Македонија
Прва средба на новиот Министер за труд и социјала со лидерите на синдикатите
Спиро Ристовски, министерот за труд и социјална политика на својата прва официјална средба како министер, со најголемите работнички синдикати, денеска договори поинтензивна работа во однос на правата на работниците,
Спиро Ристовски, министерот за труд и социјална политика на својата прва официјална средба како министер, со најголемите работнички синдикати, денеска договори поинтензивна работа во однос на правата на работниците, нивната безбедност, сузбивање на сивата економија и поскоро утврдување на најниската плата во државата.
„Се договоривме дека во следниот период ќе имаме многу поинтензивни средби многу поинтензивен економско социјален дијалог во секоја форма со кој што ќе ги подобруваме правата на работниците во Македонија којшто ќе се однесуваат на остварување на нивните елементарни права ,на нивната безбедност и здравје при работа а секако и заеднички да помогнеме со поддршка и помош на синдикатите во насока на сузбивањето на сивата економија и на непријавените работници“, рече Ристовски по неговата средба со претседателите на трите македонски синдикати, ССМ, СОНК и УНАСМ.
Прашан околу утврдувањето на минималниот износ на плата ,новиот министер рече дека тоа „не е прашање на лицитација и наддавање со бројки и треба да се утврди врз основа на сериозна анализа“.
„Сепак е тоа прашање кое има рефлексија и врз синдикатите и врз работодавачите и конечно врз државата и мислам дека е многу несериозно во оваа фаза да лицитираме со бројки и со износи. Можам само да потврдам дека во следниот период тоа ќе биде еден од врвните приоритети кои заедно со нашите социјални партнери низ процес на анализа ќе го утврдиме точниот износ.“, рече Ристовски.
Живко Митревски, претседателот на Сојузот на синдикатите на Македонија, во врска со утврдувањето на износот на минималната плата, рече дека од нивна страна ќе биде испорачана една експертска анализа заедно со меѓународната организација на трудот бидејќи, како што кажа сакале да произлезе една прифатлива цена и за синдикатите и за Владата но и за работниците.
Едно од прашањата кое ќе има апсолутен приоритет е усогласување на нашето работно законодавство со европската легислатива и најконкретно можам да кажам дека веднаш по доаѓањето на новиот министер започнаа со работа Комисиите и веќе е изготвен текстот за имплементација на европската директива за формирање на Европски совети на работниците.
Во однос на честото кршење на правата на работниците дури и кога се ангажирани на проекти кои ги финансира државата, министерот Ристовски рече дека ќе бидат ригорозни без разлика кој ги финансира градбите и проектите.
„Правата на работниците без разлика кој финансира или кој е работодавач се идентични и ние во тој дел ќе бидеме безмилосни .Односно правата на работниците ќе ги заштитиме по секоја цена без разлика кој е работодавач и без разлика чии средства се користат во изработка на некои проекти и градби.“, порача Ристовски./крај/ми
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Таравари: Земјотресот почна, се надевам дека на 8 мај ќе дојде промената ДУИ да биде опозиција
Масовниот одѕив на гласачите на овие претседателски избори за Арбен Таравари, претседателски кандидат на коалицијата ВЛЕН, е показател дека промените се почнати. На првата прес-конференција по затворањето на избирачките места тој рече дека очекува победа на 8 мај.
„Земјотресот по се изгледа дека денеска почна со масовното учество на граѓаните во изборите, а се надевам дека на 8 мај ВЛЕН ќе победи и ќе дојде долго очекуваната промена ДУИ да биде во опозиција“, рече Таравари.
Тој јавно се заблагодари на граѓаните за масовниот одѕив и изрази надеж дека набљудувачите нема да дозволат злоупотреби на гласовите.
„Сега веќе се знае дека на овие избори имаше многу помасовно излегување на гласање отколку претходните избори што зборува дека промените ни се приближуваат и ни доаѓаат. Ние како ВЛЕН сме пресреќни дека добивме гласови генерално од Албанците. Сега веќе промените се внатре во кутиите кои веќе се отвораат. Се надевам дека нашите набљудувачи ќе ги контролираат и нема да дозволат да има злоупотреби и ќе се гарантира секој глас кој што е даден на демократски начин дека ќе излезе на површина“, рече Таравари.
Македонија
Кузеска: Констатирани се мали прекршувања на изборниот процес, ги очекуваме резултатите и уверени сме дека граѓаните ќе ја поддржат европската иднина
Богданка Кузеска од Изборниот штаб на СДСМ, по затворањето на избирачките места изјави дека изборниот ден бил демократски, а гласањето се одвивало во фер и демократска атмосфера.
„Граѓаните својата волја ја изразија слободно и достоинствено како што доликува на една демократска земја – членка на НАТО со започнати преговори со ЕУ. Констатирани се само неколку многу мали прекршувања на изборниот процес. Сакаме да изразиме благодарност до сите граѓани кои денеска гласаа. Самото гласање е суштински чин кој произлегува од моќта на граѓаните да одлучуваат за својата иднина и иднината на државата. Ги очекуваме изборните резултати и уверени сме дека граѓаните и денеска и на 8 мај ќе ја поддржат европската иднина за Македонија. Иднина во која Македонија е дел од европското семејство и членка на ЕУ“, порача Кузеска.
Повтори дека ги очекуваат изборните резултати и наскоро ќе излезат со точни податоци.
Македонија
Евидентирани 12 случаи на фотографирање гласачко ливче, шест пријави за нудење поткуп и 15 пријави за агитирање, соопшти Тошковски
Според министерот за внатрешни работи Панче Тошковски денешниот изборен ден поминал во безбедна, мирна и демократска атмосфера.
Како што рече, безбедните избори биле резултат на добрата соработка меѓу полицијата, Државната изборна комисија и сите други чинители кои биле вклучени во спроведувањето на изборниот процес
„Овие избори беа уште еден тест за демократијата и во таа насока сакам да им честитам на граѓаните кои излегоа на гласање и ја исполнија својата граѓанска должност и со тоа уште еднаш го истакнаа демократскиот капацитет на државата и значењето на нивната активна улога во градењето на инклузивно општество“, кажа Тошковски.
Истакна дека биле евидентирани повеќе настани кои се однесуваат на прекршување на изборниот процес.
„На ниво на целата држава евидентирани се 12 случаи на фотографирање на гласачкото ливче, два случаи на кинење на гласачко ливче, шест пријави за нудење на поткуп и 15 пријави за агитирање. На подрачје на СВР Скопје во врска со пријавата за испукана димна бомба од страна на тимот за антитероризам извршена е проверка , подигната е направата и предадена е на претседателот на избирачкиот одбор. Констатирани се шест прекршоци, а ќе бидат поднесени и две кривични пријави, една за повреда на тајност на гласањето и една за повреда на избирачко право“, потенцира Тошковски.
Во Охрид било пријавено јавно гласање пред комисијата а во Тетово биле пријавени упатени навреди кон шеф на штаб на политичка партија.
Во Куманово како што додаде, две гласачки места во село Умин Дол биле затворени а избирачкиот материјал бил вратен во канцелариите на ОИК.
Во Струмица едно лице го покажало гласачкото ливче на набљудувач.