Македонија
Рикер: Изборите да бидат според меѓународни стандарди
Предвремените парламентарни избори треба да бидат според меѓународните стандарди – порака од американскиот амбасадор Филип Рикер, по денешната средба со извршниот директор на Граѓанската асоцијација МОСТ, Дарко Алексов.
Предвремените парламентарни избори треба да бидат според меѓународните стандарди – порака од американскиот амбасадор Филип Рикер, по денешната средба со извршниот директор на Граѓанската асоцијација МОСТ, Дарко Алексов.Амбасадорот Рикер нагласи дека овие избори се важни за иднината на Македонија. „Ги охрабрувам сите граѓани да учествуваат на изборите, да излезат и да гласаат, за да запаметат и да знаат дека нивниот глас е таен. Нема место на овие избори за заплашувања или мешање. Граѓаните треба да излезат и да го дадат својот глас според нивната визија и желба за иднината“, рече Рикер. Претставниците на МОСТ го информираа Рикер со целокупните активности што ги превземаат за набљудување на изборниот процес.„Заеднички заклучивме дека стандардите и процедурите мора да се почитуваат, како во делот на спроведување на изборниот процес, така и во делот на домашното набљудување на изборите, за што добивме и безрезервна поддршка“, изјави Алексов по денешната средба со Рикер. /крај/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сончево и топло време со температура до 27 степени
Времето денес ќе биде сончево и топло со мала локална облачност. Ќе дува слаб ветер од јужен правец.
Минималната температура ќе биде во интервал од 2 до 9, а максималната ќе достигне од 20 до 27 степени.
Во Скопје сончево и топло со слаб ветер од јужен правец.
Минималната температура ќе се спушти до 5, а максималната ќе достигне до 25 степена, јавува УХМР.
Во наредните денови следува период на сончево и топло време со пораст на температурата кон викендот. Утринските температури ќе бидат постојано над нулата, а поголемо наоблачување со услови за појава на дожд се очекува на почетокот на следната недела и ќе биде проследено со умерено спуштање на температурата.
Македонија
Нема подолги задржувања за влез и излез од државата
Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Скопје
Без струја дел од Карпош
Регионалниот центар за управување со кризи на Град Скопје, по добиеното известување од ЕВН, информира дека, поради технички зафати во електродистрибутивната мрежа, без електрична енергија ќе остане дел од Карпош.
Од 9 до 14.30 часот корисниците од улицата Мексичка, улицата Хаванска и дел од улицата Варшавска во општина Карпош ќе бидат без струја.