Македонија
Одѕив 53,86% до 17:00 часот (поопширно)
Одѕивот на гласачи до 17:00 часот изнесува 53,86%, односно вкупно гласале 928.983 гласачи, информираат од Државната изборна комисија.
Одѕивот на гласачи до 17:00 часот изнесува 53,86%, односно вкупно гласале 928.983 гласачи, информираат од Државната изборна комисија.
Во изборната единица еден до 17 часот на гласање излегле 57.77 отсто или 163.286 избирачи.
Во двојка гласале 155.233 гласачи или 49.69 отсто. Најголем одѕив има во изборната единица три, 61.23 отсто или 177.143 гласачи.
Во изборната единица четири излезноста е 58.50 отсто или 161.995 избирачи.
Од вкупниот број гласачи во изборната единица пет гласале 53.47 отсто или 155.398 гласачи, а во изборната единица шест 42.28 отсто односно 115.928 гласачи.
Излезноста е најголема во третата изборна единица, каде што излегле 61,23 отсто од гласачите, а најмала во шестата, 42,28%. И понатаму најголема излезност има во општина Демир Капија 74,72 отсто, а најмала во центар Жупа, 21.07 отсто од вкупниот број запишани гласачи во општините.
Претседателот на ДИК, Борис Кондарко информираше дека во текот на гласањето од општинските изборни комисии немаат добиено посериозни известувања за нарушување на изборниот процес. Тој го оцени изборниот процес како коректен, мирен и слободен.
ДИК го соопшти одѕивот на гласачите во дијаспората. Според првичните информации кои пристигнале од дипломатско конзуларните претставништва во изборната единица седум или Европа, од пријавените избирачи гласале 53.35 отсто, во изборната единица осум Америка и Канада 68.21 отсто и во изборната единица девет, Австралија одѕивот бил најголем, 77.82 отсто.
Ова се седми по ред парламентарни избори во независна Македонија на кои граѓаните избираат нов собраниски состав.
За првпат на овие избори гласа и дијаспората, па Собранието наместо сегашните 120 ќе има 123 пратеници. /крај/макфакс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Герасимовски: Конечно, Работнички се враќа на шампионските патеки
Градоначалникот на Општина Центар Горан Герасимовски вчера вечер присуствуваше на тренингот на КК Работнички во салата Кале. Со кошаркарите разговараа за издигнувањето на тимот и потребите за достигнување на високи резултати и на следните натпревари.
„Сакам да се заблагодарам пред се и на тренерот на цел стручен тим но и на сите играчи за одличните резултати коишто ги имаме годинава. Успеавме со клубот од невозможно да направиме возможно. Клубот којшто го начекавме пред две години на 10то место со 4-5 неисплатени плати и долг од 600 000 евра да го вратиме на победничките патеки. Важно е што во моментов табелата трепка што сме на прво место и се надевам дека тоа така ќе остане и до крај. Јас верувам дека ќе имаме успех оваа сезона и уште поголем успех следната“, им порача Герасимовски на кошаркарите.
При средбата Герасимовски ги извести играчите дека општина Центар го има имотниот лист на салата и успеа да го исполни ветувањето дека ќе ја врати сопственоста на салата под ингеренции на општината.
Општина Центар на крајот на минатата година доби финансиски средства од Владата во вредност од 30 милиони денари наменети за реконструкција на салата, при што Герасимовски ги информираше играчите со процесот и проект планот кој е веќе во изработка за реновирање на матичната сала на Работнички. Конечно Работнички се враќа на шампионските патеки, ви благодарам за тоа, порача Герасимовски.
Македонија
Петровска: Судот донесе одлука дека Ковачки неправедно ме клеветел
Министерката за одбрана, Славјанка Петровска објави дека судот донел одлука со која се утврува дека пратеникот од ВМРО-ДПМНЕ, Драган Ковачки, неправедно ја клеветел.
„Основниот граѓански суд во Скопје по сите прикажани докази од моја страна донесе одлука со која се утврдува дека тужениот Драган Ковачки искажал невистини и лаги односно неправедно ме клеветел во јавност со цел да ми го наруши угледот и честа во очите на јавноста, Овој е само еден од низата примери на неодговорно, нечесно и валкано однесување на политичката сцена од страна на Ковачки“, пишува Петровска.
Во продолжение таа додава дека не сака пари од нечесник и се откажува од паричниот надомест.
„Секој го прави тоа што најдобро го знае, тие со лагите, јас со труд и одговорна и чесна работа“, додава Петровска.
Македонија
Манолева: По 43 години, болницата во Отешево доби комплетно нов лик, современи услови за третман и медицинска опрема
Заменик министерката за здравство д-р Маја Манолева, вчера беше во посета на ЈЗУ Специјализирана болница за превенција лекување и рехабилитација на хронични респираторни неспецифични и алергиски заболувања ОТЕШЕВО. Оваа јавно-здравствена установа минатата година доби комплетно нов лик со реновиран болнички објект финансиски поддржан од Министерството за локална самоуправа и Владата на Швајцарија во висина од 20 милиони денари.
„Со имплементацијата на овој проект подобрени се болнички услови за третман на пациенти, поставен е нов мебел како донација од Луксембург, а собите се наместени со нов инвентар. Сите амбуланти, лабораторија, дневна соба, ехо кабинет, соба за спирометрија и алерго тестови се позиционирани во реновираниот објект. Како што можевме да видиме од посетата амбулантите веќе функционираат во реновираните простории. Специјализираната болница Отешево нуди современи услови за третман на пациенти и достоинствени услови за работа на здравствените работници“, рече Манолева.
Болницата во Отешево опстојува повеќе од 43 години и ова е прво реновирање кадешто значително се унапредени болничките услови. Во изминатиот период, установата се зајакна и со два апарати за физикална медицина и рехабилитација во склоп на проектот во вредност од 270 илјади денари.