Македонија
ВМРО-ДПМНЕ:Политичките фрустрации да не се претвораат во крволочност
ВМРО-ДПМНЕ денеска порача дека не е време во кое политичките фрустрациите ќе се претвораат во крволочност.
ВМРО-ДПМНЕ денеска порача дека не е време во кое политичките фрустрациите ќе се претвораат во крволочност.
Според партискиот портпарол Александар Бичиклиски, сега е време во кое институциите мора брзо да реагираат.
„Не можеме да разбереме како СДСМ си дозволува да биде толку брутална и толку крволочна. Не можеме да разбереме како врз грбот на трагедијата на едно семејство, СДСМ се обидува да заработи политички поени“, истакна Бичиклиски, реагирајќи на прес конференцијата на СДСМ, на која беше побарано јавно извинување од премиерот Никола Груевски и распуштање на „алфите“.
Тој додаде дека смртта на 22-годишното момче не смее да биде злоупотребена за политички манипулации. Тој постапките на СДСМ ги оцени како неморални и бедни.
„За што се борите!? Што ќе добиете? Ќе добиете некој пратеник повеќе ако ја продлабочувате тагата на ова ужалено семејство? Болката која ја има ова семејство не е човечки да се злоупотребува“, рече портпаролот на ВМРО-ДПМНЕ.
ВМРО-ДПМНЕ, како што посочи Бичиклиски, беше првата политичка партија која најостро реагираше до институциите да го расветлат овој трагичен настан во кој член на ВМРО-ДПМНЕ го загуби животот. /крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Дел од неколку скопски населби без струја
Поради планирани прекини во електродистрибутивната мрежа без електрична енергија ќе останат следните корисници:
· Во период од 09,00ч до 16,00ч дел од корисниците во с. Волково и с. Кучково ( о. Ѓ. Петров);
· Од 09,00ч до 14,00ч корисниците од ул. Банско, ул. Баница, ул. Наум Охридски и ул. Жванска (о. К. Вода);
· Од 07,00ч до 15,00ч новите згради спроти Мерцедес ул. 852 (о. Г. Баба) и
· Во период од 09,00ч до 15,00ч дел од ул. Милан Мијалковиќ, ул.Пржино, ул.Кавалска (о. К. Вода).
Македонија
Променливо облачно и посвежо време со повремени врнежи од дожд
Променливо облачно и посвежо со повремени врнежи од дожд, особено во северозападните делови каде ќе има услови за ретки грмежи. На планините врнежите повремено ќе преминуваат во снег. Ќе дува слаб до умерен северозападен, а во западните делови засилен западен ветер. Минималната температура ќе биде во интервал од 3 до 9, а максималната ќе достигне од 13 до 19 степени.
Во Скопје променливо облачно и посвежо со услови за повремен дожд. Ќе дува слаб до умерен северозападен ветер. Минималната температура ќе се спушти до 6, а максималната ќе достигне до 15 степени.
До почетокот на следната седмица времето ќе биде променливо облачно и посвежо, наместа со повремени врнежи од дожд. Во петок пообилни врнежи се очекуваат во јужните делови, а во недела на повеќе места. Поради спуштање на постудена воздушна маса на планините врнежите повремено ќе преминуваат во снег и на повисоките планини ќе се формира нова снежна покривка.
Македонија
Османи: Европскиот фронт е голема идеја чие време е дојдено
Кандидатот на Европскиот фронт, Бујар Османи, вечерва на митинг пред граѓаните на Кичeво изрази благодарност до лидерите на Европскиот фронт и коалицијата која, како што вели Османи, е продолжение на битките во континуитет една по една, за разбивање на замоците на етничките монополи.
„Европскиот фронт не е политичка партија. Европскиот фронт не е ни коалиција на политички партии, Европскиот фронт е голема идеја. Тоа е одлична идеја чие време дојде, лавина што ги собра соништата на секој граѓанин на оваа земја, за еднаквост, за правда и просперитетен живот во ЕУ. И ова го гледам како ентузијазам, како насмевка во секое населено место каде што одам, бидејќи Европскиот фронт е трета унија, но сега со малку поинаква димензија“, истакна Османи.
Кандидатот на Европскиот фронт, Османи понатаму истакна дека останува уште едена последна тврдина на етничкиот монопол.
„Тврдината која нè загрижува сите и секогаш ни го дава тој сигнал дека се уште не е сè како што треба, сè уште нема еднакви можности за сите, таа е тврдината на првиот претседател. Значи, браќа и сестри, се натпреварувам, на 24 април да ја разберете тежината на оваа мисија, дека вашиот глас не е само за мојата кандидатура, вашиот глас, вашата поддршка е за да ја разбиете последната тврдина на етничкиот монопол и за заокружување на еднаквоста на сите заедници во нашата заедничка држава“, заклучи Османи.