Македонија
Милошоски: Црвенковски се однесува непринципиелно
Шефот на македонската дипломатија, Антонио Милошоски, како непринципиелно го оцени однесувањето на претседателот на опозицискиот СДСМ, Бранко Црвенковски во врска со неговата денешна изјава за предвремените избори.
Шефот на македонската дипломатија, Антонио Милошоски, како непринципиелно го оцени однесувањето на претседателот на опозицискиот СДСМ, Бранко Црвенковски во врска со неговата денешна изјава за предвремените избори.Министерот за надворешни работи Антонио Милошоски пред новинарите во Брисел изјавил дека го смета за непринципиелно однесувањето на Бранко Црвенковски кој претходно во текот на денот објави предлог план за одржување на предвремени парламентарни избори, според кој изборите би се одржале на 26. јуни врска со предвремените избори.„Мислам дека самиот пристап да се условуваат предвремените избори од страна на оној политичар кој истите ги бараше не е принципиелно однесување, изјави денеска Милошоски во Брисел.Милошоски посочува дека одговорна Влада е таа којашто дава можност за дијалог со опозицијата, а според него оваа Влада тоа го направи.„Сериозно ќе ги разгледаме излагањата и предлозите со цел да не му оставиме никому простор за изговор за преземање на политички чекори кои ќе и’ наштетат на угледот на Република Македонија“, рече Милошоски.Партиските органи на владејачката ВМРО-ДПМНЕ во следните два дена ќе излезат со официјално соопштение и позиција во однос на нивните сугестии, рече Милошоски./крај/со/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Изет Меџити од Берлин: Дијаспората ја совлада Југославија, ќе го совладат и ДУИ
Лидерот на Демократското Движење, истовремено и носител во изборната единица број еден, Изет Меџити, учествуваше во голем собир со дијаспората во Берлин на Коалицијата ВЛЕН (ВРЕДИ).
Меџити од овој собир на дијаспората и се обрати со зборови каде им ја даде убавата вест дека на 8 мај пристигнува победата, но и за вредноста на учеството на дијаспората во овие избори кои многу добро знаат да казнуваат режими и тие кои го мразат Курти и Косово.
„Првите политички движења се отпочнати од дијаспората, како за совладување на Југославија, така и за независноста на Косово, а токму од ова дијаспора ќе пристигне и казната за ДУИ која се спротиставува на Косово и кокетира со Вучиќ”.
Тој, исто така, додаде дека сега е историскиот момент за промени во албанската политичка сцена после децении, со обединетата опозиција и со Самоопределување.
Македонија
Во Скопје санкционирани 179 возачи
Секторот за внатрешни работи Скопје во текот на вчерашниот ден (19.04.2024) продолжи со контролите во областа на сообраќајот.
На територија на град Скопје изречени се вкупно 179 мерки, меѓу кои за возење повеќе од дозволената брзина 51 санкција, 11 мерки за возење без возачка дозвола, осум санкии за поминување на затворен сигнал – црвено светло, седум мерки за управување под дејство на алкохол…
Сообраќајните контроли продолжуваат и во наредните денови.
Македонија
Посебен сообраќаен режим викендов во Скопје поради предизборни митинзи
Поради предизборни митинзи за претседателските избори викендов во централното градско подрачје ќе биде воведен посебен сообраќаен режим.
Како што информира Министерството за внатрешни работи од денеска од 19 часот до утре до 21 часот на улицата „Св. Кирил и Методиј“ ќе биде воведен посебен сообраќаен режим поради одржување на митинг што ќе се одржи утре во 13 часот пред седиштето на Европската унија. За сообраќај ќе биде затворена ул.„Св.Кирил и Методиј“ на потегот од крстосницата со бул.„Кочо Рацин“ до крстосницата со бул.„Св. Климент Охридски“.
Утре во 20 часот на плоштадот „Македонија“, пак, ќе се одржи митинг од изборната кампања за претседателските избори поради што Единицата за безбедност на патниот сообраќај при СВР Скопје ќе преземе мерки за посебен режим на сообраќај во централното градско подрачје, а сообраќајот времено ќе се запира на сообраќајниците по кои ќе се движат учесниците на настанот.
Од МВР апелираат до граѓаните да ги почитуваат наредбите на полициските службеници.