Македонија
СДСМ се огласи за „Надеж 2“, тврдат ВМРО-ДПМНЕ изнесува лаги
СДСМ денеска се огласи на повиците од ВМРО-ДПМНЕ да одговори за аферата „Надеж 2“. Велат ВМРО-ДПМНЕ изнесува манипулации и лаги во врска со Охридскиот самит на претседатели кој се одржа во 2008 година.
СДСМ денеска се огласи на повиците од ВМРО-ДПМНЕ да одговори за аферата „Надеж 2“. Велат ВМРО-ДПМНЕ изнесува манипулации и лаги во врска со Охридскиот самит на претседатели кој се одржа во 2008 година.Од СДСМ најавија тужби за клевета за Илија Димовски, Сашо Стефановски, Александар Бичиклиски и Марија Андоновска.Велат со самите тужби се иницира судска постапка и дека со тоа случајот ќе ја добие вистинската разрешница.На денешниот брифинг за новинарите лидерот на СДСМ, Бранко Црвенковски и шефот на неговиот кабинет Наташа Савова рекоа дека се горди што на Самитот се покажале како добри домаќини. Велат дека им било потребно време за да ја соберат целата неопходна документација за да ги демантираат, како што тврдат, лагите изнесени во јавноста.За Договорот помеѓу Кабинетот на претседателот и Пристоп од СДСМ велат дека тој е склучен на 7 април 2008 година по завршувањето на законската постапка за избор на најповолен понудувач и дека истиот е архивиран во претседателскиот кабинет на 21 април по барање на Државниот завод за ревизија.Потпишувањето на одлуката за избор на најповолен понудувач велат дека е потпишана на 31 март 2008, но посочуваат дека тоа е направено врз основа на извештај на Комисијата за јавни набавки, донесен на 28 март, а не како што тврдат од ВМРО-ДПМНЕ донесен на 28 април.За обвинувањата дека се потрошени 530 илјади евра и дека немало финансиски извештај за тоа, СДСМ истакнуваат дека според Законот за јавни набавки извршителот има обврска да ја изврши договорената јавна набавка и за тоа ги поднесува фактурите кои се доволна спецификација според ДЗР за извршените услуги.Велат дека постои и законско образложение и извештај од Комисијата за јавни набавки која го спроведе тендерот.За Зоран Иванов тогашен советник во Кабинетот на Црвенковски, велат дека немал можност да одлучува во изборот за најдобар понудувач и да исплаќа средства од сметката на претседателскиот кабинет.За логото на Самитот, од ВМРО-ДПМНЕ тврдат дека тоа чинело 12.000 евра, а од СДСМ демантираат и информираат дека се платени 7.461 евра.Демантираат и дека за хостеси и преведувачи се платени 45.000 евра за ден ипол.Велат дека таков износ никаде не бил понуден. Лага и манипулација според нив е и бројката од 9.000 евра платена за еден билборд./крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Таравари: Земјотресот почна, се надевам дека на 8 мај ќе дојде промената ДУИ да биде опозиција
Масовниот одѕив на гласачите на овие претседателски избори за Арбен Таравари, претседателски кандидат на коалицијата ВЛЕН, е показател дека промените се почнати. На првата прес-конференција по затворањето на избирачките места тој рече дека очекува победа на 8 мај.
„Земјотресот по се изгледа дека денеска почна со масовното учество на граѓаните во изборите, а се надевам дека на 8 мај ВЛЕН ќе победи и ќе дојде долго очекуваната промена ДУИ да биде во опозиција“, рече Таравари.
Тој јавно се заблагодари на граѓаните за масовниот одѕив и изрази надеж дека набљудувачите нема да дозволат злоупотреби на гласовите.
„Сега веќе се знае дека на овие избори имаше многу помасовно излегување на гласање отколку претходните избори што зборува дека промените ни се приближуваат и ни доаѓаат. Ние како ВЛЕН сме пресреќни дека добивме гласови генерално од Албанците. Сега веќе промените се внатре во кутиите кои веќе се отвораат. Се надевам дека нашите набљудувачи ќе ги контролираат и нема да дозволат да има злоупотреби и ќе се гарантира секој глас кој што е даден на демократски начин дека ќе излезе на површина“, рече Таравари.
Македонија
Кузеска: Констатирани се мали прекршувања на изборниот процес, ги очекуваме резултатите и уверени сме дека граѓаните ќе ја поддржат европската иднина
Богданка Кузеска од Изборниот штаб на СДСМ, по затворањето на избирачките места изјави дека изборниот ден бил демократски, а гласањето се одвивало во фер и демократска атмосфера.
„Граѓаните својата волја ја изразија слободно и достоинствено како што доликува на една демократска земја – членка на НАТО со започнати преговори со ЕУ. Констатирани се само неколку многу мали прекршувања на изборниот процес. Сакаме да изразиме благодарност до сите граѓани кои денеска гласаа. Самото гласање е суштински чин кој произлегува од моќта на граѓаните да одлучуваат за својата иднина и иднината на државата. Ги очекуваме изборните резултати и уверени сме дека граѓаните и денеска и на 8 мај ќе ја поддржат европската иднина за Македонија. Иднина во која Македонија е дел од европското семејство и членка на ЕУ“, порача Кузеска.
Повтори дека ги очекуваат изборните резултати и наскоро ќе излезат со точни податоци.
Македонија
Евидентирани 12 случаи на фотографирање гласачко ливче, шест пријави за нудење поткуп и 15 пријави за агитирање, соопшти Тошковски
Според министерот за внатрешни работи Панче Тошковски денешниот изборен ден поминал во безбедна, мирна и демократска атмосфера.
Како што рече, безбедните избори биле резултат на добрата соработка меѓу полицијата, Државната изборна комисија и сите други чинители кои биле вклучени во спроведувањето на изборниот процес
„Овие избори беа уште еден тест за демократијата и во таа насока сакам да им честитам на граѓаните кои излегоа на гласање и ја исполнија својата граѓанска должност и со тоа уште еднаш го истакнаа демократскиот капацитет на државата и значењето на нивната активна улога во градењето на инклузивно општество“, кажа Тошковски.
Истакна дека биле евидентирани повеќе настани кои се однесуваат на прекршување на изборниот процес.
„На ниво на целата држава евидентирани се 12 случаи на фотографирање на гласачкото ливче, два случаи на кинење на гласачко ливче, шест пријави за нудење на поткуп и 15 пријави за агитирање. На подрачје на СВР Скопје во врска со пријавата за испукана димна бомба од страна на тимот за антитероризам извршена е проверка , подигната е направата и предадена е на претседателот на избирачкиот одбор. Констатирани се шест прекршоци, а ќе бидат поднесени и две кривични пријави, една за повреда на тајност на гласањето и една за повреда на избирачко право“, потенцира Тошковски.
Во Охрид било пријавено јавно гласање пред комисијата а во Тетово биле пријавени упатени навреди кон шеф на штаб на политичка партија.
Во Куманово како што додаде, две гласачки места во село Умин Дол биле затворени а избирачкиот материјал бил вратен во канцелариите на ОИК.
Во Струмица едно лице го покажало гласачкото ливче на набљудувач.