Македонија
УЈП побара стечај на А1 телевизија
Управата за јавни приходи до Основниот суд Скопје 2 Скопје, достави предлог за отворање стечајна постапка против А1 телевизија, потврдија од судот. За привремен стечаен управник е назначен Ацо Петров.
На 26-ти јули е закажано рочиштето кога судот треба да утврди дали А1 телевизија има услови да оди во стечај или ќе ги подмири нејзините долгови. Во межувреме, управителката на телевизијата А2. Жаклина Георгиевска, обвинета во случајот „Пајажина“ чија постапка беше издвоена од целиот предмет поради нејзината здравствена состојба, денеска не даде исказ пред Судскиот совет, како што претходно беше најавено. На барање на нејзините бранители, Судот одлучи на 25-ти август да се произнесе за спојување на нејзината постапка со целиот предмет.И Обвинителството и бранителите на Георгиевска е согласија дека споената постапка ќе биде поекономична.Георгиевска пред судот рече дека се чувствува подобро и дека може да учествува во постапката. Се очекува на 25-ти август таа да ја даде својата одбрана пред сите обвинети во присуство на нејзините бранители. Инаку, во судскиот процес „Пајажина“ кој се води против сопственикот на А1 телевизија, Велија Рамковски и неговите блиски соработници, сите обвинети освен Георгиевска пред Судскиот совет ја дадоа своја одбрана. Сите се изјаснија за невини и се оградија од финансиското работење во фирмите каде што биле управители.Обвинителството во овој случај товари вкупно 23 лица за затајување данок, злоупотреба на службената положба, перење пари и злосторничко здружување.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сончево и топло време со температура до 27 степени
Времето денес ќе биде сончево и топло со мала локална облачност. Ќе дува слаб ветер од јужен правец.
Минималната температура ќе биде во интервал од 2 до 9, а максималната ќе достигне од 20 до 27 степени.
Во Скопје сончево и топло со слаб ветер од јужен правец.
Минималната температура ќе се спушти до 5, а максималната ќе достигне до 25 степена, јавува УХМР.
Во наредните денови следува период на сончево и топло време со пораст на температурата кон викендот. Утринските температури ќе бидат постојано над нулата, а поголемо наоблачување со услови за појава на дожд се очекува на почетокот на следната недела и ќе биде проследено со умерено спуштање на температурата.
Македонија
Нема подолги задржувања за влез и излез од државата
Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Скопје
Без струја дел од Карпош
Регионалниот центар за управување со кризи на Град Скопје, по добиеното известување од ЕВН, информира дека, поради технички зафати во електродистрибутивната мрежа, без електрична енергија ќе остане дел од Карпош.
Од 9 до 14.30 часот корисниците од улицата Мексичка, улицата Хаванска и дел од улицата Варшавска во општина Карпош ќе бидат без струја.