Македонија
Крушево и Поградец со заеднички летни и зимски понуди
Планинскиот и езерскиот туризам во Крушево и Поградец ќе дадат заедничка понуда од туристички пакет за летни и зимски одмори за новите туристи од Европа.
Планинскиот и езерскиот туризам во Крушево и Поградец ќе дадат заедничка понуда од туристички пакет за летни и зимски одмори за новите туристи од Европа.
Организацијата Обука за одржлив развој (ОРТ) во соработка со НВО „Ауледа“ од Валона, Албанија, до март наредната година заеднички ќе работат за зголемување на туристичката понуда на Крушево и Поградец преку вмрежување на двата града.
Главна цел на проектот за развој на туризмот е зајакнување на малите стопанства за проширување на туристичката дејност во алтернативни видови туризам, со фокус на екологија, спорт и култура. Проектот посебно настојува да поттикне прекугранична деловна соработка, обука, трансфер на искуства и спојување на бизнисите во интегриран производ.
Проектот е мотивиран да покрене синергија во давањето туристички и пропратни услуги во нова форма, односно развој на планскиот и езерскиот туризам во Поградец и Крушево. Целни групи на проектот се млади луѓе, стопански објекти од мал обем во двата града и туристички агенции, а ќе бидат формирани и туристички пакети и понуди кои би ги задржале туристите преку целата година.
„Имајќи ја предвид инфраструктурата која ја имаме и проектите на кои работиме се надевам дека преку овој проект ќе добиеме повеќе во областа на алтернативниот туризам и поврзувањето меѓу Крушево, Поградец и регионите како Валона и Охрид. Се надеваме на збогатување на туристичката понуда и размена на туристи“, рече градоначалникот на Крушево, Василче Дамчески.
Тој ги најави проектот „Крушево-етно град“ кој ќе трае до август, Балканското првенство за млади селекции во одбојка, Европско првенство во навигациско планинарење, манифестацијата Крушевска софра и „10 дена Крушевска Република“.
Ефектите од проектот кои се очекуваат се нови инвестиции, зголемен буџет, приходи за граѓаните и повеќе работни места.
Проектот „Прекугранично споделен интегриран алтернативен туризам“ кој настојува да поттикне прекугранична деловна соработка , обука, трансфер на искуства, спојување на бизнисите во интегриран производ во туристичкиот сектор е финансиран од Европската унија./крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Тренчевска: Најемотивна сум кога зборувам со пензионерите, креаторите на државата денес
Коносителката на листата за пратеници на Изборна единица 4 од Социјалдемократскиот сојуз на Македонија, Јованка Тренчевска денес им се обрати на пензионерите во Општина Струмица и ја објасни изборната програма на која според неа столб е грижата за пензионерите.
„Да се потсетиме на се она што го имаме направено за вас пензионерите и да ве информираме за се она кое се обврзуваме како партија во наредниот период. Како помлади генерации сме обврзани да ви обезбедиме спокојни пензионерски денови, затоа во изминатиот период ја донесовме методологијата со која гарантираме постојан раст на пензиите. Пред нашиот мандат најниската пензија која изнесуваше околу 8000 денари, денес е покачена на скоро 14.000 денари“ изјави Тренчевска.
Таа посочи дека покрај континуираното покачување на пензиите продолжува да се исплаќа и финансиската поддршка која е директно на терет на буџетот на Министерството за труд и социјална политика и дека истата не ја загрозува исплата на пензиите.
„Најголем дел од вас се сеќаваат дека ги добивавте пензиите во 6 групи на пензионери, затоа што системот на пензиско и инвалидско осигурување на бил стабилен. Денес сите вие секој први во месецот пензиите ги имате на вашите сметки, системот е стабилен и гарантира долгорочна сигурност“ истакна Тренчевска.
Таа рече дека никогаш повеќе нема да дозволи фондот да биде нестабилен, затоа што сите предвидени мерки и политики кои се предвидуваат не се на терет на фондот, туку ќе бидат на централниот буџет.
„Се обврзуваме на минимална пензија од 20.000 денари и просечна пензија од 30.000 денари. Воведуваме новогодишен пакет за секој пензионер во висина од 6000 денари како, картичка за пензионерите со попуст од 30% на прехранбени производи како и изградба на најмалку 12 нови домови за стари лица“ рече Тренчевска.
Македонија
Костадиновска-Стојчевска: Како што ветив, платите се за 12% повисоки за културните работници
Вработените во култура ја добија мартовската плата покачена за 12 проценти. Министерката за култура, Бисера Костадиновска-Стојчевска изјави дека со тоа, таа го исполни своето ветување.
„Како што ветив, платите на културните работници од денеска се покачени за 12 проценти.
Овааа Влада предводена од СДСМ се грижи подеднакво за сите. Од 2019 година до денес, покачувањето на платите во Секторот култура се искачи на 52 отсто, со потпишувањето на Колективниот договор“, изјави министерката за култура.
Костадиновска-Стојчевска додаде дека веќе две години се бори за повисоки плати за вработените во културата и успехот не може никој да го порекне. Платите пораснаа и повторно ќе растат.
„Не постои ниту еден чинител кој е против повисоки плати, особено кога Законот за кој оваа Влада се избори е на страната на културните работници“, вели министерката.
Таа, како предизборна игранка и манипулација ги оцени реакциите и протестите на СКРМ.
Вчерашниот состанок во Министерство за финансии, вели министерката за култура, „не беше свикан со намерата која Синдикатот за култура им ја презентираше на своите членови, нути пак за некаква игра, денес тоа се докажа“.
Пред две недели од Министерството за култура кажаа дека нема промени во општиот колективен договор, ниту во колективниот договор на Синдикатот за култура. Единствена промена била внесувањето на минималната плата во диспозитивот на договорот.
Македонија
Спасовски: Минимална пензија од 20.000 денари и просечна пензија од 30.000 денари
Носителот на листа на кандидати за пратеници од Изборна единица 2, предводена од СДСМ и Коалицијата за европска иднина, Оливер Спасовски, оствари средба со пензионерите од Куманово.
„Во спектарот на еднаквите можности за сите е и грижата за нашите највозрасни граѓани – пензионерите. Токму затоа, не се откажуваме! Продолжуваме со подобрување на животниот стандард на пензионерите. Во следниот мандат предвидуваме минимална пензија од 20.000 денари и просечна пензија од 30.000 денари. СДСМ и коалицијата “За европска иднина” продолжуваат да вложуваат на вистинскиот пат, патот кон Европа каде нашата земја ќе продолжи да се развива со нови работни места, повисоки плати, повисоки пензии и подобар животен стандард за сите”, истакна Спасовски.