Македонија
Грозданов: СРД да почека да се изјасни стечајниот управник на А1
Советот за радиодифузија (СРД) да почека да се изјасни стечајниот управник на А1 телевизија, Ацо Петров дали воопшто телевизијата може да се реорганизира и да побараат автентично толкување на
Советот за радиодифузија (СРД) да почека да се изјасни стечајниот управник на А1 телевизија, Ацо Петров дали воопшто телевизијата може да се реорганизира и да побараат автентично толкување на Законот за радиодифузија од официјалниот предлагач на Законот, Министерството за транспорт и врски.
Вака денеска ги советуваше членовите на СРД, поранешниот прв човек на Асоцијацијата на приватните електронски медиуми на Македонија (АПЕММ) и еден од изготвувачите на Законот за радиодифузија, Виктор Грозданов. Тој денеска заедно со Газменд Ајдини, поранешен член на ЗНМ и Дејан Станковски од Центарот за развој на медиуми беше на состанок во СРД.
„Бидејќи има доверители да се види може ли тој доверител да си ги поврати средствата или едноставно кога е Собранието на доверители, колку што знам на 4 октомври, ако тие одлучат дека нема шанси да ги вратат парите едноставно да и престане дозволата за вршење радиодифузна дејност на А1 телевизија, со што ќе згасне. Многу се чисти работите, нашиот совет со дел од луѓето кои што беа присутни тука, а учествувале во изготвувањето на тој Закон, е Советот со мирна глава да почека што ќе се изјасни стечајниот управник и собранието на доверители затоа што не знаеме кој се ќе се јави како доверител“ изјави Грозданов по средбата.
СРД побара мислење и од стечајната судијка Наташа Савовска Димитровска но не успеале да ја добијат. Претседателот на Советот Зоран Стефановски е исто така на став дека најдобро е да се почека Собранието на доверители.
„ Тоа е идеална прилика Советот за радиодифузија да ги соочи доверителите со состојбата во која се наоѓа А1, а e предезвикана од реперкусиите од член 62 од законот. Да ги соочиме со консеквенциите кои ќе ги има А1 поради член 62 и да не влијаеме ние врз одлуката на Собранието на доверители туку самото собрание да си одлучи што понатаму“ вели Стефановски.
Стечајниот управник, Ацо Петров за Макфакс вели дека останува СРД и Агенцијата за електронски комуникации (АЕК) да решат за дозволата за вршење на радиодифузна дејност на телевизијата, а во меѓувреме програмата ќе се одржува на минимум.
Тој сè уште не може да каже колку од вработени ќе задржи и не сака да шпекулира со бројки, колку од поранешните вработени повторно ќе ги ангажира.
Одлуката за отворање на стечајна постапка треба да излезе деновиве во Службен весник, а потоа доверителите да ги пријават побарувањата во рок од 30 дена. Моментално Петров врши промена на овластениот потпишувач на фирмата, попис на имотот и сите процедурални работи кои се потребни. Тој не сакаше да ги коментира информациите дека вработените на А1 ќе одат во А2, бидејќи тоа не било негова надлежност.
Во вторникот Основниот суд Скопје 2 донесе решение за отворање на стечајна постапка на А1 телевизија, и со ова на повеќе од 230 вработени во телевизијата им престанува работниот однос.
По отворањето на стечајната постапка се проблематизираше одземањето на дозволата на телевизијата. Во Советот за радиодифузија има спротивставени ставови околу толкувањето на членот 62 од Законот за радиодифузија кој вели „Ако настапи стечај или ликвидација, дозволата за работа престанува да важи“.
Претседателот на Советот за радиодифузија вчера рече дека доколу СРД констатира одземање на дозволата за работа на А1 телевизија, тогаш единствено би дошло до ликвидација на телевизијата и со тоа стечајната постапка би била беспредметна.
Сепак ова прашање треба да помине на редовна седница на СРД, која што треба да се закаже два дена однапред. /крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Лукаревска од Штип: СДСМ не е создаден за поделби, за кавги, за лаги и навреди, СДСМ е од граѓаните за граѓаните
„Пред нас се исклучително важни избори, можеби и најважни досега, важен е континуитетот. Зашто се покажа дека иднината на Македонија не ја разбираат сите исто. Некои ја разбираат како заробена држава, изолирана и без перспектива. Затоа е важно СДСМ и после овие избори да продолжи да ја води Македонија, после НАТО, во Европската Унија, како Македонци со македонски јазик по исправниот пат“, рече во Штип, Сања Лукаревска, носителка во третата ИЕ на СДСМ и Коалицијата за европска иднина.
„Ние не бегаме, ниту од одговорноста, ниту од народот, ниту од државата. СДСМ е силна, голема, одговорна партија која секогаш, без двоумење и калкулирање за сопствениот рејтинг, носела тешки одлуки во уште потешки околности. СДСМ не е создаден за поделби, за кавги, за лаги и навреди, за ниски удари. СДСМ е од граѓаните за граѓаните. СДСМ е избор на секој далековид човек, на секој кој ги почитува другите и разговара со сите. СДСМ, докажано, е партија која е тука кога е најтешко, и за земјата и за граѓаните“, рече Лукаревска.
„И овде, во Штип ќе повторам, драго ми е што успеавме граѓаните дури и да не насетат со колкава економска и енергетска криза се соочивме. Знам дека нашиот политички опонент тие кризи би ги спакувал во телевизиско шоу, наместо да ги решава. Има разлика.
Внимававме на сите граѓани, од тоа да задржат работните места, да добијат помош оние кои работат во приватниот сектор, непречено да тече исплатата на пензиите, социјалната помош, помошта за најранливите, ги зголемивме платите и пензиите.
И затоа ќе победиме. Штип на 24 април и на 8 мај ќе го направи најдобриот избор, за Стево Пендаровски и Социјал-демократскиот сојуз на Македонија.
Слободата и демократијата мора да останат да живеат во Македонија. Нема откажување од иднината“, рече Лукаревска вечерва пред граѓаните на Штип.
Македонија
(Видео) Понудата на Мицкоски за коалицирање е знак на слабост, рече Пендаровски
Кандидатот за претседател Стево Пендаровски вечерва од Бутел рече дека е легитимно и дека е демократски избор секој да коалицира со кого сака. Но, понудата на претседателот на ВМРО-ДПМНЕ, Христијан Мицкоски за коалицирање со неговата партија, уште на првиот ден од кампањата за парламентарни избори, покажува дека тој бара помош.
„Ние среде кампања не бараме помош од пријател. Мене ми се чини дека тоа е јасен знак на слабост, затоа што господинот Мицкоски знае што го очекува на 24 април и на 8 мај. Инаку зошто би барал помош од страна?“, рече Пендаровски.
Македонија
Митрески од Струга: Младите не смеат да бидат жртви на политичари без став и без визија
„Во Струга ги реновиравме буквално сите училишта и спортски сали и изградивме три нови сали. Го реконструиравме затворениот пливачки базен, тројно ја покачивме минималната плата. Ги дуплиравме странските инвестиции. Ги зголемивме пензиите за над 50%, ги покачивме платите во сите сектори. Но, тоа не е доволно. Поминавме и поминуваме сериозни економски последици од Ковид кризата, но и од војната во Украина. Затоа ни е потребна ЕУ. За побрзо да ги донесеме европските стандарди дома“, порача Јован Митрески, носител на ИЕ 5 на СДСМ и Коалицијата за европска Македонија на вечерашниот собир во Струга.
Тој нагласи дека платите и пензиите ќе растат побрзо, инфраструктурно побрзо ќе се развиваме, туристичка сезона ќе има преку целата година, полесно ќе се развива езерскиот, планинскиот и руралниот туризам, само со поддршка на ЕУ.
Митрески додаде дека е лесно со шпекулаци да будиш најдлабоки чувства кај секој Македонец за мајчиниот македонски јазик, да зборуваш за македонскиот јазик како бугарски дијалект, а притоа да не гласаш за Договорот со ФРОНТЕКС, прв договор потпишан на македонски јазик со сите земји членки на ЕУ вклучувајќи ја и Бугарија.
„Лесно е само декларативно да велиш дека си за ЕУ, а да правиш се за да не станеш дел од ЕУ. Лесно е, ама не е чесно на граѓаните да им ја крадеш иднината за мали, ситни, бедни политички поени и борба за власт. Не вреди борбата за власт ако се загрози иднината на државата. Државата мора да оди напред. Не смееме да дозволиме младите да бидат жртва на политичари без став, без визија кои освен за својата фотелја и желба за власт не мислат на ништо друго“, нагласи Митрески и додаде дека изборот е или интеграција или изолација.
Тој ги повика стружани да се обединат и да не дозволат да се вратат оние кои ја доведоа Македонија до бездна и од неа направија заробена држава.
„Да застанеме сите обединето и сложно зад планот за европска Македонија. Да застанаме сите обединето и сложно зад бројот 1.Заедно и сложно да постигнеме уште една победа за европска Македонија“.