Македонија
Анова и Трпковски двајцата нови пратеници
Сузана Анова и Стевче Трпковски од ВМРО-ДПМНЕ, според Државната изборна комисија, се двајцата нови пратеници кои доаѓаат на местото на Никола Груевски и Горан Трајковски.
Сузана Анова и Стевче Трпковски од ВМРО-ДПМНЕ, според Државната изборна комисија, се двајцата нови пратеници кои доаѓаат на местото на Никола Груевски и Горан Трајковски.Верификационата комисија денеска ги потврди мандатите на Анова и Трпковски врз основа на извештајот на Државната изборна комисија за прифаќање на остатокот од мандатот за пратеник во Собранието, согласно член 153 од Изборниот законик.Двајцата се од кандидатската листа на коалицијата предводена од ВМРО-ДПМНЕ во Изборната единица еден.Пратеникот Јани Макрадули забележа дека оставката на пратениците била констатирана во нивно отсуство и рече дека со тоа е извршено кршење на Уставот.„Пратеникот оставката ја поднесува лично согласно Уставот. Апелирам да не се случи злоупотреба партискиот врв да злоупотреби некој непослушен пратеник. Ако ова мине, ќе има злоупотреба. Трајковски и Груевски немаа 30 секунди да дојдат на седница и да кажат дека дале оставка. За 30 секунди го уриваме Уставот“, истакна Макрадули.За утре претседателот на Собранието. Трајко Вељаноски ја закажа третата седница на овој пратенички состав на која треба да бидат изгласани предлозите за потпретседатели на парламентот и да биде констатиран мандатот на двајцата нови пратеници./крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Патот Штип-Кочани во прекин поради сообраќајка
Од 17:10 часот, поради сообраќајна незгода на патниот правец Штип-Кочани, сообраќајот е во прекин во една насока, информираат од АМСМ.
Македонија
Маричиќ: Имаме план за зелена Македонија во која граѓаните ќе станат акционери на енергетските компании
Секретарот за меѓународна соработка на СДСМ Бојан Маричиќ денес во изјавата за медиуми се обврза дека СДСМ и Коалицијата за европска иднина нема да се откажат од стремежот за енергетска независност и од зелена енергија.
Во своето обраќање посочи дека е време да се сопре со фосилните технологии.
Изјави дека постоечките енергетски капацитети на фосилни горива да ги трансформираме во соларни електрани кои произведуваат зелена енергија.
„Тој процес го продолжуваме со голема новина: Државните енергетски компании ги даваме во рацете на граѓаните! Граѓаните стануваат акционери во енергетските компании. Висок процент од вкупниот број издадени акции во државните енергетски компании ќе се поделат еднакво на граѓаните. Секој граѓанин, вклучително и децата, ќе добие по најмалку 8.000 денари од вредноста на енергетските компании или 500 евра за едно четиричлено семејство.
Нашиот план е производството на енергија да се зголеми за најмалку 70% за да ги задоволиме домашните потреби за струја. Во наредните четири години за 100% да се зголемат капацитете со обновливи извори на енергија да достигне 60% од вкупната потрошувачка во државата.“
Маричиќ во својата изјава потврди дека целта и програмата на СДСМ е иста со онаа на Европската Унија и Европскиот зелен договор кој предвидува нула штетни гасови од фосилни горива до 2050 година.
„Нашата визија е зелена Македонија како здрава животна средина за граѓаните. Чиста вода за пиење во секое населено место, одржливо управување со отпад и расчистување на дивите депонии. Пречистување на отпадните води за здрава почва за здрава храна.“
Македонија
Со полициски хеликоптер пренесен македонски државјанин од Унгарија до Скопје
Денеска (20.04.2024) по добиено барање од ЦУК, со полициски хеликоптер Бел-412 од Одделот за воздухопловни единици, од Сегедин, Унгарија до Скопје е пренесен македонски државјанин кој доживеал мозочен удар на 18 април за време на службен пат во Унгарија. Тој е пренесен на скопскиот клинички центар „Мајка Тереза“.
Oва е втор пат да се извршува ваков вид воздухопловен транспорт од Сегедин до Скопје со хеликоптер на Министерството за внатрешни работи, откако и на 11 април беше успешно реализирана ваква акција.