Македонија
ВМРО-ДПМНЕ: Отчетот е нов квалитет на политичката сцена
ВМРО-ДПМНЕ денеска го издаде Отчетот за изминатите четири и пол години работа во извршната власт.
ВМРО-ДПМНЕ денеска го издаде Отчетот за изминатите четири и пол години работа во извршната власт.
„Кога ја добивме довербата од народот преземавме обврска да реферираме за она што сме го сработиле, за проектите кои сме ги спровеле, за реформите и за модернизацијата кои сме ги направиле. Обврска да истакнеме јавно дека ветувањата кои сме ги дале ги исполнуваме. Таа обврска денес ја исполнуваме“, рече на денешнтата прес конференција вицепремиерот задолжен за европски прашања Васко Наумовски.
Според ВМРО-ДПМНЕ ова е нов квалитет на политичката сцена.
„Поставуваме стандард под кој никој во иднина не може ни да помисли да оди. Времето на празни ветувања, на политичари кои ветуваат а не исполнуваат, и кои не даваат отчет, дефинитивно е поразено. Понудата на програма, и давањето на отчет за реализацијата на таа програма е стандардот на сегашноста и на иднината“, истакна Наумовски.
Во периодот од 2006 до првата половина од 2011 година, Владата предводена од ВМРО-ДПМНЕ, како што информираше Наумовскиm целосно исполнила 1.185 ветувања дадени пред граѓаните од вкупно 1.428 ветувања.
Во просек, како што рече тој, тоа значи 22 проекта во секој месец или пет проекти во секоја недела.
Реализацијата е започната и тече на дополнителни 216 проекти.
„Проектите што се реализирани во целост претставуваат 83 отсто од вкупниот број проекти, а проектите што се реализирани и што се во тек, заедно сочинуваат 98 проценти од она што го ветивме на изборите и за што јавно дадовме збор во текот на управувањето со државата дека ќе го оствариме. 98 отсто исполнети ветувања. Не се завршени 1.33 проценти од проектите. Нивното реализирање продолжува да биде дел од новата програма на ВМРО-ДПМНЕ и тие ќе бидат остварени во рамките на предвидената динамика или по воспоставувањето на неопходните услови за нивна реализација. Од ветените проекти, 0.56 отсто, односно 8 од вкупно 1.428 проекти нема да бидат спроведени во најголем дел заради изнаоѓање на подобра алтернатива за реализација на истите“, рече Наумовски.
Тој потсети на добивањето на визна либерализација, позитивните извештаи од ЕК и добивање на препорака за почеток на преговори со ЕУ, намалување на даноците, зголемување на платите и пензиите, намалување на партиципацијата за студентите, реформи во судството, изградба на патишта и.т.н.
„Веруваме дека овој наш чекор и поставување на стандард ќе ги мотивира и другите партии да воспостават нова вредност во своето однесување“, рече Наумовски./крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Ромите за Демократија: Членови на СДСМ се закануваa на Ромите набљудувачи на изборите
Денес, додека Северна Македонија ги организира своите претседателски избори, се појави голема загриженост за безбедноста и интегритетот на изборниот процес. Членовите на фондацијата „Ромите за Демократија“, кои се набљудувачи на изборите, беа изложени на сериозни закани и заплашувања од членови поврзани со партијата СДСМ, се истакнува во соопштението на оваа фондација.
Додаваат дека како одговор на овие алармантни случувања, фондацијата „Ромите за Демократија“ испратила официјално писмо до лидерот на партијата СДСМ, во кое бараат итна акција.
Во писмото, како што појаснуваат, се повикува на итна истрага за заканите кон ромските изборни набљудувачи и се нагласува потребата од брзи и соодветни санкции против сите вклучени членови на партијата.
Фондацијата „Ромите за Демократија“ најостро го осудува овој чин на заплашување што се применува врз ромските набљудувачи на изборите“, изјави Селвије Мустафи Алкан, извршен директор на Фондацијата.
„Безбедноста на сите набљудувачи на изборите мора да бидат гарантирани за да се обезбеди интегритет на изборниот процес и да се поддржуваат принципите на демократијата“.
Во писмото дополнително се бара одговор од лидерот на партијата СДСМ до крајот на денот, во кој се наведени чекорите преземени за решавање на ситуацијата и спречување какви било дополнителни инциденти. Непочитувањето, како што велат, ќе резултира со информирање на меѓународната заедница, нагласувајќи ја одговорноста на партијата за безбедноста на набљудувачите на изборите.
„Нема да толерираме никакви закани или насилство врз оние кои се посветени на обезбедување слободни и фер избори“, продолжи Алкан. „Партијата СДСМ мора да ги почитува принципите на демократијата и да преземе итни активности за да ја обезбеди безбедноста на ромските набљудувачи на изборите“, истакнуваат од оваа фондација.
Македонија
Две лица од Скопје го искинале гласачкото ливче, неколкумина го фотографирале
Во 14 часот е пријавено дека на избирачко место во Штип М.Ш. (23) го фотографирал гласачкото ливче. Се преземаат мерки за расчистување на случајот, по што ќе следи соодветен поднесок, соопшти МВР.
Полициски службеници од СВР Штип го привеле Г.Ј. (34) од с. Тработивиште затоа што го фотографирал гласачкото ливче. Според полицијата по документирање на случајот ќе следи соодветен поднесок.
„Во 15.30 часот е пријавено дека на избирачко место бр. 1680 во с. Сопот Р.А. од с. Сопот го фотографирал гласачкото ливче. Се преземаат мерки за расчистување на случајот, по што ќе следи соодветен поднесок.
Во 15.40 часот е пријавено дека на избирачко место бр. 2880 во Скопје Р.Х. (72) го скинал гласачкото ливче. Р.Х. е приведен и по документирање на случајот ќе следи соодветен поднесок.
Во 15.50 часот е пријавено дека во избирачкото место бр.2783 во Скопје Б. С. (48) го скинала гласачкото ливче. Се преземаат мерки за расчистување на случајот, по што ќе следи соодветен поднесок“, информираат од МВР.
Македонија
Максим Димитриевски: Народот одлучува за иднината на Македонија
Народот одлучува за иднината на Македонија, порача кандидатот за претседател, Максим Димитриевски по гласањето.
„Jас го остварив своето право и гласав. Народот одлучува за иднината на Македонија! Посакувам демократски избори и можност граѓаните самостојно да одлучат!“, рече Димитриевски, споделувајќи фотографии од гласањето.