Македонија
Презентирана апликација за специјалистичко-консултативна здравствена заштита
Министерот за здравство Бујар Османи денеска присуствуваше на Клиниката за детска хирургија, каде беше извршено презентирање на електронското апликативно решение за специјалистичко-консултативна здравствена заштита.
Министерот за здравство Бујар Османи денеска присуствуваше на Клиниката за детска хирургија, каде беше извршено презентирање на електронското апликативно решение за специјалистичко-консултативна здравствена заштита. Ова решение е дел од проектот за интегриран здравствен информатички систем. Негова главна цел, како што рече министерот, е создавање на здравство без хартија и овозможување на брз пристап и размена на податоци и информации за пациентите и нивната здравствена состојба. „Во моментот целосно е завршена апликацијата на примарно ниво, на ниво на матичните лекари, каде е создадена неопходната информатичка поддршка на овој систем. Денеска е готова и апликацијата на специјалистичко-консултативно ниво, а при крај е и болничката апликација. Направени се регистрите неопходни за евиденција, а исто така е создадена и централната дата база, односно главниот мозок-компјутер кој што е сместен во подрумот на Министерството за здравство, каде ќе бидат сместени електронските досиеја на сите пациенти во РМ“, рече министерот Османи. Директорот на Клиниката за детска хирургија Ристо Симеонов информираше дека овој систем веќе функционира еден месец. „Низ овој систем минатиот месец поминале 466 пациенти, со 508 пакети од Фондот за здравствено осигурување(ФЗО). До 20. мај поминати се 262 пациенти, со 321 пакет преку ФЗО“, рече Симеонов. Запрашан за неговата активност за време на изборната кампања, министерот за здравство со став дека неговата активност е во интерес на пациентите, а не во функција на изборната кампања. /крај/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сајкоски: На 8 мај да излеземе сите масовно и да ја донесеме големата победа на ВМРО-ДПМНЕ за нашата Македонија
Ѓорѓија Сајкоски, генерален секретар на ВМРО-ДПМНЕ и носител на ИЕ 5 на денешниот митинг во рамките на претседателската и парламентaрната кампања во Струга потенцираше дека сите заедно треба да се обединат за идејата за економски развиена држава, за држава со добра инфраструктура, добро образование и добро здравство.
„Сакам да ви порачам една работа која што треба сите да ја сфатиме во периодот што доаѓа, дали сакаме да живееме во подобра држава? Дали имаме раст и развој? Дали сакаме да имаме подобра економија? Дали сакаме нашите деца да останат тука? Ако го посакуваме тоа да се обединиме околу идејата за Македонија развиена држава, околу идејата за Македонија за добра инфраструктура, околу идејата за подобро образование и здравство, зошто и на моите браќа Македонци муслимани од околината и на Албанците што живеат тука и на сите стружани, охриѓани, кичевчани па и на тие и од Битола и од Ресен и од цела Македонија им е потребна добра инфраструктура и поголем економски развој и подобро здравство. Затоа да се обединиме околу ВМРО-ДПМНЕ, околу коалицијата „Твоја Македонија“ и да донесеме огромна победа предводена од ВМРО-ДПМНЕ“, рече Сајкоски.
Тој во текот на своето обраќање побара за 12 дена по изборите да се донесе влада како во 90-тите години кога граѓаните излегоа на референдум за самостојна Македонија.
„Да донесеме влада онаква каква што очекувавме во 90-тите години кога излеговме на референдум за самостојна Македонија и на следните избори за 12 дена излезете референдумски, излезете со идеја со онаква каква што излегувавме во 90-тите години“, кажа Сајкоски.
На крај Сајкоски порача:
„Излезете сите и оние кои не излегле првиот пат од разни причини. Да се обединиме за заедничка Македонија, за твоја, за наша Македонија, за развиена Македонија, за Македонија која ќе ги врати нашите деца однадвор, но и ќе ги задржи они кои сакаат да си одат од нашата држава. Сите обединете за голема победа на 8 мај, за победа на Македонија, за победа на ВМРО-ДПМНЕ“.
Македонија
(Видео) Мицкоски: Постојниот простор на СВР Охрид ќе се стави во функција на градот, надземно ќе биде убав парк, а подземно катна гаража
„Денеска на покана на министерот и градоначалникот сум во Охрид, да дадам и јас лично поддршка на проектот кој тие двајца го најавија дека тоа ќе биде еден од приоритетите на идната влада на ВМРО-ДПМНЕ и Коалицијата Твоја Македонија. Станува збор за простор на СВР Охрид кој ќе се стави во функција на општина Охрид или ќе биде надземно убав парк, а подземно катна гаража“, кажа лидерот на ВМРО-ДПМНЕ, Христијан Мицкоски.
„Ценам дека треба да се слушаат потребите на граѓаните, треба да се слушаат потребите на тие кои се избрани од граѓаните.
Ценам дека на овој начин ќе се овозможи еден поголем комфор во рамките на градското централно подрачје во Охрид во оној дел каде што е туристичка зона и ценам дека како држава треба да поддржуваме проекти кои ќе значат додадена вредност за средините во кои се прават. Еден од тие проекти е овој овдека.
Така што уште еднаш од мене голема благодарност и до министерот и до градоначалникот на поканата. Очекувам вакви и слични проекти и во иднина во други области во Македонија“, изјави Мицкоски.
Сервисни информации
Сообраќајот на патот Прилеп-Македонски Брод, се одвива наизменично по една коловозна лента
Во 14:58 часот сообраќајот на регионалниот пат Прилеп-Мак.Брод, сообраќајот се одвива наименично по една коловозна лента.
АМСМ информира дека сообраќајот на државните патишта се одвива непречено, по наместа влажни коловози.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.