постапување на судот”.
За денес во 10 часот во Биротo за судски вештачењa во Скопје на закажаното вештачење од судот се јавија сите потпишани бранители од овој поднесок и обвинетите доведени од притворското одделение на затвор Скопје, како и обвинетите кои се во куќен притвор.
Пред да почне вештачењето бранителите побарале да се води официјален записник. Но бидејќи истражниот судија, а и обвинителот не биле присутни во просториите на Заводот за судки вештачења и немало кој да води записник адвокатите велат дека биле принудени приговорот за непостоење услови за вештачење да го доставиме преку архивата на суд, за судијата и јавноста да знаат зошто немало услови да се одржи вештачење.
Од одбраната се изненадени од сознанието дека во наредбата издадена од судијата на вештите лица е даден краен рок истото да се заврши утре , па според нив останува нејасно доколку обвинетите бараат увид во доказите поради нивната обемност како тоа ќе го сторат за еден ден. Адвокатите обвинуваат дека судот така сака да создаде алиби дека е вршено вештачење.
Сите забелешки околу истрагата адвокатскиот тим ги известил надле надлежните институции во државата , а ќе ги извести и сите странски амбасади и меѓународни организации.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Мицкоски: Постојниот простор на СВР Охрид ќе се стави во функција на градот, надземно ќе биде убав парк, а подземно катна гаража
„Денеска на покана на министерот и градоначалникот сум во Охрид, да дадам и јас лично поддршка на проектот кој тие двајца го најавија дека тоа ќе биде еден од приоритетите на идната влада на ВМРО-ДПМНЕ и Коалицијата Твоја Македонија. Станува збор за простор на СВР Охрид кој ќе се стави во функција на општина Охрид или ќе биде надземно убав парк, а подземно катна гаража“, кажа лидерот на ВМРО-ДПМНЕ, Христијан Мицкоски.
„Ценам дека треба да се слушаат потребите на граѓаните, треба да се слушаат потребите на тие кои се избрани од граѓаните.
Ценам дека на овој начин ќе се овозможи еден поголем комфор во рамките на градското централно подрачје во Охрид во оној дел каде што е туристичка зона и ценам дека како држава треба да поддржуваме проекти кои ќе значат додадена вредност за средините во кои се прават. Еден од тие проекти е овој овдека.
Така што уште еднаш од мене голема благодарност и до министерот и до градоначалникот на поканата. Очекувам вакви и слични проекти и во иднина во други области во Македонија“, изјави Мицкоски.
Сервисни информации
Сообраќајот на патот Прилеп-Македонски Брод, се одвива наизменично по една коловозна лента
Во 14:58 часот сообраќајот на регионалниот пат Прилеп-Мак.Брод, сообраќајот се одвива наименично по една коловозна лента.
АМСМ информира дека сообраќајот на државните патишта се одвива непречено, по наместа влажни коловози.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Апел за помош за малиот Војдан
„Почитувани, ви се обраќам како очајна мајка на Војдан, кој е дете со церебрална парализа. Војдан е предвремено родено дете, кој е борец уште од првата секунда од неговиот живот. 71 ден ги помина во инкубатор, на респиратор, со мал милион дијагнози и прогнози, но тој се избори и си дојде дома.
Кога мислевме дека нема крај на нашата среќа. Господ повторно ни го зададе најголемиот удар, на Војдан му дијагностицираа Церебрална парализа. 8 месеци ги поминавме по болничките лавиринти во нашата држава, со што немаше значителен напредок. Од негови 11 месеци, одиме на рехабилитација во Загреб. Одиме секој месец и остануваме таму по една недела. Војдан има сериозен напредок во неговата битка, која продолжува и од кога ќе се вратиме дома. Секојдневно има физикална терапија, со што јас како родител сум обучена да работам со него, дефектолошки и логопетски третман одиме на приватно. Фондот за здравство не ни го признава лекувањето на Војдан, па цели овие години одиме со помош на нашиот хуман народ. Како мајка на која единствена желба и е здравјето на нејзиното дете, уште еднаш и до бескрај ги молам сите хумани граѓани кој се во можност да ни помогнат за Војдан да излезе како победник во битката“.
Информации околу кампањата за собирање на донации имате тука