Македонија
Башески: Правно сум ослободен од одговорност, но не и морално
Во врска со проневерата на европските пари што ја вршеле македонските дистрибутери на филмови, директорот на Филмскиот фонд и претставникот за Македонија на европскиот филмски фонд Еуроимаж, Дарко Башески вели дека правно е ослободен од одговорност, но не и морално.
Во врска со проневерата на европските пари што ја вршеле македонските дистрибутери на филмови, директорот на Филмскиот фонд и претставникот за Македонија на европскиот филмски фонд Еуроимаж, Дарко Башески вели дека правно е ослободен од одговорност, но не и морално. „Жал ми е што немав доволно време да посветам и на дистрибуцијата, бидејќи имавме и се уште имаме многу малку вработени за да координираме над 80 проекти што ги има подржано Филмскиот фонд во координација со многу меѓународни организации надвор од Македонија. Треба да се направи построга процедура на контрола и на дистрибуција и на работата на продуцентите од филмскиот фонд“, рече Башески на денешната прес конференција.Тој најави дека денеска ќе го извести бордот на Еуроимаж дека се повлекува од функцијата македонски претставник на европскиот фонд.„Се повлекувам од местото македонски преставник на Еуроимаж и ќе се заложам понатаму оваа функција да биде платена, бидејќи со себе носи голема работа и одговорност.Башески рече дека Министерството за култура веќе отпочна ревизија врз неговата работа во Филмскиот фонд како и врз процедурата која се спроведува за подршката од Еуроимаж. Како што соопшти денеска тој веќе поднел пријава до Антикорупциската комисија и до финансиската полиција да направат ревизија врз неговото работење и врз неговата финансиска состојба. Поради проневера на околу 200 илјади евра европски пари за подршка на македонските дистрибутери на филмови, Башески рече дека фондот Еуроимаж ќе направи ревизија кај сите дистрибутери и дека веќе ја има стопирано исплатата кон сите македонските дистрибутери. Според Башески остана нејасно како оди подршката од Еуроимаж и дека таа не оди преку Филмскиот фонд.„За подршка на Еуроимаж дистрибутерите аплицираат директно на Еуроимаж. Таму ја поднесуваат цела листа на документи од регистрација на фирма, до кој филм го дистрибуираат и лиценца за оваа територија. Пријавените филмови ги разгледува комисија од седум члена каде јас не сум член иако беше алудирано дека јас влијаам некои проекти да не добијат подршка. Иако таму се разгледуваат кои филмови да добијат подршка, а не кои дистрибутери. Претставникот на Еуроимаж потпишува еден формулар каде треба да се потврди дека во публицираниот материјал плакатот е наведено логото на Еуроимаж и се наведува првиот ден на дистрибуција. Значи претставникот на Еуроимаж не гледа што се случува понатаму со филмот. За да ги добие сретставата претставникот понатаму треба да го достави овој формулар заедно со извештајот за прикажување, исечоци од медиуми за тоа кога почнува дистрибуцијата на филмот и потоа ги добива средствата“, објасни Башески.Околу 200 илјади евра се проневерени од дистрибутерите што потпишале договор со Еуроимаж за прикажување европски филмови, кои потоа воопшто не се појавиле во киносалите. Директорот на Филмскиот фонд на Македонија, Дарко Башески, признава дека договорите со споменатите продуценти ги потпишувал „на доверба“, а неофицијално некои од нив не се ни евидентирани во Централниот регистар, или барем не под истото име. Спорните дистрибутери се главно нови и непознати имиња на македонскиот дистрибутерски пазар, а повеќето од нив се всушност фирми-ќерки на големи дистрибутерски куќи од регионот.Фирмите што проневериле пари се „Медија фактори“ со 24.500 евра, „Еуро филм“ 34.200 „Арена филм“ 65.000 евра и „Балкан филм“ 85.500 евра.Уредно работеле СВРСА кој добил подршка за 11 филма и сите ги прикажал и Манаки филм кој добил подршка за 13 филма.Релативно уредно работеле МКЦ „Цинестар“, „КТ филм и медија“, „Висарт Медија“ „Фидалго филм“ , „Симплисити“ и „Катавеј“. крај/к.с.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Димитриевски до Пендаровски: Разликата е огромна, откажете се од оваа битка и оставете нè да победиме во вториот круг
Денеска ЗНАМ заедно со сите свои пддржувачи ја испишува новата политичка историја на македонската политичка сцена, рече вечерва претседателскиот кандидат на ЗНАМ, Максим Димитриевски. Иако е јасно дека не влегува во вториот круг, Димитриевски првиот круг од изборите го смета за голем успех.
„Можам да потврдам дека се роди третата политичка сила во македонскиот политички блок во државата која што имаме намера во следниот период дополнително да ја потврдиме и надградиме, со цел еден ден граѓаните да имаат можност да изберат нешто ново“, рече Димитриевски.
На противкандидатите им честиташе за успехот и се заблагодари на можноста да води кампања за која рече дека не била еднаква за сите оти законот кој е во сила не дава еднаква можност за медиумско претставување на сите партии.
Рече дека е горд на секој глас што го добиле како партија регистрирана пред само три месеци.
„Факт е дека јас како кандидат и ЗНАМ освоивме повеќе од 80.000 гласови. Регистриравме субјект кој постои нешто повеќе од три месеци и со граѓанската поддршка се етаблираше на трето место во политичкиот блок. Сметам дека тоа е одличен појдовен резултат за понатамошна борба. Јас не се сеќавам дека во историјата на плурална Македонија имало вакви примери, да имате партија со некаде три и пол илјади членови, а да освоите над 80.000 гласови. Искрено сум горд на секој тој еден глас што дојде, како поддршка за мене и ЗНАМ. И покрај тоа што трендовите се тие, десницата добива, а левицата губи, единствено десницата доживеа пораз во бастионот на асномска Македонија, а тоа е Куманово“, рече Димитриевски.
Порача на сите политичари дека треба да учат од овие избори оти граѓаните дале јасна насока каде сакаат да се движи државата, а посебна порака упати до Стево Пендаровски, кој освои повеќе 100.000 гласови помалку од Гордана Сиљановска-Давкова.
„Почитуван мој претседателе, разликата е огромна. Доколку сакате да опстане централната и левата идеја во државата, откажете се од оваа битка и оставете не да победиме во име на граѓаните во вториот круг“, порача Димитриевски.
Кога ќе завршат парламентарните избори, Димитриевски е уверен дека ЗНАМ ќе биде политички фактор за стабилност во државата без кој нема да може да се формира идната влада. Најави дека кога ќе ги почнат преговорите за формирање парламентарно мнозинство, на сите политички партии ќе им ги испорачаат нивните предлози за црвените линии на македонскиот народ.
Македонија
ДИК: Сиљановска Давкова освои 324 177, Пендаровски 161 393 гласа по обработени 89,97 отсто
Стево Пендаровски освои 161 393 гласа, 19,90 отсто, Гордана Сиљановска Давкова 324 177 односно 39,97 отсто од гласовите, Стевчо Јакимовски освои 7.499 односно 0,92 отсто од вкупниот број на гласовите.
Кандидатот Бујар Османи освои 110 903, односно 13, 68 отсто, Билјана Ванковска 35.949 односно 4,43 отсто од гласовите, Арбен Таравари 78.110 илјади односно 9,63 отсто, Максим Димитриевски 70,996, односно 8,75 отсто од гласовите се резултатите од обработените 89,97 отсто од гласовите, извести претседателот на Државната изборна комисија, Александар Даштевски.
Тој додаде дека изборниот процес поминал мирно и достоинствено и смета дека 99 отсто работите поминале како што треба.
Македонија
Касами: Добитници на овие избори сме ние, ДУИ има купено гласови
„Влен“ е легитимен претставник на Албанците и ги доби гласовите на Албанците, изјави Билал Касами на прес конференција.
„Добитници на овие избори сме ние, коалицијата „Влен“. ДУИ има купено гласови од загрозените гласачи кои имаат потреби од пари. „Влен“ ги доби гласовите на Албанците, вели Касами.
„ДУИ го загуби последниот легитимитет да зборува во име на Албанците, затоа на 8 мај ние ќе победиме. Овој резултат и во мандати не е голема разлика со ДУИ и на 8 мај овој резултат ќе биде во наша полза. ДУИ успеа да ја загуби последната можност, еден кандидат Албанец да биде избран на директни избори во 2024 година. Тие ќе бидат запишани со црни букви во историјата на албанскиот народ во Македонија. Ако биле заинтересирани Албанец да оди во вториот круг сигурно ќе беа координирани со нас и ќе беше возможно да биде избран Албанец. Затоа мислиме дека вредеше оваа борба“, рече Касами.
Тој се заблагодари на сите што го гласаа кандидатот Арбен Таравари и додаде дека ДУИ има изгубено гласови од помалите етнички заедници и од загрозените граѓани.
Таравари кажа дека коалицијата подоцна ќе разговара за тоа кому ќе ги даде гласовите во вториот круг на претседателските избори.