Македонија
Георгиевски: Очекуваме да бидеме дел од новата влада, иако изборите се очајни
ВМРО – Народна партија денеска симболично ја започна неформалната кампања и соопштија дека ги прават завршните подготовки.
ВМРО – Народна партија денеска симболично ја започна неформалната кампања и соопштија дека ги прават завршните подготовки. Очекуваат дека ќе бидат дел од новата влада, иако предвремените избори според нив се очајни.Почесниот претседател информираше дека во завршна фаза е изборната програма на партијата, а наскоро ќе го објават и слоганот на нивната кампања. „Денеска ќе ја разгледаме и Декларацијата која неколку пати ја најавуваме и најверојатно во наредните денови ќе ја понудиме на другите политички партии. Декларацијата од самиот почеток ја најавуваме, гледаме дека и пораките на меѓународната заедница која интензивно ги праќа до Македонија се во насока на тоа конечно да се затвори проблемот со името и брза евроатланска интеграција на земјава веднаш по изборите“, рече Љубчо Георгиевски, почесен претседател на ВМРО – Народна партија. Според него, новата владина коалиција треба да биде подготвена брзо да ја внесе Македонија во ЕУ и НАТО.Георгиевски истакна дека ВМРО-НП е подготвена за предвремените избори на 5 јуни, и веќе започнуваат со серија настапи низ државава, а од денеска ќе ги подготвуваат и изборните листи.На новинарското прашање доколку добие важно место во наредната влада, дали ќе се залага за ревидирање на Рамковниот договор, Георгиевски рече дека нема простор за ревидирање бидејќи тој речиси 97 отсто се применува. „Рамковниот договор во свои 97 отсто е исполнет, само во оној мал дел на правична застапеност на заедниците не знам колку е исполнет, меѓутоа сето друго се применува. Она што ние сакаме да го пратиме како порака, а не како договор, е да направиме еден кодекс на однесување за да не се распламнуваат меѓуетничките односи“, рече Георгиевски и за пример ја зеде Албанија, каде што живеат повеќе верски заедници, а никогаш немало проблеми и недоразбирања на меѓуетничко ниво./крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Герасимовски: Конечно Работнички се враќа на шампионските патеки
Градоначалникот на Општина Центар Горан Герасимовски вчера вечер присуствуваше на тренингот на КК Работнички во салата Кале. Со кошаркарите разговараа за издигнувањето на тимот и потребите за достигнување на високи резултати и на следните натпревари.
„Сакам да се заблагодарам пред се и на тренерот на цел стручен тим но и на сите играчи за одличните резултати коишто ги имаме годинава. Успеавме со клубот од невозможно да направиме возможно. Клубот којшто го начекавме пред две години на 10то место со 4-5 неисплатени плати и долг од 600 000 евра да го вратиме на победничките патеки. Важно е што во моментов табелата трепка што сме на прво место и се надевам дека тоа така ќе остане и до крај. Јас верувам дека ќе имаме успех оваа сезона и уште поголем успех следната“, им порача Герасимовски на кошаркарите.
При средбата Герасимовски ги извести играчите дека општина Центар го има имотниот лист на салата и успеа да го исполни ветувањето дека ќе ја врати сопственоста на салата под ингеренции на општината.
Општина Центар на крајот на минатата година доби финансиски средства од Владата во вредност од 30 милиони денари наменети за реконструкција на салата, при што Герасимовски ги информираше играчите со процесот и проект планот кој е веќе во изработка за реновирање на матичната сала на Работнички. Конечно Работнички се враќа на шампионските патеки, ви благодарам за тоа, порача Герасимовски.
Македонија
Петровска: Судот донесе одлука дека Ковачки неправедно ме клеветел
Министерката за одбрана, Славјанка Петровска објави дека судот донел одлука со која се утврува дека пратеникот од ВМРО-ДПМНЕ, Драган Ковачки, неправедно ја клеветел.
„Основниот граѓански суд во Скопје по сите прикажани докази од моја страна донесе одлука со која се утврдува дека тужениот Драган Ковачки искажал невистини и лаги односно неправедно ме клеветел во јавност со цел да ми го наруши угледот и честа во очите на јавноста, Овој е само еден од низата примери на неодговорно, нечесно и валкано однесување на политичката сцена од страна на Ковачки“, пишува Петровска.
Во продолжение таа додава дека не сака пари од нечесник и се откажува од паричниот надомест.
„Секој го прави тоа што најдобро го знае, тие со лагите, јас со труд и одговорна и чесна работа“, додава Петровска.
Македонија
Манолева: По 43 години, болницата во Отешево доби комплетно нов лик, современи услови за третман и медицинска опрема
Заменик министерката за здравство д-р Маја Манолева, вчера беше во посета на ЈЗУ Специјализирана болница за превенција лекување и рехабилитација на хронични респираторни неспецифични и алергиски заболувања ОТЕШЕВО. Оваа јавно-здравствена установа минатата година доби комплетно нов лик со реновиран болнички објект финансиски поддржан од Министерството за локална самоуправа и Владата на Швајцарија во висина од 20 милиони денари.
„Со имплементацијата на овој проект подобрени се болнички услови за третман на пациенти, поставен е нов мебел како донација од Луксембург, а собите се наместени со нов инвентар. Сите амбуланти, лабораторија, дневна соба, ехо кабинет, соба за спирометрија и алерго тестови се позиционирани во реновираниот објект. Како што можевме да видиме од посетата амбулантите веќе функционираат во реновираните простории. Специјализираната болница Отешево нуди современи услови за третман на пациенти и достоинствени услови за работа на здравствените работници“, рече Манолева.
Болницата во Отешево опстојува повеќе од 43 години и ова е прво реновирање кадешто значително се унапредени болничките услови. Во изминатиот период, установата се зајакна и со два апарати за физикална медицина и рехабилитација во склоп на проектот во вредност од 270 илјади денари.