Македонија
Законот за млади доби поддршка од пратениците во првата фаза
Законот за млади денеска доби поддршка од пратениците со 51 глас „за“, 11 „против“ и два „воздржани“, во првата фаза, и со тоа ќе оди во понатамошна процедура.
Законот за млади денеска доби поддршка од пратениците со 51 глас „за“, 11 „против“ и два „воздржани“, во првата фаза, и со тоа ќе оди во понатамошна процедура.За предложениот законски текст во понатамошната процедура ќе има јавна расправа, а заклучоците ќе бидат доставени до Комисијата за образование, наука и спорт.Од Министерството за правда образложуваат дека постојаната законска регулатива во мала мера го регулира статусот на младите во општеството, а потребата од изготвување на посебен закон произлегла од спроведеното истражување во 2010 година, од страна на Агенцијата за млади и спорт. Во изготвувањето на законот учествувале 28 невладини организации и претставници од институциите кои се занимаваат со оваа проблематика.Пратениците од опозицијата сметаат дека предложеното законско решение е непотребно и дека треба да се повлече. Според нив Владата ќе го креира кадровскиот состав на младинските совети на централно, а преку општинските власти и на локално ниво, со што ќе настојува да обезбеди свое влијание.Власта пак смета дека опозицијата и кога нема аргументи одбива секаков предлог од власта.Со Предлог -законот е предвидено формирање на Државен младински совет, како и локални младински совети, со предлози кои ќе доаѓаат преку советите на општините. Младите ќе може да се здружуваат во организации, кои потоа со соединување ќе можат да прераснат во национални. Дел од експертската јавност критикуваше дека нема потреба организирањето на младите да оди преку Агенцијата за млади, кога тие и досега можеле да се формираат согласно законот за здруженија на граѓани и фондации.Предложениот закон за млади се носи за првпат од осамостојувањето на државата. Забелешки на Предлог-законот во повеќе сегменти, меѓу кои и за нивното невклучување во процедурата за подготовка, изнесоа 35 младински организации.На денешната седница на дневен ред е и точката предложена од страна на опозицијата за состојбата со медиумите, но се поизвесно е дека за оваа точка нема да се расправа во текот на денешниот ден, со оглед на тоа што таа е последна./крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Мицкоски: Постојниот простор на СВР Охрид ќе се стави во функција на градот, надземно ќе биде убав парк, а подземно катна гаража
„Денеска на покана на министерот и градоначалникот сум во Охрид, да дадам и јас лично поддршка на проектот кој тие двајца го најавија дека тоа ќе биде еден од приоритетите на идната влада на ВМРО-ДПМНЕ и Коалицијата Твоја Македонија. Станува збор за простор на СВР Охрид кој ќе се стави во функција на општина Охрид или ќе биде надземно убав парк, а подземно катна гаража“, кажа лидерот на ВМРО-ДПМНЕ, Христијан Мицкоски.
„Ценам дека треба да се слушаат потребите на граѓаните, треба да се слушаат потребите на тие кои се избрани од граѓаните.
Ценам дека на овој начин ќе се овозможи еден поголем комфор во рамките на градското централно подрачје во Охрид во оној дел каде што е туристичка зона и ценам дека како држава треба да поддржуваме проекти кои ќе значат додадена вредност за средините во кои се прават. Еден од тие проекти е овој овдека.
Така што уште еднаш од мене голема благодарност и до министерот и до градоначалникот на поканата. Очекувам вакви и слични проекти и во иднина во други области во Македонија“, изјави Мицкоски.
Сервисни информации
Сообраќајот на патот Прилеп-Македонски Брод, се одвива наизменично по една коловозна лента
Во 14:58 часот сообраќајот на регионалниот пат Прилеп-Мак.Брод, сообраќајот се одвива наименично по една коловозна лента.
АМСМ информира дека сообраќајот на државните патишта се одвива непречено, по наместа влажни коловози.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Апел за помош за малиот Војдан
„Почитувани, ви се обраќам како очајна мајка на Војдан, кој е дете со церебрална парализа. Војдан е предвремено родено дете, кој е борец уште од првата секунда од неговиот живот. 71 ден ги помина во инкубатор, на респиратор, со мал милион дијагнози и прогнози, но тој се избори и си дојде дома.
Кога мислевме дека нема крај на нашата среќа. Господ повторно ни го зададе најголемиот удар, на Војдан му дијагностицираа Церебрална парализа. 8 месеци ги поминавме по болничките лавиринти во нашата држава, со што немаше значителен напредок. Од негови 11 месеци, одиме на рехабилитација во Загреб. Одиме секој месец и остануваме таму по една недела. Војдан има сериозен напредок во неговата битка, која продолжува и од кога ќе се вратиме дома. Секојдневно има физикална терапија, со што јас како родител сум обучена да работам со него, дефектолошки и логопетски третман одиме на приватно. Фондот за здравство не ни го признава лекувањето на Војдан, па цели овие години одиме со помош на нашиот хуман народ. Како мајка на која единствена желба и е здравјето на нејзиното дете, уште еднаш и до бескрај ги молам сите хумани граѓани кој се во можност да ни помогнат за Војдан да излезе како победник во битката“.
Информации околу кампањата за собирање на донации имате тука