Македонија
Ахмети: Немам стратегиски партнер
Јас немам стратегиски партнер и не преферирам некого конкретно. Јас ќе ја почитувам волјата на мнозинството на македонскиот народ, бидејќи ова е реалноста во Македонија, вели лидерот на ДУИ Али Ахмети во интервју за Радио Слободна Европа.
Јас немам стратегиски партнер и не преферирам некого конкретно. Јас ќе ја почитувам волјата на мнозинството на македонскиот народ, бидејќи ова е реалноста во Македонија, вели лидерот на ДУИ Али Ахмети во интервју за Радио Слободна Европа, одговарајќи на прашањето дали преферира коалиција со ВМРО-ДПМНЕ или со СДСМ.
„Ние сме организирани политички по етничка основа и електоратот гласа по етничка линија и нам ни останува да ја испочитуваме волјата на македонскиот народ. Во 2006 година изјавив дека ВМРО-ДПМНЕ не го направи вистинскиот потег, не донесе правилна одлука и погреши што за партнер во владата ја избра ДПА на господинот Тачи, која немаше легитимитет и ја немаше поддршката на албанскиот народ. Тоа решение се покажа погрешно од страна на господинот Груевски со тоа што земјата беше принудена да оди на предвремени избори по 15 месеци. Јас мислам дека такви грешки не треба да ни се повторуваат и токму ова е тоа што сум го кажал тогаш и го истакнувам и сега“, посочува Ахмети.
За барањата на опозициските партии да се редефинира Рамковниот договор или да се замени со друг политички договор, Ахмети вели дека тоа е премногу ризична и лоша игра.
„Охридскиот рамковен договор оваа година одбележува 10 години и токму заради ова, сите политички партии треба да се концентрираат да се направи една суштинска и реална експертиза, за тоа што е направено, што е исполнето од овој договор и што останува неисполнето, со тоа што сите ние ќе ја преземеме одговорноста за целосна имплементација на овој договор. Дел од постигнувањата се документите за лична идентификација кои се издаваат на двата јазика, употребата на албанскиот јазик во Собранието, каде што секој документ, закон, амандман, се носи и на албански јазик. Иако овој закон не ги исполнува сите барања и потреби на Албанците и не е тоа што го претставува духот на Охридскиот договор, останува, со текот на времето, ова да се доизгради“, истакнува Ахмети.
Околу прашањето за името Ахмети смета дека тоа е многу значајно бидејќи се поврзува со интеграцијата на Македонија во НАТО, а интеграцијата на Македонија во НАТО, како што вели, значи стабилност и сигурност за сите граѓани во Македонија, како за Албанците, така и за Македонците.
„Нашата понуда е јасна, преговорите мора да продолжат, компромис мора да се најде, сите страни треба да ги смират страстите, што е можно повеќе да ги заобиколуваат провокациите. Тоа значи дека сите ние треба сериозно да сфатиме дека ова прашање бездруго треба да се реши и земјата да се нареди до државите членки на НАТО и на ЕУ, со што ќе се обезбеди стабилност на земјата и подобра иднина на граѓаните на РМ“, изјави Ахмети во интервјуто за Радио Слободна Европа./крај/рсе/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Променливо облачно и посвежо време со повремени врнежи од дожд, максимални температури до 18 степени
Променливо облачно и посвежо со повремени врнежи од дожд, претежно во јужните делови. Ќе дува слаб до умерен ветер од северен правец. Минималната температура ќе биде во интервал од 0 до 6, а максималната ќе достигне од 10 до 18 степени.
Во Скопје променливо облачно и посвежо со слаб до умерен ветер од северен правец. Минималната температура ќе се спушти до 4, а максималната ќе достигне 17 степени.
За време на викендот ќе се задржи променливо облачно и посвежо време. Во недела на повеќе места ќе има врнежи од дожд кои повремено ќе бидат пообилни и услови за појава на изолирана нестабилност со грмежи. Поради спуштање на постудена воздушна маса на планините врнежите повремено ќе преминуваат во снег и на повисоките планини ќе се формира нова снежна покривка.
Македонија
Таравари од централниот митинг во Струга: Зголемување на минималната плата до 800 евра за борба против имиграцијата
Кандидатот за претседател од редовите на ВЛЕН, Арбен Таравари, ја изрази својата заложба за борба против имиграцијата преку зголемување на минималната плата во нашата земја. Во рамките на идната влада се планира зголемување на платите и до 800 евра, со што ќе се создадат нови можности младите мажи и жени да останат и да придонесат за развојот на државата.
Преку грантови за технологија и иновации, Таравари рече дека владата има за цел да ги поддржи нивните креативни идеи, фокусирајќи се на развојот на земјата како атрактивна алтернатива за младите.
„Иселувањето кај нас е над секоја норма, бројките се алармантни. Не можеме да останеме рамнодушни на оваа ситуација. Така како следна влада на ВЛЕН ќе донесеме одлука за покачување на платите. Ќе се заложиме минималната плата до крајот на нашиот прв владејачки мандат да биде 800 евра. Преку грантови за технологија и иновации, ќе ги поддржиме младите мажи и жени со нивните креативни идеи, кои првенствено служат за нашиот развој како држава. Ова ќе биде дополнителна причина да ја гледаат иднината овде со нас, недалеку од нивните домови, недалеку од нивниот роден град“, рече Арбен Таравари на централниот митинг во Струга.
Македонија
(Видео) Силјановска -Давкова: На 9 мај ќе го славиме Денот на победата над фашизмот и Денот на Европа, но ќе славиме и за Македонија
„На 9-ти мај ќе го прославуваме Денот на победата над фашизмот и Денот на Европа! На 9-ти мај, ќе ја славиме Македонија како твоја и Македонија како горда! Ви ветуваме дека ќе докажеме дека нема да ве срамиме, дека нема да ги заборавиме државните и нациолнални интереси, кои тие не само што ги заборавија, туку и ги погазија! Молам за доверба!“, рече Горданa Силјановска -Давкова, кандидат за претседател на Македонија.
„Верувајте ми, има моменти во историјата! А таков е овој, кога мора да сме заедно! Кога како никогаш досега, потребна ни е вашата поддршка! Без вас не може да направиме единство! Без вас Македонија не може да биде ниту твоја, ниту горда! Без вас не може да дојдеме до победа! Вие го имате првиот и последниот збор! Ви веруваме!
Денес е Денот на светското културно наследство. Охрид е незаменлив и ценет, драгоцен дел од него. Охрид е споменик и дом на европското христијанство! Да го чуваме! Не заборавајте: Без Охрид, Македонија нема да биде почитувана!
Час поскоро, активирајте го универизтетот на Плаошник! Оваа власт не знае што е култура, за неа културата е бизнис. Ако започна изградбата во времето на ВМРО-ДПМНЕ, мора да доврши.
Во насока на јакнење на културниот туризам ќе покренам организирање на меѓународен форум – Плаошник форум, на кој ќе се дискутира соработката на цивилизациите, религиите и културите. Сето ова во соработка со УНЕСКО и Министерството за култура! Упатувам порака дека: Плаошник може да биде центар на дијалог на цивилизациите! Дијалог на религиите! Центар на културен дијалог! Затоа сум горда на него!“, додаде Горданa Силјановска -Давкова.