Македонија
Законот за млади се носи без консултации со младите
Законот за млади кој се очекува за краток рок да биде усвоен од Собранието, се носи со нетранспарентна процедура, без консултирање со младите и младинските организации и предвидува 13 владини претставници во Државниот совет на млади кој би се формирал по донесувањето на Законот.
Законот за млади кој се очекува за краток рок да биде усвоен од Собранието, се носи со нетранспарентна процедура, без консултирање со младите и младинските организации и предвидува 13 владини претставници во Државниот совет на млади кој би се формирал по донесувањето на Законот.
Ова се главните забелешките во однос на Законот за млади, што денеска ги изнесе Маријан Забрчанец од Младинскиот образовен Форум, додавајќи дека ова го вклучи алармот кај околу 30 -сетина младински организации.
Она што најмногу им пречело е, како што рече, што предлог-законот е изработен без јавна дебата и вклученост на повеќето младински организации , туку зад затворени врати во Министерствата.
„Особено важно е што со тој закон се предвидува формирање на Државен совет на млади, како чадор организација која што би требало да ги претставува ставовите на сите млади од Македонија, меѓутоа половина од членовите на тој совет на млади, односно 13, се претставници на Владата на Македонија, па оттаму се поставува прашањето како претставниците на Владата би можеле да ги претставуваат ставовите на сите млади“, рече Забрчанец.Како што беше кажано на денешниот брифинг, предлог законот не ја гарантира транспарентноста во работењето на советите, што говори за можностите за партиски и друг вид манипулации со овие тела на локално и централно ниво.
За младинските организации, како што кажа Забрчанец, останува нејасно како сметаат со 100.000 денари предвиден годишен буџет да ги решат проблемите на младите кај кои има сè поголем јаз меѓу нив и институциите.
Неда Коруновска од НВО „Реактор“, смета дека сето тоа е во спротивност со сите препораки на Советот Европа, Стратегија за млади на ЕУ и како што рече, наместо сегашните понудени решенија предлагаат Владата да формира мешани тела во кои ќе учествуваат младите и кои ќе бидат од советодавен карактер, но во никој случај тоа не може да биде Државниот совет за млади, каде треба младите сами да се организираат на начин кој најмногу им одговара.
Покрај тоа, како што брифираа од МОФ, во предлог -законот постојат низа недоречености во регулирањето и дефинирањето на младинските организации, па така во предлог законот не се наведени јасни критериуми според кои се дефинира една младинска организација.
Во текот на наредните денови МОФ и Реактор препораките и коментарите ќе им ги достават на парламентарците, соодветните собраниски комисии и Советот на Европа. /крај/ми
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Османи: Европскиот фронт е голема идеја чие време е дојдено
Кандидатот на Европскиот фронт, Бујар Османи, вечерва на митинг пред граѓаните на Кичeво изрази благодарност до лидерите на Европскиот фронт и коалицијата која, како што вели Османи, е продолжение на битките во континуитет една по една, за разбивање на замоците на етничките монополи.
„Европскиот фронт не е политичка партија. Европскиот фронт не е ни коалиција на политички партии, Европскиот фронт е голема идеја. Тоа е одлична идеја чие време дојде, лавина што ги собра соништата на секој граѓанин на оваа земја, за еднаквост, за правда и просперитетен живот во ЕУ. И ова го гледам како ентузијазам, како насмевка во секое населено место каде што одам, бидејќи Европскиот фронт е трета унија, но сега со малку поинаква димензија“, истакна Османи.
Кандидатот на Европскиот фронт, Османи понатаму истакна дека останува уште едена последна тврдина на етничкиот монопол.
„Тврдината која нè загрижува сите и секогаш ни го дава тој сигнал дека се уште не е сè како што треба, сè уште нема еднакви можности за сите, таа е тврдината на првиот претседател. Значи, браќа и сестри, се натпреварувам, на 24 април да ја разберете тежината на оваа мисија, дека вашиот глас не е само за мојата кандидатура, вашиот глас, вашата поддршка е за да ја разбиете последната тврдина на етничкиот монопол и за заокружување на еднаквоста на сите заедници во нашата заедничка држава“, заклучи Османи.
Македонија
Таравари: Ќе ја вратиме некогашната репутација на Куманово и Липково
Ќе ја вратиме некогашната репутација на Куманово и Липково. Ќе го поврземе Куманово со Гњилане и Прешево, ќе инвестираме во агробизнис, грантови и земјоделци Ќе ги поврземе Куманово со Гњилане и Прешево, ќе инвестираме повеќе во агробизнисот, во грантови за земјоделците и во економски развој за да ја вратиме некогашната репутација на земјоделството и производството на регионот на Липково и Куманово. Ова беа дел од пораките кои претседателскиот кандидат Арбен Таравари ги испрати вечерва од општина Липково. Оваа општина ја донесе ДУИ на власт а како награда добива само штета, неправда и лошо владеење.
„Наместо да се привилегира и развива овој регион кој некогаш важеше за кризен регион, лошото владеење на ДУИ го втурна во повеќекратни кризи. Економска и земјоделска криза, невработеност и миграциска криза, но и безбедносна криза и монтирани случаи. Никој повеќе од жителите на овој крај не ги почувствувал последиците од лошото владеење на ДУИ“, нагласи Таравари во својот говор.
Но, според него, оваа состојба ќе заврши со гласот на самите граѓани, кој ВРЕДИ и ќе ја донесе долгоочекуваната промена.
„Ќе донесеме повеќе правда, прво за политичките монтирани случаи, каде што ќе се заложиме за правда и обештетување за оние Албанци кои неправедно се држат во затвор. Никогаш не го забораваме војникот на слободата и жител на овој крај, Реџаил Ќерими, кој неправедно беше држен во затвор 13 години и почина во ќелијата кога отворено се знаеше дека нема врска со она за што го обвинуваа, изјави Таравари.
Меѓу другото, Таравари од Липково повтори дека со доаѓањето на ВРЕДИ на власт ќе се забрани коцкањето, а ќе се простат и долговите од фирмите за брзи кредити кои исто така рече дека ќе се затворат.
Македонија
Кои се седнатите на софра со најголемите криминалци од Грчец, Шиша бар, со оние од убиствата во Ханиоти, прашува Силјановска-Давкова
Ги нема сликите низ весниците кои се најдобар доказ, бидејќи сликите понекогаш повеќе кажуваат од зборовите, за тоа кој е кој во ова корупциско и криминално гнездо, вели професорката Горданa Силјановска -Давкова вечерва од Велес.
„Колку претседатели сте виделе, колку премиери сте виделе, колку министри за внатрешни работи сте виделе седнати на софра со најголемите криминалци од Грчец, Шиша бар, со оние од убиствата во Ханиоти? Може да се сликате со некого на улица, ама на софра да бидете тоа значи дека сте во спрега. Значи, во право е претседалот на ВМРО-ДМПНЕ кога вели дека, не само со чинење, не само со криминални активности, туку и со замижување пред криминалот и корупцијата вие сте соучесник во нив, посочи Силјановска Давкова и додаде:
„Во овие избори има нешто специфично, до ѕидот сме доведени. Вие заслужувате власт соодветна на вашето достоинство, власт од којашто нема да се плашите и срамите, туку ќе се гордеете“, порача вечерва од Свети Николе, кандидатката за претседател на државата, поддржана од ВМРО – ДПМНЕ и коалициските партнери