Македонија
ДИТ: Не се констатирани повреди на правата на Чаусидис
Државниот инспекторат за труд (ДИТ) по извршениот надзор во случајот на прекинатиот работен однос на Тамара Чаусидис , вработена во Алсат – М телевизија констатирал дека договорот за вработување е раскинат согласно член 62 од Законот за работни односи
Државниот инспекторат за труд (ДИТ) по извршениот надзор во случајот на прекинатиот работен однос на Тамара Чаусидис , вработена во Алсат – М телевизија констатирал дека договорот за вработување е раскинат согласно член 62 од Законот за работни односи, односно, договорот за вработување е раскинат спогодбено, информираат денеска од ДИТ.Тамара Чаусидис, која е и претседателката на Самостојниот синдикат на новинари и медиумски работници вчера соопшти дека ден претходно била информирана за прекинување на нејзиниот договор за вработување, односно дека е одјавена од работа врз основа на „спогодбен договор за отказ“.„На 1.8.2011 година, склучена е спогодба, бр.143 од 8.8.2011 година, за раскинување на договорот за вработување, со која договорот за вработување и засновање на работен однос со работникот Тамара Чаусидис престанува да важи од 8.8.2011 година. Именуваната е одјавена на 8.8.2011 година.“, пишува во соопштението од МТСП.Поради ова, како што денеска пишуваат од Државниот инспекторат за труд, тие немаат основ за натамошно постапување бидејќи не се констатирани повреди на правата на Чаусидис.„Нашите ингеренции со надзорот се исцрпени, работникот има право да процесуира правни постапки пред останатите институции на системот од судската власт“, пишува во соопштението од Државниот инспекторат.Горан Јовановски, директор на Инспекторатот, се сретнал со Тамара Чаусидис и и’ ги соопштил наодите од извршениот надзор.Како што информираат од ДИТ, Чаусидис доставила пријава со која бара од нив да извршат увид во врска со обезбедување на оригиналната документација за нејзина лична потреба во врска со нејзиниот работен однос, аналогно и нејзиниот престанок на работниот однос во Алсат – М./крај/со/ми
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Мицкоски: Постојниот простор на СВР Охрид ќе се стави во функција на градот, надземно ќе биде убав парк, а подземно катна гаража
„Денеска на покана на министерот и градоначалникот сум во Охрид, да дадам и јас лично поддршка на проектот кој тие двајца го најавија дека тоа ќе биде еден од приоритетите на идната влада на ВМРО-ДПМНЕ и Коалицијата Твоја Македонија. Станува збор за простор на СВР Охрид кој ќе се стави во функција на општина Охрид или ќе биде надземно убав парк, а подземно катна гаража“, кажа лидерот на ВМРО-ДПМНЕ, Христијан Мицкоски.
„Ценам дека треба да се слушаат потребите на граѓаните, треба да се слушаат потребите на тие кои се избрани од граѓаните.
Ценам дека на овој начин ќе се овозможи еден поголем комфор во рамките на градското централно подрачје во Охрид во оној дел каде што е туристичка зона и ценам дека како држава треба да поддржуваме проекти кои ќе значат додадена вредност за средините во кои се прават. Еден од тие проекти е овој овдека.
Така што уште еднаш од мене голема благодарност и до министерот и до градоначалникот на поканата. Очекувам вакви и слични проекти и во иднина во други области во Македонија“, изјави Мицкоски.
Сервисни информации
Сообраќајот на патот Прилеп-Македонски Брод, се одвива наизменично по една коловозна лента
Во 14:58 часот сообраќајот на регионалниот пат Прилеп-Мак.Брод, сообраќајот се одвива наименично по една коловозна лента.
АМСМ информира дека сообраќајот на државните патишта се одвива непречено, по наместа влажни коловози.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Апел за помош за малиот Војдан
„Почитувани, ви се обраќам како очајна мајка на Војдан, кој е дете со церебрална парализа. Војдан е предвремено родено дете, кој е борец уште од првата секунда од неговиот живот. 71 ден ги помина во инкубатор, на респиратор, со мал милион дијагнози и прогнози, но тој се избори и си дојде дома.
Кога мислевме дека нема крај на нашата среќа. Господ повторно ни го зададе најголемиот удар, на Војдан му дијагностицираа Церебрална парализа. 8 месеци ги поминавме по болничките лавиринти во нашата држава, со што немаше значителен напредок. Од негови 11 месеци, одиме на рехабилитација во Загреб. Одиме секој месец и остануваме таму по една недела. Војдан има сериозен напредок во неговата битка, која продолжува и од кога ќе се вратиме дома. Секојдневно има физикална терапија, со што јас како родител сум обучена да работам со него, дефектолошки и логопетски третман одиме на приватно. Фондот за здравство не ни го признава лекувањето на Војдан, па цели овие години одиме со помош на нашиот хуман народ. Како мајка на која единствена желба и е здравјето на нејзиното дете, уште еднаш и до бескрај ги молам сите хумани граѓани кој се во можност да ни помогнат за Војдан да излезе како победник во битката“.
Информации околу кампањата за собирање на донации имате тука