Македонија
„Економист“: Профил на Груевски
Македонците или го сакаат или го мразат. За оние што не го сакаат, Никола Груевски, кој по третпат беше реизбран за премиер на 28 јули, тој е корумпиран, популист, безмилосен Макијавелист и непријател на слободните медиуми. „Не, не, не“, велат неговите поддржувачи.
„Македонците или го сакаат или го мразат. За оние што не го сакаат, Никола Груевски, кој по третпат беше реизбран за премиер на 28 јули, тој е корумпиран, популист, безмилосен Макијавелист и непријател на слободните медиуми. „Не, не, не“, велат неговите поддржувачи. Тој е чист како свирче, скромен и почитуван семеен човек и камшик за тајкуните-неплаќачи на данок“, пишува лондонски „Економист“ (The Economist) во објавениот профил посветен на премиерот Никола Груевски.„Роден во 1970 година, господинот Груевски израснал во семејство кое не беше ниту привилегирано, ниту сиромашно. Неговиот татко се занимавал со мебел и дизајн, неговата мајка била медицинска сестра, а по разводот на неговите родители, мајката била таа која го водела низ животот. Кога имал четири години, таа отишла на работа во Либија како и многу други Македонци и го земала со неа“, пишува „Економист“.Угледниот лондонски весник не ги одминува ниту желбите што Груевски ги имал во своето детство и младост.„Тоа било една кратка епизода од неговото детство, во која младиот Груевски сонувал да биде лекар, фудбалер или космонаут. Единственото нешто на кое не размислувал многу за политиката – дури ниту за приказната на семејството на неговиот татко“, пишува „Економист“.„Неговиот татко е роден во северна Грција, неговиот дедо, мобилизиран од страна на грчката армија, бил убиен во борбата против Италијанците во Албанија по инвазијата на Италија во 1941 година. Потоа, на почетокот на Грчката граѓанска војна, исто како и илјадници други Словени во грчка Македонија, семејството побегнало кон север, кон тогашната југословенска Македонија. Можеби ова е една емотивна компонента на приказната за борбата со Грција? Не, вели Груевски, до неодамна тој не бил ниту заинтересиран за истата. Ниту пак, како што вели тој, не се чувствувал посебно трогнат кога гo посетил селото на предците во 2001 година“, пренесува лондонскиот весник.„Економист“ го поврзува името на премиерот со новопоставената статуа „Воин на коњ“ во центарот на Скопје.„Денес, кога ќе се спомне името на Груевски, веднаш се поврзува со статуата на Александар Велики, која штотуку беше откриена во Скопје, или пак, со сите други статуи на светци или политичари кои се подигаат секоја недела, како дел од политиката на подигање на националниот идентитет. Но, неколку години претходно, беше поинаку. Ова беше човекот кој почна да ја либерализира економијата, го воведе ДДВ – то, рамниот данок и го обнови имотот преземен од страна на комунистите“, пишува „Економист“.„Многумина од Македонците буквално плачеа од радост при подигањето на статуата на Александар Македонски, додека за опозицијата Груевски беше олицетворение на Ѓаволот“, се вели во профилот објавен од лондонскиот весник.„Економист“ не ги одминува ниту случувањата со медиумите од „Перо Наков“. „Земете го случајот со А1. Телевизијата беше светилник на слободните медиуми, велат од опозицијата, а сега поради критиките упатени кон Груевски, таа е практично убиена. Три весници од истата група беа затворени, додека за тимот на Груевски ова се глупости: Велија Рамковски, сопственикот, никогаш не ги платил даноците и потоа ја користи телевизијата и новинарите како човечки штит кога се случи рација од полицијата“, пишува весникот.Профилот на угледниот лондонски весник завршува со констатацијата на еден од пријателите на премиерот:“Никола е само Никола’ вели еден од неговите пријатели. Обичните луѓе можат да се идентификуваат со него, тој е како другар од соседната врата, што е и буквално така, со оглед на тоа дека живее во мала зграда во неговото соседство заедно со сопругата и двете мали деца. Пријателот забележува дека, ‘за да се победи на толку избори, тој мора да прави нешто добро и покрај се“. /крај/theeconomist/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Таткото на Вања ќе оди во куќен притвор, Врховниот суд му ја уважи жалбата
Врховниот суд ја уважи жалбата на таткото на убиената Вања Ѓорчевска. Со тоа укинат му е притворот и определени се мерка куќен притвор и мерка на претпазливост.
„Врховниот суд ја извести јавноста дека по одржаната јавна седница, Советот за казниви дела донесе решение со кое жалбата на обвинетиот А. Ѓ., изјавена преку неговиот бранител Владимир Туфегџиќ, адвокат од Скопје, ја уважи, a решението на Апелационен суд Скопје, КСЖ-320/24 од 2.4.2024 година, го преиначи на начин што определената мерка притвор против обвинетиот А. Ѓ. ја укина и за обвинетиот определи мерка куќен притвор и мерка на претпазливост“, велат од Врховниот суд.
Претходно денес, бранителот на осомничениот Ѓорчевски, адвокатот Владимир Туфегџиќ, на седницата рече дека решението со кое е продолжена мерката притвор е донесено без доволно образложенија во кои не се наведува ниеден доказ со кој се докажува зошто овој човек би требало да остане во притвор. Дополни дека осомничениот не може да се даде во бегство затоа што важноста на патната исправа му истекла и дека тој активно учествува во истрагата.
Ѓорѓиевски истакна дека е обвинуван за некои работи, кои и ден-денес не ги разбира.
„Бев прикажуван екстремно спротивно од она што сум како родител и татко. Сакам и јас да знам што точно се случува затоа што и јас водев истрага, знам парченца од тие делови. Би сакал да го дочекам моментот кога ќе го дознам идентитетот на тие луѓе, сите се еднакво криви“, рече тој.
Четиринаесетгодишната Вања Ѓорчевска, која беше пријавена за исчезната на 27 ноември, беше пронајдена мртва на 3 декември. За делата грабнување и убиство на свиреп начин првообвинет е Љубомир Палевски-Палчо за кого се чека екстрадиција од Турција. Таткото е осомничен дека помагал во грабнувањето.
Македонија
Висок функционер од НАТО се сретна со Џафери: „Вие сте ценета членка во алијансата“
Џафери – Лапсли: Северна Македонија е ценета членка на алијансата, која посветено ги развива одбранбените капацитети
Техничкиот премиер Талат Џафери вчера попладне се сретна со помошникот на генералниот секретар на НАТО за одбранбена политика и планирање, Ангус Лапсли, во рамките на неговата посета на Скопје.
Џафери му посака срдечно добредојде на помошникот на генералниот секретар Лапсли и воедно го потврди придонесот на Северна Македонија во НАТО, кој во континуитет се зацврстува. Достигнувањето на 2,05 % од БДП во буџетот на одбраната, од кои 30 % се за модернизација на Армијата, се силен индикатор за тој придонес.
Воедно, со учеството во колективната безбедност преку мултинационалните сили на алијансата во Романија, во Бугарија и во Латвија, како и во мисијата на НАТО во Косово, КФОР и во операцијата на ЕУ во Босна и Херцеговина, АЛТЕА, земјата дополнително се позиционира и како еден од столбовите на регионалната стабилност.
На средбата двете делегации имаа можност да разговараат за самитот на НАТО во Вашингтон во духот на 75-годишнината на алијансата, како и за актуелните одбранбени планови имајќи ја предвид глобалната безбедносна состојба во Европа и светот.
Воедно, двете делегации ја потврдија и поддршката што земјите членки, вклучително и Северна Македонија, ја даваат за Украина.
Од страна на помошникот на генералниот секретар Лапсли беше истакнато дека Северна Македонија е ценета членка во алијансата имајќи го предвид целокупниот придонес што досега го има дадено. Алијансата е пообединета и посилна од кога било во својата историја, а со зачленувањето на Финска и Шведска, НАТО станува гарант на безбедноста на над 1 милијарда граѓани од демократскиот свет.
Македонија
Ангелов за ДУИ: Со пушка дојдоа на власт, со пенкало да ги отераме на буништето на историјата
Колку и да е убедлива, победата нема да биде комплетна доколку ДУИ не биде срушена од власт, вели претседателот на Достоинство, Стојанче Ангелов по првиот круг од претседателските избори.
„Затоа е потребна општа мобилизација за уште посилна победа на коалицијата “Твоја Македонија” предводена од ВМРО ДПМНЕ. Граѓаните ги отпишаа СДСМ, да запнеме сите заедно да ги отпишеме и ДУИ. Овојпат ДУИ мора да падне! Со пушка дојдоа на власт, со пенкало да ги отераме на буништето на историјата!“, порача Анеглов.
Ангелов пред еден месец соопшти дека неговата партија излегува од коалицијата предводена од СДСМ.
Тој со години се залагаше воените инвалиди и семејства на загинатите бранители да бидат обештетени, но немаше слух од своите коалициони партнери. Како што самиот рече, добивал поддршка од премиерот Димитар Ковачевски и министерката за одбрана Славјанка Петровска, но поради противењето на ДУИ тоа не се случило.