Македонија
Слаб одзив за регистрирање за сини картони
Од вкупниот број на невработени, само осум отсто од нив извршиле пререгистрација со која ќе се утврди дали ќе добиваат бесплатни сини картони или од септември ќе плаќаат за нив, информираат денеска од Фондот за здравство.
Од вкупниот број на невработени, само осум отсто од нив извршиле пререгистрација со која ќе се утврди дали ќе добиваат бесплатни сини картони или од септември ќе плаќаат за нив, информираат денеска од Фондот за здравство.
Дека одзивот е многу слаб покажуваат и бројките според кои од вкупно 247.774 само 20.073 носители на здравствено осигурување се пререгистрирале.
Најслаб одзив има во Тетово, каде само 2,2 отсто од невработените поднеле изјава за пререгистрирање, Кавадарци, Струга , Прилеп, Кичево, Берово, Делчево, Крива Паланка, и Охрид.
Со цел, невработените лица кои имаат право на сини картони на товар на државата, да не останат без истите од септември, од Фондот апелираат граѓаните да го искористат месецов и да се пререгистрираат.
Со измените на Законот за социјални придонеси и Законот за здравствено осигурување од 1.јули сите невработени треба да се пререгистрираат во подрачните служби на Фондот за здравствено осигурување, а во поголемите градови и на шалтерите на ФЗОМ во просториите на агенцијата за вработување .
Бесплатни сини картони ќе можат да добијат само лицата од првата категорија, односно невработени чии семејства претходната година живееле со приход кој не е поголем од 132.000 денари или 11.000 денари месечно.
Невработените што од УЈП ќе покажат потврда дека месечно имаат приходи меѓу 11.000 и 15.000 денари, влегуваат во втората категорија, и тие ќе треба да платат 50% од придонесот за здравствено осигурување, што државата го пресметува на просечна плата, ако сакаат да се осигурани.
Останатите, за кои УЈП ќе констатира дека живеат со над 15.000 денари месечно или имаат годишен приход над 182.000 денари, ќе го изгубат правото на бесплатно лекување и ќе треба сами, во целост, да си го плаќаат здравственото осигурување.
Сите потребни документи за пререгистрација се наоѓаат на шалтерите на ФЗОМ и на веб страницата на фондот www.fzo.org.mk,преку својата инфо линија 080033222 и инфо мејлот [email protected] стои на располагање за било какви прашања./крај/со/ми
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Властите во Бугарија продолжија да негираат регистрација на етничко-македонски активистички групи“, се наведува во извештајот на Стејт департментот
Министерот за правда ги затвори бугарските културни клубови „Цар Борис Трети“ и „Иван (Ванчо) Михајлов“, повикувајќи се на законот од 2022 година, со кој се бара од организациите именувани по поддржувачи или соработници на фашизмот да ги променат своите имиња, се наведува во извештајот на Стејт департментот.
„Во февруари, по препорака на Комисијата за антидискриминација, обвинителството во Битола отвори прелиминарна истрага за клубот „Иван (Ванчо) Михајлов“ поради говор на омраза. Претседателот на клубот беше обвинет за поттикнување етничка и расна омраза и нетолеранција и ширење расизам и ксенофобија. Две лица се обвинети за нанесување тешки телесни повреди на Христијан Пендиков, кој се саморегистрирал како Бугарин, по национална и етничка основа на омраза“, се вели во извештајот.
Во однос на слобода на здружување во Бугарија, во извештајот се наведува дека Законот предвидува право на слобода на здружување и владата генерално го почитувала.
„Властите продолжија да негираат регистрација на етничко-македонски активистички групи како што се Обединета македонска организација-Илинден, Друштвото на угнетените Македонци во Бугарија-жртви на комунистичкиот терор, Здружението за заштита на основните индивидуални човекови права 2023 година и Македонскиот културен клуб „Никола Вапцаров“ и покрај бројните претходни одлуки на Европскиот суд за човекови права дека негирањето ја нарушува слободата на здружување на групите.
Во февруари, Окружниот суд во Пловдив ја потврди одлуката на Агенцијата за регистрација со која се одбива регистрацијата на Обединетата македонска организација Илинден-Пловдив со образложение дека целите на групата, вклучително и официјалното признавање на македонското етничко малцинство, биле насочени кон поделба на нацијата и ќе создадат услови за етнички конфликт. Во мај, Апелацискиот суд во Пловдив ја потврди одлуката на понискиот суд“, нотира извештајот.
Македонија
Недоверба кон судството, насилства кон ЛГБТ-и заедницата и поткопана слобода на изразување, забележа Стејт департментот во извештајот за човекови права во Македонија
Сериозна владина корупција, сериозни ограничувања на слободата на изразување и слободата на медиумите, насилство и закани за насилство насочени кон ЛГБТ-и заедницата се само дел од забелешките во извештајот на Стејт департментот за состојбата со човековите права во Северна Македонија во 2023 година.
Извештајот меѓудругото нотира значителни „одложувања во судењата кои вклучуваат сериозна корупција, при што само неколку беа завршени до септември, вклучително и оние против поранешни владини функционери. Уставот предвидува независно судство, но владата не секогаш ја почитувала судската независност и непристрасност, вели извештајот.
„Веродостојните извештаи за неоправдано судско несоодветно однесување, непотребен политички и деловен притисок врз судиите, непотизам, клиентелизам, долготрајна правда, несоодветно финансирање, отпор кон користење на законски задолжителна технологија и недоволен кадар, ја попречија судската ефикасност и влијаеше на довербата на јавноста во владеењето на правото“.
Анкетите покажале силна недоверба на јавноста кон судството.
„Унапредување под политичко влијание без заслуга или транспарентност се случи во судството и обвинителството. Во јануари, Судскиот совет утврди дека двајца судии на Апелациониот суд во Скопје свесно ги одложиле одлуките за да ги истуркаат обвинетите да го поминат рокот на застареност. На 26 април, Судскиот совет го разреши својот претседател, потег што критичарите тврдеа дека укажува на политичко мешање. Двајца членови поднесоа оставки од Судскиот совет како одговор, а неколку истакнати граѓански организации побараа целосна оставка на Советот“.
Слободата на изразување била поткопана од неефикасноста на правосудниот систем, недостатокот на транспарентност во однос на медиумското рекламирање од страна на државните институции, несоодветното однесување во име на јавните службеници во нивната интеракција со новинарите, притисокот врз новинарите кои истражуваат корупција, дезинформациите, говорот на омраза во онлајн и социјалните медиуми, и самоцензура.
Македонија
Одрони на неколку патни правци
ЦУК извести дека преку единствениот број за Итни повици Е-112 добиена е дојава за одрон на патот кај Калиманци, на регионалниот пат Македонска Каменица-Виница, 5 километри пред влезот на Македонска Каменица.
За настанатата состојба известени се ЈП за оддржување на регионалните и магистралните патни правец и екипите се излезени на терен за да го саниррат одронот, додаваат од ЦУК.
Исто така добиена е дојава за одрон на патен правец село Удово-Демир Капија.
„Точната локација е 2-3 километри после село Удово во правец спрема Демир Капија. За настанатата состојба известени се ЈП за оддржување на регионалните и магистралните патни правец и екипите се излезени на терен за да го санираат одронот“, соопшти ЦУК.