Македонија
ЕУ бара напредок во решавањето на името, правосудството и слободата на говорот
Прашањето за името, правосудството, слободата на говорот се клучните области во кои што Европската унија(ЕУ) очекува напредок од земјава.
Прашањето за името, правосудството, слободата на говорот се клучните области во кои што Европската унија(ЕУ) очекува напредок од земјава.
Директорот на генералниот директорат за проширување на Европската унија, Стефано Санино по тридневната посета на Македонија и средбите со владини и парламентарни претставници, вели дека Македонија остварила значителен напредок во многу области, но сè уште постојат области каде што Европа бара поголем напредок.
Прашањето за решавањето на името било тема на разговор со сите соговорници на Санино. Според него сега се исполнети сите услови за да може да се дојде до решение на ова прашање.
„Поставени се контакти кои течат меѓу властите на Македонија и властите на Грција и дека постојат некои елементи кои што можат да бидат утврдени како еден вид решение на ова прашање. Тоа ќе биде еден битен елемент со кој што ќе се даде еден развој на позициите на земјата во однос на процесот на евроинтеграции и НАТО. Јас сметам дека тоа исто така ќе биде од важност да се дозволи да се надмине ова тешко поглавје во историјата на земјата и да се отворат нови перспективи за иднината на Македонија“ вели Санино.
Тој додава дека сега е прерано да се каже дали до крајот на годината земјава може да ги отпочне преговорите со ЕУ.
„Мислам дека доколку прашањето за името се реши, можно е да се започнат преговорите и сега е прерано да се тврди ова во смисла на тоа дека сè уште го проценуваме напредокот од страна на Македонија во текот на последните 12 месеци и како што кажав, мислиме дека има голем напредок во многу области. Целокупното чувство е дека земјата се придвижува и постои реална шанса за тоа“ вели Санино.
Санино на средба со новиот министер за правда, ја нагласил важноста за обезбедување на независност, ефикасност и транспарентност во судството и ја поздрави измената на Законот за судски совет со која што министерот за правда нема да има право на глас во Судскиот совет.
Во контекст на последните развојни настани, Санино ја нагласил важноста на слободата на изразување и слободното изразување на медиумите.
„Прашањето на слобода на говор е високо на европската агенда. Оваа област ја следиме прецизно, ја споменав потребата да се осигура безбедна средина за новинарите во однос на работата, како и декриминализација. Додека ги нагласуваме овие елементи исто така ги почитуваме процедурите, еден од случаите што ги споменавме сега е предмет на судска истрага и уште еднаш го нагласувам почитувањето на независноста на судскиот систем. Мораме да чекаме, до крајот на истрагата“ изјави Санино.
Санино го покренал и прашањето за реформите во јавната администрација и порача дека единствени насоки за вработување на луѓе во јавната администрација треба да бидат достигнувањата и резултатите од нивната работа. Тој побара поголема заштита на ранливите групи, а се интересирал и за тоа што ќе презема Владата во однос на имплементацијата на Охридскиот рамковен договор.
Значителен напредок според Санино, има во многу области кои што се поврзани со хармонизирањето на македонското со европското законодавство, како што се слобода на движење на стока, законот за трговски друштва, секторот на енергетика, воведување на фито санитарни стандарди.
Санино беше во тридневна посета на Македонија со цел да оствари контакти со новата Влада и со новиот Парламент за да добијат информации за активностите кои ги презема владата во однос на процесот на евроинтеграции. Ова, како што рече, е и суштински момент за Брисел, со оглед на тоа што го финализираат извештајот на постигнатиот напредок на земјава. /крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Вреди“: ДУИ во Руско сценарио бара лек за изборниот пораз
Навреме предупредивме дека очајниот ДУИ смислил сценарио за предизвикување политичка криза после првиот круг на претседателските избори со цел да избегне чесно признавање на извесниот пораз. Нивен сон е техничката Влада на Талат Џафери да опстои повеќе од предвидените 100 дена, велат од коалицијата „Вреди“.
„Бујар Османи избегнува одговор на многу логичното прашање што правел како претседавач со ОБСЕ во текот на 2023 за оваа меѓународна институција да оцени дека постои потенцијал за нарушувањето на безбедноста во изборниот процес и го зголеми бројот на набљудувачи. Исто така молчи дали Османи како домаќин на Лавров го прашал за рецептот за суспендирање на демократската волја на граѓаните.
Но, контурите на ова руско сценарио полека излегуваат на виделина. Владата на Талат Џафери незаконски спречува поставување на началник и дополнителен началник на СВР Тетово за да може да ги злоупотребува партиските војници на ДУИ инсталирани во полицијата во кампањата. Потврда за ова е последниот скандал со училиштето во Житоша кое не само што е претворено во штаб на ДУИ, туку во него полицајци отворено агитираат за Али Ахмети, се фотографираат и објавуваат на социјалните мрежи“, реагираат од коалицијата.
Очекуваат како што велат, дека раководството на МВР соодветно ќе ги евидентира и санкционира овие девијации од страна на полициски службеници.
„Јасно им порачуваме на полициските службеници и останати кадри на ДУИ во државните институции, добро да размислат какви партиски задачи прифаќаат и спроведуваат. Ништо не може да ја смени реалноста. ДУИ после осми мај преминува во опозиција и за секој нивен кадар кој се огрешил пред законите ќе следи соодветна правосудна постапка. Добро е секој партиски активист на ДУИ да размислува трезвено и да не се впушта во незаконски авантури лажно верувајќи дека ќе продолжат кариерите на Али Ахмети, Бујар Османи и Артан Груби.
Знаеме дека исплашеното раководство на ДУИ и нивните коалициони другарчиња се подготвени на различни предизборни далавери, но треба да земат предвид дека на секој обид за спречување на слободно, фер и демократско гласање на Албанскиот народ, жестоко ќе одговориме“, додаваат во партиското соопштение.
Нагласуваат дека ништо не може да ги спречи промените. Гласачите, како што оценуваат, уште повеќе се мотивираат да гласаат против ДУИ кога ги гледаат овие нивни очајнички потези.
„Бранот е тргнат и тој секојдневно ќе расте додека не се претвори во цунами за ДУИ на изборите“, се потенцира во напишаното од коалицијата „Вреди“.
Македонија
Први април, вториот ден на Велигден, неработен за граѓаните од католичка вероисповед
Министерството за труд и социјална политика соопштува дека во согласност со Законот за празниците на РМ („Службен весник на РМ“ бр. 21/98 и 18/07), 1 Април 2024 година (понеделник), Велигден, вториот ден на Велигден, според грегоријанскиот календар, е неработен за граѓаните од католичката вероисповед во Република Северна Македонија.
Истовремено, Министерството за труд и социјална политика на граѓаните од католичка вероисповед им го честита празникот.
Македонија
Донесено упатство за радиодифузерите за претседателските и парламентарните избори
Агенцијата за аудио и аудиовизуелните медиумски услуги, со цел појаснување на начинот на примена на правилата од Изборниот законик, донесе упатство за радиодифузерите за претседателските и парламентарните избори 2024.
Со упатството се опфатени правилата за лимитите за платеното политичко рекламирање (ППР), означувањето на нарачателот на рекламирањето, распределбатата на времето во вести кај јавниот сервис, бесплатното политичко претставување на Собранискиот канал, обезбедувањето пристапност на содржините за изборниот процес за лицата со попреченост, правилата за известување во деновите на изборниот молк, особено за периодот на преклопување на двата изборни процеса.
За време на изборната кампања за претседателските избори, во првиот круг на гласање, радиодифузерите може да емитуваат вкупно девет минути и триесет секунди дополнително време за рекламирање реален час емитувана програма, исклучиво наменети за ППР. Во упатството е точно утврдена распределбата на овие минути меѓу седумте подносители на листи/кандидатите за претседател. Во вториот круг на гласање вкупното време за ППР ќе зависи од времето за ППР што го користат подносителите на листи/кандидатите за претседател, кои ќе ја продолжат изборната кампања во вториот круг.
За време на изборната кампања за парламентарните избори, радиодифузерите имаат право на дополнителни девет минути и триесет секунди за рекламирање реален час, исклучиво наменети за ППР. По потврдувањето на поднесените листи на кандидати за пратеници од страна на Државната изборна комисија, Агенцијата соодветно ќе го дополни упатството за радиодифузерите за претседателските и парламентарни избори 2024.
За време на изборниот молк за претседателските избори, на 23 и на 24 април (до 19 часот) 2024 година продолжува изборната кампања за парламентарните избори, но запира медиумското покривање во вестите и во посебните информативни емисии на учесниците во изборните кампањи за двата изборни процеса.
Јавниот сервис и телевизиите на државно ниво што ќе објавуваат платено политичко рекламирање, треба да емитуваат содржини поврзани со изборниот процес во формат пристапен за лицата со попреченост.
Упатството за радиодифузерите за претседателските и парламентарните избори 2024 е достапно на веб-страницата www.avmu.mk.