Македонија
Преглед на печат / Македонија
„Дневник“ – Под наслов „`Бриони` скаменет во воената 2001“, пишува за грозоморното убиство кое пред десет години се случи во Челопек.
„Дневник“ – Под наслов „`Бриони` скаменет во воената 2001“, пишува за грозоморното убиство кое пред десет години се случи во Челопек. На 26. август пред една деценија Светислав Трпковски и Боге Илиевски, заедно со мотелот, беа кренати во воздух. Весникот понатаму пишува дека во годината кога албанската политичка елита од ДУИ на големо ги слави придобивките од Рамковниот договор, „Бриони“ мачно потсетува дека за доверба меѓу Албанците и Македонците е потребна волја на двете страни. „Нова Македонија“
„И името врие на +40 степени“, пишува дека со пеколните температури се загрева и атмосферата околу името. Серијата на изјави на партиски и државни функционери може да сугерираат дека постои некаква договорена и, се чини, координирана активност, барем од македонска страна. Списокот на странски гости што наскоро ќе дојдат во Македонија, распоредот на посети на нашите политичари и изјавите на влијателни личности и добро упатени извори сугерираат дека опасно се загрева и атмосферата околу името. „Утрински весник“
Под наслов „Седете дома, да не ве онесвести сонцето“, ги пренесува советите на лекарите, по најавите за доаѓање на пеколните горештини. Трудниците и лицата над 60 години, денеска и утре да не работат, а работниците на отворено да паузираат од 11 до 16 часот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Изет Меџити од Берлин: Дијаспората ја совлада Југославија, ќе го совладат и ДУИ
Лидерот на Демократското Движење, истовремено и носител во изборната единица број еден, Изет Меџити, учествуваше во голем собир со дијаспората во Берлин на Коалицијата ВЛЕН (ВРЕДИ).
Меџити од овој собир на дијаспората и се обрати со зборови каде им ја даде убавата вест дека на 8 мај пристигнува победата, но и за вредноста на учеството на дијаспората во овие избори кои многу добро знаат да казнуваат режими и тие кои го мразат Курти и Косово.
„Првите политички движења се отпочнати од дијаспората, како за совладување на Југославија, така и за независноста на Косово, а токму од ова дијаспора ќе пристигне и казната за ДУИ која се спротиставува на Косово и кокетира со Вучиќ”.
Тој, исто така, додаде дека сега е историскиот момент за промени во албанската политичка сцена после децении, со обединетата опозиција и со Самоопределување.
Македонија
Во Скопје санкционирани 179 возачи
Секторот за внатрешни работи Скопје во текот на вчерашниот ден (19.04.2024) продолжи со контролите во областа на сообраќајот.
На територија на град Скопје изречени се вкупно 179 мерки, меѓу кои за возење повеќе од дозволената брзина 51 санкција, 11 мерки за возење без возачка дозвола, осум санкии за поминување на затворен сигнал – црвено светло, седум мерки за управување под дејство на алкохол…
Сообраќајните контроли продолжуваат и во наредните денови.
Македонија
Посебен сообраќаен режим викендов во Скопје поради предизборни митинзи
Поради предизборни митинзи за претседателските избори викендов во централното градско подрачје ќе биде воведен посебен сообраќаен режим.
Како што информира Министерството за внатрешни работи од денеска од 19 часот до утре до 21 часот на улицата „Св. Кирил и Методиј“ ќе биде воведен посебен сообраќаен режим поради одржување на митинг што ќе се одржи утре во 13 часот пред седиштето на Европската унија. За сообраќај ќе биде затворена ул.„Св.Кирил и Методиј“ на потегот од крстосницата со бул.„Кочо Рацин“ до крстосницата со бул.„Св. Климент Охридски“.
Утре во 20 часот на плоштадот „Македонија“, пак, ќе се одржи митинг од изборната кампања за претседателските избори поради што Единицата за безбедност на патниот сообраќај при СВР Скопје ќе преземе мерки за посебен режим на сообраќај во централното градско подрачје, а сообраќајот времено ќе се запира на сообраќајниците по кои ќе се движат учесниците на настанот.
Од МВР апелираат до граѓаните да ги почитуваат наредбите на полициските службеници.