Македонија
Тинејџери го подметнале пожарот кај Баир
Кривична пријава против три лица на возраст од 15 до 18 години поднесе денеска битолската полиција поради основано сомнение дека подметнале еден од пожарите, што деновиве избувнаа околу Битола.
Кривична пријава против три лица на возраст од 15 до 18 години поднесе денеска битолската полиција поради основано сомнение дека подметнале еден од пожарите, што деновиве избувнаа околу Битола.Кривичната пријава поради сомнение дека сториле кривично дело “Тешки дела против општата сигурност” поднесена е против 18-годишниот Ѓ.В., против 16-годишниот А.М., како и против 15-годишниот А.В. сите од Битола.Од превземените активности, констатирано е дека пријавените на 21-ви овој месец, околу 12,45 часот на источната страна од месноста “Германски гробишта”, поточно на околу 200 метри од битолската населба “Баир”, подметнале пожар со потпалување отпаден материјал, предизвикувајќи опасност по животот и телото на луѓето и значителна штета по имотот. Притоа, осомничените предизвикале опожарување на површина од околу 200 хектари, а материјалната штета дополнително ќе биде утврдена.Според исказите на пријавените, како и според исказите на неколкумина очевидци на настанот, пријавените делото го сториле на начин што во споменатиот термин, , враќајќи се од капење во реката Драгор, застанале на тумбата над тунелот над ромската населба “Баир”, каде имало поголема количина отпаден материјал, кој според нивното кажување се состоел главно од сунѓери, теписи и слично. Второпријавениот, во договор со прво и третопријавениот, со употреба на чкорче од ќибрит кој го носел со себе, запалил парче картон, го ставиле во отпадниот материјал и го оставиле да гори. Кога виделе дека огнот брзо се шири, најпрвин заминале кон населбата, откаде забележале дека огнот уште побрзо се шири, по што се вратиле и се обиделе да гаснат. По добивањето на сознанијата за настанот, од страна на полициски службеници е излезено на лице место заедно со пријавените и нивните родители, при што истите опишале како го предизвикале настанот.Полицијата се уште нема сознание дали е подметнат и кој го подметнал пожарот за големиот пожар што го зафати НП Пелистер. /крај/со/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Во вторник предизборен молк, до тогаш продолжува презентацијата на изборните програми
Во рамки на кампањата за парламентарните избори, која почна во четвртокот, и денеска кандидатите за пратеници во шесте изборни единици ќе ги претстават своите платформи пред граѓаните во повеќе делови од државата. Во исто време продолжува и кампањата за претседателските избори, чиј прв круг ќе се одржи в среда, на 24 април, додека вториот круг треба да се одржи заедно со парламентарните избори на 8 мај.
Кандидатот за претседател поддржан од коалицијата на СДСМ Стево Пендаровски во рамки на изборниот караван денеска ќе ги посети жителите на Ново Село, Босилово, Василево, а митинзи ќе одржи во Радовиш и во Струмица.
Кандидатката за претседател на државата поддржана од ВМРО-ДПМНЕ, Гордана Силјановска-Давкова ќе ја презентира програмата пред граѓаните во Македонска Каменица, Пехчево, Берово и Делчево.
Претседателскиот кандидат Стевчо Јакимовски и коалицијата „Храбро за Македонија“ ќе одржат митинг во скопската населба Карпош, а кандидатот за претседател на Движењето ЗНАМ – За наша Македонија Максим Димитриевски ќе ја презентира програмата пред граѓаните во Ресен, Претор, Новаци и во Битола.
Во рамки на третиот ден од кампањата за парламентарни избори, претседателот на СДСМ Димитар Ковачевски ќе биде меѓу граѓаните на Брвеница и на Тетово.
Македонија
Пендаровски: Понудата на Мицкоски за коалицирање е знак на слабост
Кандидатот за претседател Стево Пендаровски синоќа од Бутел рече дека е легитимно и дека е демократски избор секој да коалицира со кого сака. Но, понудата на претседателот на ВМРО-ДПМНЕ, Христијан Мицкоски за коалицирање со неговата партија, уште на првиот ден од кампањата за парламентарни избори, покажува дека тој бара помош.
„Ние среде кампања не бараме помош од пријател. Мене ми се чини дека тоа е јасен знак на слабост, затоа што господинот Мицкоски знае што го очекува на 24 април и на 8 мај. Инаку зошто би барал помош од страна?“, рече Пендаровски.
Македонија
Силјановска-Давкова со 8 прашања, како граѓаните да се решат дали и за кого ќе гласаат на изборите
Во својот говор на синоќешниот митинг во Крива Паланка професорката Горданa Силјановска -Давкова порача дека оваа власт не креира рационални политики, оти да креираше рационални политики, почнувајќи од образованието, здравството, социјалната заштита, меѓународната политика, граѓаните немаше да се чувствуваат понижени.
– Се наоѓате пред многу важен момент, да донесете клучна одлука. Како да го направите изборот? Прашајте се, прво, дали подобро живеете? Дали ви е подобра економијата? Дали ви е подобро здравството? Дали ви е подобра социјалната заштита? Дали се чувствувате посигурни? Дали вие сте горди на оваа власт? Дали мислите дека власта е горда на вас? Дали мислите дека се горди на Македонија ако се плашат да го изговорат тоа име? Дали мислите дека се горди на сите кои гинеле за Македонија ако постапуваат, не според државните и националните интереси, туку според личните и олигархиските интереси?, рече Силјановска-Давкова и додаде „дека часовникот го отчукува заминувањето на оваа делигитимирана власт и дека набрзо ќе го отчука времето на промените врзани со новата власт, како на претседателско ниво, така и на парламентарно.