Македонија
Љубе Бошкоски однесен во полициската станица во Авто команда
Љубе Бошкоски во моментов се наоѓа во полициска станица во Авто команда.
Љубе Бошкоски во моментов се наоѓа во полициска станица во Авто команда. Како што јавува репортерот на Макфакс, пред полициската станица веќе се собраа неговата поблиска фамилија, соработници, како и десетина поддржувачи на Обединети на Македонија (ОМ). Во полициската станица во моментов е и адвокатот на Бошкоски, Љубомир Михајловски-Џанго.„Не знам се уште ништо ме викнаа да го бранам Љубе во понатамошната постапка, според информациите кои ги добив уапсен е за „нелегално финансирање на политичката кампања„“, рече тој. Членовите на претседателството на ОМ исто така дојдоа пред полициската станица да му дадат поддршка на својот лидер.„Дојдовме да изразиме поддршка на Љубе Бошкоски и да изразиме револт кон овој режим на власта, затоа што на овој начин на кој што се поставуваат го докажуваат изборниот фалсификат за кој веќе имаме подартоци и сознанија“, рече Наталија Ивчева член на претседателството на ОМ. крај/ко
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сончево и топло време со температура до 27 степени
Времето денес ќе биде сончево и топло со мала локална облачност. Ќе дува слаб ветер од јужен правец.
Минималната температура ќе биде во интервал од 2 до 9, а максималната ќе достигне од 20 до 27 степени.
Во Скопје сончево и топло со слаб ветер од јужен правец.
Минималната температура ќе се спушти до 5, а максималната ќе достигне до 25 степена, јавува УХМР.
Во наредните денови следува период на сончево и топло време со пораст на температурата кон викендот. Утринските температури ќе бидат постојано над нулата, а поголемо наоблачување со услови за појава на дожд се очекува на почетокот на следната недела и ќе биде проследено со умерено спуштање на температурата.
Македонија
Нема подолги задржувања за влез и излез од државата
Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Скопје
Без струја дел од Карпош
Регионалниот центар за управување со кризи на Град Скопје, по добиеното известување од ЕВН, информира дека, поради технички зафати во електродистрибутивната мрежа, без електрична енергија ќе остане дел од Карпош.
Од 9 до 14.30 часот корисниците од улицата Мексичка, улицата Хаванска и дел од улицата Варшавска во општина Карпош ќе бидат без струја.