Македонија
Цаноски ќе се жали пред судот во Стразбур
Пратеникот и претседател на ПЕИ, Фијат Цаноски ќе ја тужи државата пред Меѓународниот суд за човекови права во Стразбур, поради уривањето на неговиот станбен комплекс „Космос“.
Пратеникот и претседател на ПЕИ, Фијат Цаноски ќе ја тужи државата пред Меѓународниот суд за човекови права во Стразбур, поради уривањето на неговиот станбен комплекс „Космос“. На денешната прес – конференција Цаноски соопшти дека со рушењето на овој комплекс нему му се ускратени човековите права како граѓанин на Македонија.„Според член 27 од Уставот, секој граѓанин на Македонија има право слободно да се движи на територијата на Републиката и слободно да го избира местото на своето живеење. Според член 30 се гарантира правото на сопственост и правото на наследување, сопственоста создава права и обврски и треба да служи за добро на поединецот и на заедницата. Никому не можат да му бидат одземени или ограничени сопственоста и правата кои произлегуваат од неа, освен кога се работи за јавен интерес утврден со Закон“ цитираше Цаноски членов од Уставот. Тој ангажирал американски адвокат кој се занимава со меѓународно право и човековите права, Дејвид Серџ кој ќе го брани пред Судот за човекови права. „Европската конвенција за човекови права гарантира мирно уживање на сопственост на сите луѓе без разлика дали се тоа корпорации или физички лица. Ова е фундаметално право државата може да го лимитира во ограничени граници и не може тоа да го прави арбитражен и секој механизам за лишување мора да биде пропорционален. Тоа значи да се користат најмалку рестриктивните механизми за да се постигне јавното добро. Не можете да користите топ за да убиете мува, кога има тепачка за таа работа. Доколку државата ја одзема сопственоста треба да следат неколку правила за Стразбур да го признае овој процес, мора да биде пропишано со закон и да биде од јавен интерес“ вели Серџ. Тој вели дека треба научно да е докаже дали градбата мора да се сруши или има мал проблем кој може лесно да се поправи. Серџ вели дека судот ќе разгледува повеќе начини за решавање на проблемот како деградирање и нехумано однесување и дали му е обезбедено доволно време на сопственикот да преземе соодветни мерки за да го реши овој проблем и да бара алтернативни решенија. Цаноски не одговори точно колку пари ќе бара за обесштетување, но според нивните документи колку средства се вложени и со оглед на нарушувањето на неговиот углед и угледот на неговата фирма, тој вели дека тоа се десетици, десетици милиони евра. Тој вели дека нема да ги прескокне нашите судови, неговите адвокати имаат испратено жалби и тужби до македонските судови за кои што се молчи. Тие ќе бараат од Стразбур да се прекине рушењето. „Јас не плашам, јас сум чист, јас ќе докажам, може не тука, но пред меѓународните организации, пред Стразбур, дека сум во право“ рече Цаноски, кој денешното време го според си комунизмот, кога многу од неговите роднини биле протерани од државата.Но Цаноски порача дека него нема тој нема да си оди од државата и тврди дека целата постапка за градба била во соглансот со Законот. Комплексот “Космос“ почна да се руши минатата недела бидејќи целиот објект е надвор од рамките на проектот што го добил одобрението за градба што го издале службите на Општина Гази Баба. Целата градба е повисока за метар и 43 сантиметри во однос на апсолутната кота којашто е измерена од геодетска фирма.Комплексот се градеше покрај Вардар кај мостот “Близнак“, во непосредна близина на Универзитетот ФОН, кој исто така е во сопственост на Цаноски. Предвиден беше како луксузен станбено-деловен комплекс со 562 стана. /крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Алкалоид“ најпосакуван работодавач за 2023 година – апсолутен победник според „Вработување.ком“
„Алкалоид“ најпосакуван работодавач за 2023 година – апсолутен победник според „Вработување.ком“ „За една успешна и амбициозна компанија огромен предизвик е да се одржат високото ниво на организациска култура, фокусот на резултати и високото ниво на етички вредности. ’Алкалоид’ секогаш се стреми да ги регрутира најдобрите кандидати на пазарот на трудот, без оглед на тоа за која позиција станува збор“.
„Алкалоид“ АД Скопје по вторпат е прогласен за апсолутен победник за најатрактивен работодавач, односно најпосакувана македонска компанија за работа за 2023 година, врз основа на следните критериуми: следење на интересот за објавите и за огласите на компаниите од страна на посетителите на интернет-страницата „Вработување.ком“, интересот на апликантите и спроведената анкета на тема „Во која компанија би се вработиле без размислување?“. Настанот за првпат се реализираше во 2023 година низ симболиката на оскари за работодавачите во земјава, со цел афирмирање на позитивните практики на македонскиот пазар на трудот.
Наградата за работодавач на годината му беше врачена на Генералниот директор и Претседател на Управниот одбор на „Алкалоид“, Живко Мукаетов, кој изјави: „Ова е награда на 3.000 семејства кои работат во ’Алкалоид’ во Македонија и подружниците во странство! Признание за целиот оној труд, знаење и вештини кои се вградени во секој наш производ и во секој наш процес во изминатите 88 години постоење. Ова признание е доказ дека во Македонија навистина има квалитетни луѓе.“
„Алкалоид“ континуирано негува стимулирачка работна средина и постојано го надградува системот на бенефиции за своите вработени, кој вклучува: обезбедено доброволно приватно здравствено осигурување, бенефиции за децата на вработените во форма на субвенциониран износ за вонучилишни активности, новогодишен линеарен надомест за секој вработен, исплата на регрес за годишен одмор во износ над законски утврдениот минимум, награди за вработените за лојалност и дополнителни надоместоци во согласност со вклученоста во успешно завршени интерни проекти, годишен наменски буџет за едукации и за стручни доусовршувања, редовни тим-билдинг активности, можности за кариерен развој во компанијата и надвор од неа, подарок за секое новороденче на вработен, новогодишни пакетчиња за децата на вработените и друго.
ПР
Македонија
Левица на парламентарните избори ќе настапи со слоганот ,,Неподмитливите во Собранието”
Левица со слоганот ,,Неподмитливите во Собранието” ќе настапи на Парламентарните избори.
Партијата ги објави слоганот и првиот предизборен спот.
Во екот на кампањата за претседателските избори, од денеска официјално стартува и кампањата за изборите за пратеници.
Скопје
Герасимовски: Решен децениски проблем со безбедноста на сообраќајот на улицата Наум Наумовски-Борче
Општина Центар ја отстрани рампата на улицата „Наум Наумовски Борче” кај хотел Дувет, на раскрсницата помеѓу „Ленинова” и „Партизанска” која претставуваше проблем и пречка за функционирање на сите учесници во сообраќајот.
Со овој потег општината го реши деценискиот проблем на барање на жителите, по поднесена петиција во која се потпишаа 327 граѓани. Ова е направено во согласност со ДУП-от и за овој зафат се добиени потребните дозволи од сите надлежни институции.
На улицата се поставени столпчиња за безбедност во сообраќајот и за влегувањето на возилата во подземните гаражи. Со овој зафат се обезбедува пристапна зона која ќе биде проодна и безбедна за граѓаните.
,,Конечно го решаваме долгогодишниот проблем на ваше барање. Улицата станува безбедна за пешаците и за вас жителите. На овој потег постојано се случуваа сообраќајни незгоди и затоа ова моравме да го направиме. Со вадењето на рампата воедно и ја ослободивме улицата од сите пречки поради кои имаше проблеми”, им се обрати Герасимовски на собраните жители.
Општина Центар известува дека улицата ќе биде двонасочна, во широчина од 7 метри, по 3.5 од секоја страна, ќе се отстрани страничната урбана опрема и ќе се намалат надворешните тераси на угостителските објекти долж улицата „Наум Наумовски Борче”.
Со ова исто така ќе се оневозможи дивото паркирање на улицата што претходно претставуваше проблем за пешаците.