Македонија
Меѓународен ден на младите
По повод одбележувањето на меѓународниот ден на млади преку Невладината организација „Младите можат“ на тема „Дијалог и меѓусебно разбирање“ се вклучи во глобалното прославување на Интернационалната година на млади според Обединетите Нации.
По повод одбележувањето на меѓународниот ден на млади преку Невладината организација „Младите можат“ на тема „Дијалог и меѓусебно разбирање“ се вклучи во глобалното прославување на Интернационалната година на млади според Обединетите Нации. „Неинвестирањето во нашата младина е погрешна економија, инвестициите во младите луѓе ќе донесат големи придобивки и подобра иднина за сите нас. Освен што денес го одбележуваме денот на млади, го одбележуваме завршетокот на годината на млади ’Наша година, наш глас’ која беше на темата : „Дијалог и меѓусебно разбирање“, изјави координатор на проектот „Наша година, наш глас“ Ирина Јаневска. Таа додаде дека од април до денеска се случиле четири работилници кои употребуваат техники на неформално образование со цел да се оствари контакт со себе и помеѓу младите коишто доаѓаат од различни културни меѓуетнички заедници.„Во рамките на тие работилници дел од нив кои употребуваа техники како театарски техники во функција на младински активизам што резултираа со јавен настан наречен „Фриз“ коишто се случи на 21 мај во Скопје“ вели Јаневска. Настанот со наслов „Сопри го моментот и промени нешто“ интепретираше визуелни пораки дијалог, култура и љубов напишани на локалните јазици, пренесе порака дека младите се тие кои можат да делуваат и да го променат светот. „Ние се обидовме да промовираме една порака дека младите треба да веруваат дека можеме да живееме заедно не еден до друг, туку еден со друг“ рече Јаневска. Една од членовите на невладината организација „Младите можат“ Елена Граматикова која учествуваше во проектот „Наша година, наш глас“ изјави дека имала можност да се запознава, соработува и другарува со младите во Македонија од другите националности. „Имавме прилика да си поставиме многу искрени прашања да си дадеме искрени одговори што не така често се случува. Да погледнеме во себе, да погледнеме во се она што се случува меѓу нас и да видиме дали има некаков начин за тоа да го подобриме“ вели Граматикова. Претседателот на невладината организација „Младите можат“, Нина Павловска ги соопшти заклучоците кои резултираа со голема потреба меѓу младите да воспостават контакт со тоа што ќе се овозможи кршење на предрасудите, стереотипите и дискриминацијата кои се чести кај младите, како и градење на позитивни културолошки и социолошки вредности во Македонија.„Се соочивме со предизвици и проблеми со јазичната бариера, па со прашањата за меѓуетничкиот однос кај нас, но успеавме да ги надминеме со креирање на безбедна средина каде младите можат да се истражуваат и себе и на другите да поставуваат отворени прашања “ изјави Павловска. Вечерва со почеток во 20.30 часот во културниот центар „Креактив -Скопје“ здружението „Младите можат“ организира јавна дискусија „Младински активизам – практики и препораки за подобрување на меѓуетничкиот дијалог“. По повод денешниот ден Дани Димитровска одржа концерт во Охрид на плажата Куба Либре каде што истовремено упати порака дека младите можат да го променат светот. Димитровска е заштитно лице на Y-PEER младинската мрежа составена од 20 невладини организации кои работат на унапредување на сексуалното и репродуктивното здравје.Денот на младите започнал да се прославува во 2000 година низ светот преку концерти, работилници, културно историски настани, работни средби и други настани кои се организираат во чест на овој ден, а во Македонија за прв пат се одбележа во 2007-та година под мотото „Биди виден, биди чуен“ младинско учество за развој. /крај/пк
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Ковачки: Во рамките на проектот „Злетовица“, изградба на шест мали и две хидроцентрали со цевководи за водоснабдување на општините Пробиштип и на Кратово
Изминатите години се години кои се црно минато за нашата држава. Години кои ќе сакаме да ги заборавиме и никогаш повеќе да не ни се повторат. Години на тешки национални предавства, криминал и корупција од енормни размери, опасна економска катастрофа, јавен долг од 8,8 милијарди евра, најниски плати и пензии во Европа, а највисока инфлација во регионот и пошироко. СДС-ДУИ забегаа во секоја смисла на зборот, без никакви чувства, без никакви сопирачки, рече Драган Ковачки, носител на листата на пратеници во третата изборна единица од митингот во Кратово во рамките на предизборната кампања за парламентарни и претседателски избори.
Ковачки истакна дека иселувањето има земено загрижувачки размери, огромен дел од младите размислуваат за селење во странство и скоро да нема фамилија што нема свои блиски раселени по белиот свет, при што запраша каде се сега СДС да оставаат чевли пред Влада, како симбол за сите наши што се иселија.
„Устата им е полна со Европската Унија“, рече Ковачки и додаде, „ама во Европската Унија заминаа само тие што се иселија, сите останати сме тука во татковината, грчевито се бориме на парчето земја кое го населувале нашите татковци, дедовци и прадедовци и сакаме тука да останеме, да живееме нормално и да бидеме во друштво со европските народи“.
Ковачки посочи дека за тоа да се реализира треба работа, многу работа, многу напредок и љубов за сопствената земја за што ВМРО-ДПМНЕ како во минатото, така и во иднина ќе работи за интересите на сите граѓани и на граѓаните од Кратово.
Пред присутните на народниот собир во Кратово, Ковачки наброја дел од проектите предвидени во предизборната програма „Платформа 1198“ кои ќе бидат реализирани во градот во наредниот четири годишен мандат.
„Во рамките на третата фаза од проектот „Злетовица“ – Предвидуваме изградба на шест мали хидроцентрали меѓу кои и две хидроцентрали со цевководи за водоснабдување на општините Пробиштип и на Кратово;
Предвидуваме заживување на проектот „Плавица“ и отворање на Рудникот за бакар, злато и сребро;
Изградба на дом за стари лица во Кратово;
Реконструкција на детска градинка Царка Андреевска;
Реконструкција на градска сала;
Регулација на речно корито и изградба на колекторски систем за уредување на дел од Манцева река и дел од Кратовска река;
Реконструкција на патиштата до селата Близанци, Куново, Мушково и Нежилово до Каврак;
Изградба на мала пречистителна станица во село Приковци;
Реконструкција на зградата на поранешна Кристалограверница и многу други проекти кои што планираме да ги реализираме во Кратово“, рече Ковачки.
Македонија
Османи: Го институционализиравме достоинството на нашиот народ, но мисијата сè уште не е завршена
Форумот на жени и Форумот на млади на ДУИ, огранок Сарај, организираа отворена дебата со кандидатот за претседател Бујар Османи и кандидатите за пратеници од Европскиот фронт во ИЕ1 Блерим Беџети и Наим Бајрами.
Кандидатот за претседател Бујар Османи им вети на младите од Сарај дека како следен претседател ќе создаде држава во која без разлика на етничката припадност секој ќе има можност да ги оствари своите соништа.
Османи го опиша Европскиот фронт како идеја чие време е дојдено.
„Од исклучен народ сега сме народ кој го постигна првиот премиер Албанец. Го институционализиравме достоинството на нашиот народ. Почнавме да ги уриваме моноетничките тврдини: претседателот на Собранието, првиот премиер, но сè уште не сме завршиле, бидејќи сè уште имаме тврдина која за нас е забранета зона. Оваа мисија е света и не случајна. Затоа ве повикувам да ја одобрите“, рече Османи.
Кандидатите за пратеници Блерим Беџети и Наим Бајрами побараа од младите масовна поддршка за Бујар Османи и Европскиот фронт. Поканија на 24 април и на 8 мај да биде запечатена големата победа на Фронтот, со која ќе се заокружи последната мисија за етничка еднаквост и ќе се заокружи европскиот сон на младите во Северна Македонија.
Во текот на денешниот ден, караванот на Бујар Османи пристигна во Сарај и неговата околина, односно во селата Кондово, Бојане и Копаница.
Македонија
(Видео) Николовски: Пензискиот фонд повторно е стабилен, а пензиите растат
Преку одговорни политики и посветена работа, пензискиот фонд денес повторно е стабилен, а пензиите за пензионерите растат. Минималната и просечната пензија пораснаа за 50%, па денес минималната пензија изнесува 13.900 денари, а просечната пензија 20.195 денари, истакна на денешната средба со пензионерите од Пробиштип коносителот на изборната единица 3 Љупчо Николовски.
„Донесовме економска стабилност за пензионерите. Подготвивме нова Методологијата за раст на пензиите, со која на пензионерите им гарантираме постојан раст на пензиите. Сите 330.000 пензионери два пати годишно имаат гарантирано усогласување на пензиите, следејќи ги растот на трошоците за живот и порастот на просечната плата“, истакна Николовски.
Постигнатите резултати до сега, се нашиот гарант дека дадениот збор повторно ќе го исполниме, додаде тој.
„Во новиот мандат, даваме збор дека минималната пензија ќе достигне најмалку 20.000 денари, а пак просечната пензија 30.000 денари. Пензионерите два пати во годината ќе имаат усогласување на пензиите, однсно секој јануари и јуни. За оние пензионери кои живеат сами планираме енергетски пакети, во висина од 1.500 денари месечно во периодот од октомври до март“, истакна Николовски.
„Го јакнеме животниот стандард на пензионерите. Пензионерите добиваат потрошувачка картичка со попуст од 30% на прехранбени производи, како воведување новогодишен пакет за секој пензионер во висина од 6000 денари“, истакна Николовски.
„Нашата грижа за највозрасните лица ја продолжуваме и земаме обврска за изградба на најмалку 12 нови домови за стари лица, со вкупен капацитет од 2.000 лица. Имаме конкретна програма и јасен план, што гарантира европска иднина и европски стандард за секој еден граѓанин дома во својата татковина. Докажавме дека можеме да ги подобриме работите кон подобро, но имаме уште многу работи што заедно треба да ги продолжиме. Не смееме да се откажаме, сега кога тргнавме кон сигурна иднина за сите во држaвата“, истакна Николовски.