Македонија
Цвеќарите бараат уште два месецa за да се отселат
Скопското Јавно претпријатие „Паркови и зеленило“ сé уште ја нема добиено дозволата за градба на новиот Цветен пазар на локацијата спроти зградата на „Нова Македонија“, бидејќи целата процедура е заглавена во трансформацијата на земјиштето.
Скопското Јавно претпријатие „Паркови и зеленило“ сé уште ја нема добиено дозволата за градба на новиот Цветен пазар на локацијата спроти зградата на „Нова Македонија“, бидејќи целата процедура е заглавена во трансформацијата на земјиштето.Според директорот на претпријатието, Душан Авировиќ, изградбата на куќарките на новата локација ќе започне за два месеца, кога со формирањето на новата Влада се очекува да се изврши трансформација на ова државно земјиште.Дотогаш сопствениците на цвеќарниците бараат од сопственикот на земјиштето каде се наоѓа сега пазарот, да не го заградува просторот и да не започнува никакви градежни активности.Нивната судбината е неизвесна речиси две години откако земјиштето го купи фирмата „Кам фуд“, која на овој простор сака да гради свој трговски објект. Пред три дена сопственикот почна да го заградува просторот со лимени тараби, за што го известил претпријатието пред десетина дена. „Според информациите коишто ги добивме од секторот за урбанизам на Град Скопје, целата процедура е закочена поради предвремените парламентарни избори. Согласно законските прописи во тек на парламентарни избори се до формирање на нова Влада не е возможна трансформација на земјиштето. Земјиштето на новата локација на Цветниот пазар е државно земјиште и на првите седници на новата Влада ќе се трансформира, а ЈП ќе добие дозвола за градба“, објасни Авировиќ.При денешната посета на цвеќарите, Авировиќ рече дека веднаш со добивањето на документацијата ќе започне изградбата на новите куќарки.„Се надевам дека во текот на идната недела ќе најдеме компромис, односно со помош на институциите ќе се убеди сопственикот на овој простор да ни даде рок уште два месеца, до кога, се надевам, дека ќе го дислоцираме овој цветен пазар“„ рече директорот на ЈП „Паркови и зеленило“Според него тендрерската постапка за изградба на новите куќарки на новата локација е веќе спроведена и избран е најдобар понудувач.„Извршени се сите подготвителни работи, како довод на електрична енергија, фиксна телефонија, водоводна мрежа. Проблемот е настанат поради тоа што ЈП „Паркови и зеленило“ кое е во еден вид партнерство со закупците на цвеќарите кое треба да го гради новиот цветниот пазар, ја нема добиено се уште дозволата за градба. “ – вели Авировиќ.Цвеќарите се плашат дека со оградувањето на пазарот ќе им се намали обемот на работа и бараат разбирање од сопственикот на земјиштето и решение од градските власти, кои според цвеќарите им било ветено дека нема да имаат застој во работата„ Ние сме револтирани, бидејќи дојде сопственикот на земјиштето кој сака да си го огради земјиштето, а во меѓувреме не е решен проблемот со дислокацијата на објектите кои се во пазарот. Рекоа дека ќе ни ослободат неколку влезови, но ако почне да се заградува просторот, џабе се и влезови, купувачите ќе бегаат, а ние сме обврзани да плаќаме кирија и струја и сите други тршоци. Не можеме да ги ставиме фирмите во мирување. Работата ни е со специфична роба и се надеваме дека ќе најдеме компромис со сопственикот на земјиштето да ни даде рок уште два месеци“ – вели Ѓорѓи Анастасиевиќ сопственик на цвеќарница. На новиот Цветен пазар треба да се постават 16 куќарки во два реда. Ќе чинат по околу 3.500 евра, а корисниците ќе ги плаќаат на рати. Според договорот, изведувачот треба да ги изгради куќаркиште во рок од 20 до 30 дена. крај/к.с.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ССМ повика на првомајски протест: Бараме враќање на трошоците за храна и превоз и минимална плата од 450 евра во првите 100 дена од новата влада
Сојузот на синдикати на Македонија (ССМ) повика на првомајски протест за враќање на трошоците за храна и превоз и зголемување на платите во првите 100 дена од новата влада. Претседателот на ССМ, Слободан Трендафилов најави дека пораките испратени од првомајскиот протест треба да бидат црвен аларм за сите оние кои ќе го очекуваат гласот на работниците на осми мај.
„Ние работниците излегуваме на протест и на Први мај ќе побараме враќање на трошоците за храна и превоз, право кое го изгубивме во 2009 година поради бруто системот за пресметка на плати во Македонија. Ќе бараме зголемување на платите и тоа во првите 100 дена од новата влада, особено зголемување на минималната плата на најмалку 450 евра, онолку колку што истата изнесува во регионот за да не се доведеме во ситуација нашите граѓани, работниците од Македонија да градат туѓи економии и да работат за туѓи интереси“, рече претседателот Трендафилов.
Трошоците за храна и превоз кои ССМ бара да се вратат во пресметките за плата, изнесуваат 20 отсто од просечната плата. Според сегашните пресметки, ако од минималната плата се одбијат овие трошоци и давачките кои сега се плаќаат, излегува дека работниците кои имаат минимална плата, работат за 14.000 денари.
„Бараме 20 отсто од просечната плата за трошоци за превоз и за храна ако имаме предвид дека секојдневно поскапуваат не само реагенсите туку и трошоците за храна. Ако се има предвид синдикалната кошничка, над 20.000 денари изнесуваат трошоците за прехранување на едно четиричлено домаќинство. Зборуваме за леб и за вода, не за повеќе. Сметаме дека трошоците за храна и за превоз треба да се вратат во платите на работниците ако имаме предвид дека 22.500 е минималната плата од месец март, доколку ги пресметате трошоците за храна и за превоз, согласно даночните ослободувања, ќе видите дека немате плата ниту 14.000 денари. Заради тоа работниците го очекуваат од нас барањето за враќање на трошоците за храна и за превоз“, рече Трендафилов.
Тој потсети на првомајскиот протест од 2018 година организиран под мотото „Гаси скара, касни плата“ за кое рече дека важи и денес оти доцнат плати во Македонски шуми, работниците во културата преку протести издејствуваа усогласување и исплата на платите, а повеќе од 20.000 работници, според податоците од Управата за јавни приходи, земаат плати пониски од минималната.
„Да не се лажеме, ако не излезете на протест нема да добиеме ништо. Колку ќе дојдеме, колку ќе излеземе на протест, толку и ќе добиеме. Доколку очекувате во наредните пет години некој кога ќе ја води државата да ве слушне сте се излажале. Денеска е моментот кога треба да излезете на улица и да кажете што барате од сите тие кои очекувате да ја водат државата“, повика Трендафилов.
Заедно со протестот, Трендафилов најави дека работниците ќе го бранат и Работничкиот дом од институциите кои го преземаа. „Нека дојдат и нека си ја пробаат среќата“, порача тој.
Протестот Ќе почне во 11 часот пред Работничкиот дом ќе продолжи пред Собранието, пред Стопанската комора и ќе заврши пред Владата каде работниците ќе ги упатат пораките, ќе кажат зошто не се задоволни и ќе им кажат на оние кои го чекаат гласот од нив дека треба да се погрижат повеќе за работниците.
Македонија
УЈП: До 26 април продолжен рокот за поднесување на ДДВ-04 пријавите
Управата за јавни приходи информира дека пропишаниот рок за поднесување на пријавите за данокот на додадена вредност, ДДВ-04, кој истекува на 25.4.2024 година, се продолжува за еден ден.
Според соопштението од УЈП, краен рок за поднесување на пријавите ДДВ-04, ќе се смета 26.4.2024 година имајќи ја предвид владината одлука, со која 24.4.2024 година (среда) се прогласува за неработен ден за сите граѓани.
Македонија
Гласањето на затворениците и болните се одвива без проблеми, велат од ДИК
Денес, 2.569 гласачи своето право на глас ќе може да го остварат во 31 гласачко место во ДКП, каде што се пријавиле да гласаат, а чии пријави се прифатени од страна на Државната изборна комисија.
На гласачките места во 14 казнено-поправни установи своето гласачко право денеска ќе може да го остварат 2.147 гласачи. Сите гласачки места во казнено-поправните установи се отворени утрово во 7 часот и гласањето таму ќе трае до 19 часот.
До овој момент гласањето тече без проблеми. Во текот на денешниот ден своето гласачко право во единствениот центар за внатрешно раселени лица ќе може да го остварат и двајца гласачи, кои се водат како внатрешно раселени.
Во текот на денешниот ден избирачките одбори во Република Северна Македонија ќе го спроведат гласањето на лица што се болни или немоќни, а до општинските изборни комисии доставиле известувања со соодветна документација. Во своите домови гласачкото право ќе го остварат 6.935 граѓани, кои се пријавиле како болни или немоќни.
Денес, 534 гласачи, кои се сместени во 20 центри за вонсемејна грижа, ќе имаат можност да го остварат своето право на глас во центарот во кој се сместени. Постои изразен интерес и за набљудување на овие избори од страна на домашни, странски и меѓународни организации и медиуми. Државната изборна комисија досега им издаде акредитации за набљудување на 342 домашни, 517 странски и меѓународни набљудувачи, 51 преведувач и 32 странски новинари. На сите граѓани на располагање им се и интернет-страницата на ДИК, www.sec.mk, како и страниците на социјалните мрежи „Фејсбук“, X, „Инстаграм“, како и каналот на „Јутјуб“, каде што ќе може да најдат правовремени и точни информации поврзани со изборите.
Со право на глас на овие избори во Избирачкиот список се запишани вкупно 1.814.317 гласачи.