Македонија
Промовиран проектот „Младинска мрежа за стекнување вештини за вработување“
„Не постои добра усогласеност меѓу понудата и побарувачката на пазарот на трудот што резултира со невработеност и неискористен млад потенцијал, рече Ѓорги Кушевски од УСАИД
Според него, младите ги немаат потребните вештини за да се справат на работното место, што резултира со голем процент на невработеност.Поради тоа, УСАИД, Министерството за образование и Министерството за труд и социјална политика денеска го започнаа проектот „Младинска мрежа за стекнување вештини за вработување (Мрежа ЈЕС), кој има за цел да им помогне на младите луѓе да се стекнат со неопходни вештини, со кои ќе можат да учествуваат во економијата.Мрежата ЈЕС ќе биде врска меѓу Агенцијата за вработување, средните стручни училишта и невладините организации чија цел е да им обезбеди обуки на младите на возраст од 16 до 25 години за вештини како што се тимска работа, комуникација, лидерство и работно искуство.Мрежата ЈЕС ќе основа совети со кои ќе раководат локалните самоуправи, кои ќе ги поврзат работодавачите, едукаторите, невладините организации и општините за подобро усогласување на вештините кои се бараат на локалниот пазар на труд со вештините кои се развиваат преку образовниот систем.Во проектот предвидена е и обука на наставниците за тоа каков кадар им е потребен на компаниите, а во училиштата ќе се отвараат центри за кариерно советување.Ѓорги Кушевски кој е координатор на проектот вели дека истражувањата за овој проект покажале дека барањата на работодавачите стануваат се поголеми. Дури 50 отсто од компаниите немаат соодветен кадар, а 77 проценти од компаниите имаат потреба од дополнителна обука на кадрите.Според него покрај соодветното образование и познавање на странски јазици и компјутерски вештини, компаниите бараат и сет вештини како што се тимска работа, комуникациски и организациски вештини, креативност, а работното место е исклучително ценето на пазарот на трудот.„Она што е клучен проблем во Македонија во делот на невработеноста е тоа што многу ретко се соединуваат понудата и побарувачката на пазарот на трудот и тоа поради дефицитарни кадри кои не се интересни за оние кои учат или студираат. Втор проблем е тоа што нивото на вештини и компетенции со кои се стекнуваат учениците е на низок степен и во тој правец ги развиваме овие програми“ – изјави министерот за образование Никола Тодоров Проектот ќе трае до 2015 година, ќе опфати десет општини, а во првата фаза ќе бидат опфатени градовите Струмица, Битола и Тетово.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Николоски: Како носител на ИЕ 4 за мене најдрага е победата на ВМРО-ДПМНЕ во Струмица, во следните две недели ќе продолжиме да работиме уште поинтензивно
Денес продолжуваме со кампањата за парламентарните и претседателските избори, денеска се спојуваат повторно двете кампањи. Продолжуваме тука од Струмица каде што планираме големи проекти по формирање на влада предводена од ВМРО-ДПМНЕ. Повикувам сите граѓани да ја прочитаат нашата програма Платформа 1198 каде што нудиме решенија за најкрупните проблеми на граѓаните, пред се во делот на владеење на правото и воспоставување на функционален систем на владеење на правото и правна држава, понатаму економскиот развој, решенија за состојбите во образованието и во здравството, поддршка за пензионерите, но и за најмладите преку проектот „Купи куќа“ и бројни други проекти кои што ги имаме во Платформата 1198, порача Александар Николоски, потпретседател на ВМРО-ДПМНЕ и носител на изборна единица 4.
„За нас е огромна привилегија поддршката која што ја добивме вчера, сметаме дека резултатот кој што вчера го постигна Гордана Силјановска Давкова и ВМРО-ДПМНЕ е обврска во следните две недели уште поинтензивно да се среќаваме со сите кои што сакаат да се сретнат со нас, да го објасниме нашиот концепт и визија и да ја побараме поддршката. Очекувам на 8 мај да има убедлива победа за Гордана Силјановска Давкова и најмногу пратеници за ВМРО-ДПМНЕ кој што ќе овозможат стабилна влада која што нема да биде уценува од никого и кој што ќе овозможат во опозиција да одат и СДСМ, но и политичката партија ДУИ“, кажа тој.
Додаде дека е среќен како носител во ИЕ 4 што имаат победа во Струмица.
„Тоа мислам дека е голем сигнал не само за Струмица, не само за струмичката околија туку за цела Македонија. Победата за Струмица за мене е најдрага од сите победи вчера, сакам да се заблагодарам на тимот позади мене, во следните две недели ќе работиме уште поинтензивно за да имаме уште поубедлива победа и Струмица конечно да го добие она што го заслужува, а тоа е економски развој и воведување на функционална правна држава каде што ќе има јасно владеење на правото, а не она што се случуваше во годините наназад“, рече Николоски.
Македонија
Стојчевски: Родена е третата политичка сила во македонскиот политички блок
Даниел Стојчевски, носителот на листата на Движењето ЗНАМ за Наша Македонија во ИЕ 2 истакна дека е родена третата политичка сила во македонскиот политички блок.
„Граѓаните испратија јасна порака. Изборното востание со својата незапирлива позитивна енергија се шири низ цела Македонија. На граѓаните им е доста од неказнета корупција,неправда,сиромаштија,лажни ветувања и криминална власт. Ние од Движењето ЗНАМ за Наша Македонија,искрено и чесно сме посветени на идејата нашата татковина да ја иградиме како просперитена држава во која обединето живеат среќни граѓани ,и никогаш нема да дозволиме граѓаните да бидат поделени по политичка, етничка или верска припадност“, истакна Стојчевски.
Се заблагодари на подршката на граѓаните и гласот кој го дале за како што рече, просперитетна Македонија.
„Ви благодариме за довербата која ни ја давате, да стигнеме до нашата заедничка цел, да ја видиме Македонија таму каде што заслужува да биде“, посочи тој.
Македонија
Таравари по веста дека имал тајна средба со Ахмети: Тоа е лага, но навикнат сум на понудите на Ахмети и не би било изненадување доколку дојде до мене
Претседателскиот кандидат на албанската опозициска коалиција „Вреди“, Арбен Таравари ја демантира веста дека вчера тајно се сретнал и добил понуда од претседателот на Демократската унија за интеграција, Али Ахмети по резултатите од претседателските избори.
„Со жалење денеска од еден многу сериозен албански медиум дознав дека синоќа се сретнав со господинот Ахмети и други функционери на ДУИ, за да слушнам понуда од господинот Ахмети. Не, не е вистина“, пишува Таравари ан социјалните мрежи.
„Кој ја кажал оваа вест лаже“, додава тој во напишаното.
„Синоќа му честитав на мојот тим и мирно денес продолжуваме со нашата работа кон промена! Навикнат сум на понудите на Ахмети и мислам дека не би било изненадување доколку дојде до мене, но оваа вест е лажна“, потенцира Таравари.