Македонија
Унифицирање на такси возилата за средување на такси превозот во Скопје
Градоначалникот на Скопје, Коце Трајановски денеска го промовираше новиот унифициран изглед на такси возилата, со што стартува реализацијата на новиот концепт и организација на овој вид превоз на патници.
Градоначалникот на Скопје, Коце Трајановски денеска го промовираше новиот унифициран изглед на такси возилата, со што стартува реализацијата на новиот концепт и организација на овој вид превоз на патници.Такси возилото ќе има унифциран изглед во надворешното обележување и во внатрешниот изглед на возилото.Со одлуката на Градот донесена минатата година, секое такси возило заедно со лиценцата што ја добива од Градот, добива и такси табла која стои на горниот дел од возилото. На задното и на предното крило од двете страни на возилото, предвидено е да стои единствен матичен број на возилото. Такси возилата ќе бидат видно обележани и со надолжни налепници, изработени од ретрорефлектирачка фолија која е лесно забележлива и во темнина и заштитена од фалсификување.Во внатрешниот дел на секое возило, унифицирано се поставуваат информаци за извод од лиценцата на авто такси возилото, легитимација на возачот и тарифа за наплата, кои се поставени во предниот дел од возилото.„Со ова практично ќе ставиме крај на хаосот кој владееше досега во такси превозот. Во такси превозот имаше голема шареноликост и не можеше да се препознае кој е легален a кој е нелегален такси превозник. Со унифицирањето на такси возилата сметаме дека тоа ќе биде веќе минато“, истакна градоначалникот Трајановски.За овој нов концепт градот од својот буџет издвои 5 милиони и 800 илјади денари од кои 3 милионa и 800 илјади денари се потрошени за набавка на такси таблите и 2 милионa денари се потрошени за означувањето на бројот на такси возилото и за налепниците, кои таксиситите ги добиваат бесплатно.За нови лиценци и за унифицирање на возилата досега се пријавени околу илјада такси превозници а 400 од нив се комплетно облепени, 200 имаат само лиценца и такси табла, а 300 таксисти уште од утре ќе ги добијат новите лиценци.Трајановски најави дека веќе од утре интензивно ќе почне да работат градските инспектори за сообраќај кои заедно со сообраќајната полиција ќе придонесат во сузбивање на дивите таксисти за кои ќе следат казни од 200 до 500 евра или одземање на возилото.„Нема тука да сопреме. До крај ќе ја истераме оваа работа. Имаме поддршка и од Министерството за транспорт и врски од секторот за прекршоци, преку кој пријавите што ќе дојдат од инспекцијата на градот, министерството за транспорт ќе ги проследи до Управниот суд. Од минатата година имаме околу 200 казни, оваа година 100 казни и ќе продолжиме со сите оние кои нема да ја почитуваат одлуката на Градот“, рече Трајановски.Според министерката за внатрешни работи Гордана Јанкулоска, унифицирањето на возилата значително ќе ја олесни работата на инспекторите и на полициските службеници кои вршат контрола во сообраќајот.„Ќе продолиме со поддршката на Градот во контролирање на возилата кои нелегално вршат такси превоз и во воведување подобар ред генерално во сообраќајот, посебно во сообраќајот со такси возилата“, рече Јанкуловска.По целосна реализација на новиот концепт во такси превозот, градските власти и таксистите најавија дека ќе ја разгледаат можноста и за намалување на цената на такси превозот. /крај/к.с.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Висок функционер од НАТО се сретна со Џафери: „Вие сте ценета членка во Алијансата“
Џафери – Лапсли: Северна Македонија е ценета членка на Алијансата која посветено ги развива одбранбените капацитети
Техничкиот премиер, Талат Џафери, вчера попладне се сретна со помошникот на генералниот секретар на НАТО за одбранбена политика и планирање, Ангус Лапсли во рамки на неговата посета на Скопје.
Џафери му посака срдечно добредојде на помошникот на генералниот секретар Лапсли, и воедно го потврди придонесот на Северна Македонија во НАТО, кој во континуитет се зацврстува. Достигнувањето на 2,05% од БДП во буџетот на одбраната, од кои 30% се за модернизација на Армијата, се силен индикатор за тој придонес.
Воедно, со учеството во колективната безбедност преку мултинационалните сили на Алијансата во Романија, во Бугарија и во Латвија, како и во мисијата на НАТО на Косово, КФОР, и во операцијата на ЕУ во Босна и Херцеговина, АЛТЕА, земјата дополнително се позиционираше и како еден од столбовите на регионалната стабилност.
На средбата, двете делегации имаа можност да поразговараат за Самитот на НАТО во Вашингтон во духот на 75-годишнината на Алијансата, како и за актуелните одбранбени планови, имајќи ја предвид глобалната безбедносна состојба во Европа и светот.
Воедно, двете делегации ја потврдија и поддршката која земјите-членки, вклучително и Северна Македонија, ја даваат за Украина.
Од страна на помошникот на генералниот секретар Лапсли, беше истакнато дека Северна Македонија е ценета членка во Алијансата, имајќи го предвид целокупниот придонес кој досега го има дадено. Алијансата е по обединета и посилна од кога било во нејзината историја, а со зачленувањето на Финска и Шведска, НАТО станува гарант на безбедноста на над 1 милијарда граѓани од демократскиот свет.
Македонија
Ангелов за ДУИ: Со пушка дојдоа на власт, со пенкало да ги отераме на буништето на историјата
Колку и да е убедлива, победата нема да биде комплетна доколку ДУИ не биде срушена од власт, вели претседателот на Достоинство, Стојанче Ангелов по првиот круг од претседателските избори.
„Затоа е потребна општа мобилизација за уште посилна победа на коалицијата “Твоја Македонија” предводена од ВМРО ДПМНЕ. Граѓаните ги отпишаа СДСМ, да запнеме сите заедно да ги отпишеме и ДУИ. Овојпат ДУИ мора да падне! Со пушка дојдоа на власт, со пенкало да ги отераме на буништето на историјата!“, порача Анеглов.
Ангелов пред еден месец соопшти дека неговата партија излегува од коалицијата предводена од СДСМ.
Тој со години се залагаше воените инвалиди и семејства на загинатите бранители да бидат обештетени, но немаше слух од своите коалициони партнери. Како што самиот рече, добивал поддршка од премиерот Димитар Ковачевски и министерката за одбрана Славјанка Петровска, но поради противењето на ДУИ тоа не се случило.
Македонија
Стевчо собра повеќе потписи од гласови – поразот на Јакимовски главна тема на социјалните мрежи
Кандидатот за претседател на ГРОМ и актуелен градоначалник на скопската општина Карпош, Стевчо Јакимовски, на вчерашниот прв круг од претседателските избори освои само 8.103 гласа, односно 0,90 %. Тоа е помалку од бројот на собрани потписи за претседателската кандидатура зад која му се потпишаа 10.000 граѓани.
Јакимовски во неговата општина освои 2.143 гласа, а во родната Крива Паланка за Јакимовски гласале 182 граѓани.
Тој вчеравечер призна пораз и ѝ честиташе водство на Гордана Силјановска-Давкова. Додаде дека не е задоволен од изборниот резултат.
Поразот на Јакимовски вчера беше главна тема на социјалните мрежи.
Стевчо Јакимовски ни комшиите не го гласале. Пошо да го гласаа ќе тепаше у прв круг.
— Ракун (@HumoroidM) April 24, 2024
Стевчо има повеќе квадрати во една општина свои отколку гласови
— БУГАРСКИ ПАСОШ🇲🇰 (@NemamBgPasos) April 24, 2024
Стевчо им се заблагодари на сите коишто гласаа за него… поединечно
— Dimano (@dimanovski) April 24, 2024
И доктортот Нико Беќаровски за него објави хумористичен статус.
„Стефчо Јакимовски собра повеќе потписи од гласови“, напиша тој на „Фејсбук“.
Стевчо Јакимовски во првиот круг заврши последен по бројот на гласови на претседателските избори.