Македонија
Светски ден на Хепатит, во светот околу 500 милиони заболени
Околу еден милион смртни случаи годишно се должат на инфекциите со вирусите на хепатитис (заразна жолтица), а денешниот прв официјален светски Ден на Хепатитис е посветен на подигање на свеста
Околу еден милион смртни случаи годишно се должат на инфекциите со вирусите на хепатитис (заразна жолтица), а денешниот прв официјален светски Ден на Хепатитис е посветен на подигање на свеста и сфаќањето на хепаталните вирусни инфекции и болестите кои настануваат како резултат на инфекцијата.
Хепатитот е инфективно заболување предизвикано од вирусите на жолтица, кое во зависност од типот на вирусот што го предизвикува може да биде од тип А, Б, Ц, Д, Е, како и поголем број други, новооткриени и типизирани групи, објаснуваат од Институтот за јавно здравје.
Најчесто регистрираната заразна жолтица, не само во Македонија туку и во најголем број од земјите во светот, особено помалку развиените и неразвиените земји од третиот свет е заразната жолтица тип А, која се пренесува по фекално-орален пат и кај народот е позната како „болест на нечисти раце “. Од оваа болест најчесто заболуваат децата на предучилишна и училишна возраст.
Вирусната жолтица од тип Б се пренесува преку крв и крвни деривати, преку сексуален однос и од мајка на дете, како и вирусната жолтица Ц, која најчесто се пренесува преку крвта (интравенски корисници на дрога, лица на хемодијализа).
Во Република Македонија хепатитите задолжително се регистрираат од 1956 година, како хепатити (недиференцирани по типот).
Притоа, бројот на заболени од хепатити покажува циклични осцилации, со пораст на бројот на заболени на секои 3-5 години.
Во текот на последните десет години, акутниот хепатит А се регистрира во просек, на годишно ниво со 391 заболени (во 2010 бројот на заболени изнесува 310), со тоа што се регистрираат просечно 245 лица заболени од хепатит кој не е типизиран (неопределен), а кој по епидемиолошките карактеристики е типичен за хепатит А вирусна инфекција.
Вирусните хепатити тип Б се регистрираат со 177 заболени лица просечно годишно во последните 10 години, (во 2010 – 153 случаи), а вирусниот хепатит Ц за истиот период бележи просек од 70 заболени лица, што е иста бројка како и заболените во 2010 година /крај/со/ми
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
В недела посебен сообраќаен режим во Скопје
Министерството за внатрешни работи известува дека на 31.3.2024 (недела), со почеток во 9 часот, поради одржување атлетска трка на 10 км, со траса на движење од долниот паркинг на Средно Водно по регионалниот пат (Р2138) до паркингот на манастирот „Св. Пантелејмон“ и обратно, Единицата за безбедност на патниот сообраќај при СВР Скопје ќе преземе мерки за посебен режим на сообраќај, при што сообраќајот ќе се пренасочува по околните сообраќајници.
Министерството за внатрешни работи апелира до граѓаните да ги почитуваат наредбите што ги издаваат полициските службеници на сообраќајниците на кои ќе се одвива настанот.
Македонија
Левицата: Решението за градба кај болничкиот комплекс Воена болница да се поништи веднаш
„Го повикуваме градоначалникот Стевчо Јакимовски да ги почитува законите и да го поништи Решението за градба на 17-катницата кај Болничкиот комплекс „Воена болница“, истакнуваат од Левица.
Потсетуваат дека политичката партија Левица повеќепати укажа на штетноста од градбата на повеќекатницата на истата локација, паралелно организираше протест на којшто граѓаните јавно го искажаа незадоволството од своеволието на градоначалникот и инвеститорите за противзаконската одлука на истите да почнат со градба на зграда за којашто немаат законска дозвола.
„Од пред неколку дена е правосилно Решението со кое се поништува незаконски позитивното конзерваторско мислење, кое се обидоа да го издејствуваат инвеститорите, а истото, по наши сознанија, е пристигнато во Општината на 21.3.2024 година, по што градоначалникот треба веднаш во законски рок да постапи по истато. За жал, Решението за градба уште не е поништено.
Од општинската администрација не даваат одговори по однос на прашањето по Решението со кое се одбива жалбата на инвеститорите, но успеавме да го добиеме, бидејќи е информација од јавен карактер“, дообјаснуваат од оваа партија.
Го повикуваат градоначалникот Стевчо Јакимовски во пресрет на изборната претседателска кампања да се одважи, како што велат, да ги испочитува законите и да го поништи Решението за градба веднаш, како би докажал пред граѓаните дека, навистина, ги застапува нивните интереси“.
Македонија
Инспектори затекнале диви менувачници на Бит-пазар, но наместо да ги запечатат, им дозволиле да работат
Полицијата поднесе кривична пријава против шест инспектори, вработени во Државниот пазарен инспекторат, и тоа: С. Б. (32), Ј. Р. (54), В. М. (47), Б. С. (46), С. С. (61) и Р. Б. (37), сите од Скопје, поради злоупотреба на службената положба и овластувањето.
Во текот на март и април 2023 година, вршејќи контрола кај три менувачници, лоцирани во близина на Бит-пазар, а за кои било утврдено дека не биле регистрирани како фирми и не поседувале лиценци издадени од НБРМ за вршење менувачко работење, но подолг временски период работеле како менувачници, инспекторите на затекнатите лица во дивите менувачници биле должни да им изречат решение за забрана за вршење дејност, да им ги запечатат објектите, да им ги одземат предметите, опремата и средствата со кои е направен прекршокот, како и да им изречат глоба во износ од 1.000 до 20.000 евра во денарска противвредност.
Но, пријавените пазаришни инспектори ги прекршиле сите одредби од наведениот закон и во три извршени вонредни инспекциски надзори на затекнатите лица во сите три објекти како менувачници ниту им издале решение за забрана за вршење нерегистрирана дејност, ниту им ги запечатиле просториите во кои ја вршеле противзаконската активност, ниту им ги одзеле средствата, предметите и опремата со кои е направен прекршокот ниту, пак, им изрекле глоба во износ од 1.000 до 20.000 евра.
Напротив, во сите три извршени вонредни надзори на сите три менувачници на секој од сопствениците им изрекле еднократна глоба во износ од 80 евра во денарска противредност и ги оставиле и понатаму менувачниците редовно да работат, со што постапиле спротивно на законот за забрана и спречување вршење нерегистрирана дејност и со неизвршување на својата службена должност го сториле кривичното дело злоупотреба на службената положба и овластувањето.