Македонија
Пијан возач се пресметувал со полицајци
Утринава околу 03,40 часот 32-годишен скопјанец, кој бил во алкохолизрана состојба нападнал полициски службеници, кои поради рутинска контрола го сопреле неговото возило.
Утринава околу 03,40 часот 32-годишен скопјанец, кој бил во алкохолизрана состојба нападнал полициски службеници, кои поради рутинска контрола го сопреле неговото возило. Инцидентот се случил на ул. „Цетинска“ во близина на крстосницата со ул.„Александар Урдаревски“, кога при контрола во сообраќајот од страна на УПС при ПСОН„Чаир“ било сопрено ПМВ „Ауди -4“ со скопски регистерски ознаки, сопственост и управувано од Г.В.(1979). Уште при самото сопирање Г.В. почнал да го омаловажува УПС со навредливи и погрдни зборови, но бил игнориран и му било извршено алко тестирање , од каде било утврдено дека содржината на алкохол во крвта изнесува 2,19 промили. На истиот му било укажано да причека во неговото ПМВ, додека се изготват службените акти, при што истиот тоа и го сторил. Во еден момент без повод и причина додека двајцата униформирани полициски службеници биле во службеното возило и превземале мерки против други возачи, агресивно излегол од возилото и трчајќи се упатил кон едниот, при тоа навредувајќи го со погрдни зборови, по што со тупаница го удрил во пределот на челото и носот, а со левата рака го фатил за кошулата и му ја искинал. Веднаш на помош на УПС му пристапиле двајца други кои со примена на зафат со полуги на двете раце се обиделе да го доведат во послушност, меѓутоа Г.В. и понатаму продолжил да им пружа активен отпор, обидувајќи се да се оттргне од УПС. За кратко време со примена на средства за присилба – лисици, Г.В. бил доведен во послушност и бил приведен во ПС Чаир за понатамошна постапка. По целосно расчистување и документирање на случајот против Г.В. ќе биде поднесена соодветна пријава. крај/мвр/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Апасиев: Дали е вистина дека директорот на велешката болница забранил да им се дава инфузија на деца со температура 40 – за да заштеди
„Дали е вистина дека директорот на велешката Болница – Зоран Арсовски од СДС забранил да им се дава инфузија на Детското одделение, на деца со температура 40 – за да заштеди“, прашува претседателот на партијата Левица, Димитар Апасиев преку социјалните мрежи.
„И дали е вистина дека за операција на жолчка, во истава болница, докторите отворено си бараат мито од пациентите – од 500 евра ‘по тарифа’“, додава Апасиев.
Македонија
„Пендаровски ја призна конекцијата со мешетарот Еисин и после се сокри од јавноста“, велат од ВМРО-ДПМНЕ
„Пендаровски ја призна конекцијата и комуникацијата со балканскиот мешетар Асаф Еисин и се сокри од јавноста. Го нема со денови да излезе и да даде одговори, дали тој, дали СДС, дали Ковачевски или сите комплет го ангажирале Еисин за консултации“, вели ВМРО-ДПМНЕ.
„Овој скандал е дотолку поголем што постојат сериозни индиции дека овој сомнителен лик е ангажиран за креирање на црната кампања на власта и за тоа според основани сомнежи се плаќа со пари во кеш. Овие црни пари не се водат во ниедна евиденција и се испумпани од криминалните тендери во РЕК Битола.
Надлежните институции треба овој случај детално да го проверат, бидејќи ангажманот на мешетарот Еисин и двете лица кои му помагаат а кои се сместени во еден скопски хотел, не фигурира во ниеден извештај. Доколку актуелните институции не го истражат овој случај, тогаш после промената на власта се ќе биде детално проверено. Време е за промени, а наскоро после тоа ќе дојде и времето за одговорност“, соопшти ВМРО-ДПМНЕ.
Македонија
„Нема промена во ДПМНЕ, над 80% од листите се истите пратеници кои спроведуваа активни блокади“, велат од СДСМ
„Составот на листите за пратеници на ДПМНЕ потврдува дека во ДПМНЕ нема никаква промена, тоа е партија свртена кон минатото. Повеќе од 80% од кандидатите на листите се истите пратеници, кои спроведуваа активни блокади на Собранието, правеа опструкции и кочеа, сé што е во интерес на граѓаните и државата“, соопшти СДСМ.
„Тоа се истите лица што во време на криза во Собранието ја блокираа помошта за граѓаните и компаниите, кои два дена на собраниска седница ги преместуваа точките на дневниот ред.
Беа и против минималната плата и раст на платите и против членството на државата во НАТО, и против евроинтеграциите, тропаа и вревеа со вувузели додека во парламентот зборуваше Урсула фон дер Лајен.
Нивната работа изминатите четири години ја одбележаа одолговлекувања, бесмислени реплики, штанцање илјадници амандмани за блокада на законите, незакажување седници и неставање на дневен ред на клучни закони во парламентарните комисии, предводени од ДПМНЕ.
Со истите лица на листите Белата палата потврдува дека се определува за блокада на европскиот пат на државата. Со ДПМНЕ е можно само враќање назад.
Изборот пред граѓаните на претстојните избори ќе биде помеѓу надеж и просперитетна европска иднина со СДСМ и безнадежност и враќање 10 години назад со ДПМНЕ“, се наведува во соопштението на СДСМ.