Македонија
Цане Партибрејкерс:Во Охрид ќе направиме супер журка!
Во Охрид на „Пиво фестот“ ќе ги свириме најголемите хитови на Партибрејкерс. Групата постои во ист состав веќе цели 29 години и ќе направиме врвна журка со посебна програма.
Во Охрид на „Пиво фестот“ ќе ги свириме најголемите хитови на Партибрејкерс. Групата постои во ист состав веќе цели 29 години и ќе направиме врвна журка со посебна програма.Вака лидерот на Партибрејкерс Зоран Костиќ – Цане го најавува настапот на овогодишното издание на охридскиот „Пиво фест“. Партибрејкерси ќе настапат на отворањето на фестивалот, во четврток на 28. јули.За изминативе, полни 29 години групата сними седум студиски албуми. Последниот е насловен како „Слобода или ништа“. Прашање е што значи слобода? Дали постои правда за сите луѓе кои се оковани со неправда?, вели Цане.„Ако човек има некоја слобода, тогаш нема сигурност. Ако има сигурност, нема слобода. Дали е слободата дивјаштво, право да правиш што сакаш? Или слобода значи да се чувствуваш добро, да не си должен никому и да имаш право на мирен сон? Слобода е да ги забележуваш убавите работи кои постојат на светот, а ги има така малку. Слобода е да ги гледаш своите деца и да мочкаш од среќа што го имаш сето тоа“, смета Цане.Фронтменот на култните Партибејкесри вели дека обично не сака да гледа наназад, бидејќи се уште не кажал се во музиката.„Подготвуваме нова плоча и имаме супер материјал. Минатото е онаму каде што треба да биде. Имам таван, но не сакам да поминувам многу време таму. Единствено кога треба да простирам алишта. Затоа дојдете во Охрид, Ви ветуваме супер журка. Ќе ги свириме најголемите хитови на Партибрејкерс во убавиот Охрид“, им порачува на сите фанови на групата Партибрејкерс Зоран Костиќ – Цане.Веќе традиционално, по втор пат од 28-ми до 31 јули на локацијата „Билјанини извори“ во Охрид ќе се одржи вториот Охридски „Пиво Фест“.Овогодишното издание ќе трае една вечер подолго, односно четири ноќи кои ќе бидат збогатени со врвна програма и нови ексклузивни гости, меѓу кои српската фолк дива Сека Алексиќ, Рибља Чорба, Тони Зен и многу други, се вели во најавата на организаторот. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Пендаровски: Прифаќам дебата со сите противкандидати
Кандидатот за претседател Стево Пендаровски ја прифати поканата на националниот јавен сервис за учество на дебата со сите противкандидати во претседателската трка, информираат од неговата кампања.
„Решив да ја прифатам поканата за заедничка дебата на националниот јавен сервис – Македонска радио телевизија, со оглед на тоа дека сите мои противкандидати ја прифатиле поканата да учествуваат во дебатата.
Дополнително, информирам дека останувам на претходно изнесениот став дека е потребно да се расветли случајот во кој имаше јавно изнесени индиции дека јавниот сервис бил користен за изработка на лажни анкети и дебати за рејтингот на политичките партии и кандидатите за претседатели, а со тоа и фабрикување на јавното мислење.
Останувајќи доследен на принципот на транспарентноста за мојата работа и како претседател и како кандидат за претседател во тековната кампања, ја информирам јавноста за овие прашања за кои имаше интерес изминатите денови“ изјави Пендаровски.
Македонија
Коалицијата ВЛЕН најавува спектакуларен митинг во понеделник на плоштадот Скендербег – не добиле дозвола на митинг на Плоштад Македонија
Шефовите на изборната кампања на Коалицијата ВЛЕН денеска ја информираа јавноста за централниот митинг што ВЛЕН (ВРЕДИ) планира да го одржи во понеделник на 22 април, 2024 година.
– За да бидеме максимално транспарентни пред граѓаните, сакаме да ве информираме дека, како што налага процедурата, поднесовме барање до Град Скопје за да го организираме централниот митинг на плоштадот Македонија, за сите да видат што значи извонреден митинг, со слободна волја и без притисок, додека корумпираната власт во бегство да види што значи народна поддршка, што тие одамна ја немаат, беше кажано на денешната прес конференција.
Од ВЛЕН (ВРЕДИ) информираа дека од Град Скопје се уште немаат никаков одговор на барањето да се одржи митинг на Плоштад Македонија, што тие го толкуваат како негативен одговор. Според шефовите на изборната кампања на претседателскиот кандидат Арбен Таравари, негативна одлука донеле градоначалничката Данела Арсовска, Блерим Беџети и Левица кои се во коалиција. Причината за тоа, според нив е обид да ја спречат коалицијата ВЛЕН да го организира централниот митинг поради, како што рекоа, големата поддршка што ја има ВЛЕН (ВРЕДИ) од граѓаните.
– Секој одговор што ќе дојде во понеделник ќе биде закаснет и тенденциозен поради краткото време за организирање. Но, ние не остануваме со скрстени раце, заедно со нашите структури и народ, решивме да ја завршиме оваа исклучително позитивна кампања за претседател нигд едруго освен овде, на нашиот плоштад, на плоштадот што гоноси името на нашиот херој Ѓерѓ Кастриоти Скендербеу, да ја најавиме победата на Коалицијата ВЛЕН, со голем собир!, рекоа од ВЛЕН нагласувајќи дека централниот митинг ќе се одржи во Скопје, на плоштадот Скендербег, на 22 април, понеделник, во 20:30 часот.
Македонија
Стојаноска: „Платформа 1198“ предвидува рамен данок со што, Македонија ќе стане една од земјите во регионот со најниски даноци
Додека министрите на ДУИ мака мачеа да постигнат гол или кош повеќе во просториите на министерствата и додека мака мачеа да договорат тендер плус, и на сето ова, секако, министрите на СДСМ не смеат да гугнат, тетовските стопанственици, пак, мака мачат да опстанат, рече Дафина Стојаноска, носител на изборна единица 6.
– Поради овие аздисани политичари, во програмата на ВМРО-ДПМНЕ „Платформа 1198“ се ветува рамен данок кој што ќе остане и во иднина, се ветува Македонија да стане една од земјите во регионот со најниски даноци. И, се ветува на стопанствениците поголема поддршка и помош. Токму поради овие причини, стопанствениците во Македонија ќе гласаат за бројот два (2), затоа што сакаат Македонија да се врати во нивни раце и Македонија повторно да ја направиме горда, додаде таа.