Македонија
Сегашниот и поранешните премиери на заедничка средба, разликите остануваат
Бранко Црвенковски и Љубчо Георгиевски, во улога на поранешни премиери утре дефинитивно нема да се појават на централната прослава по повод 20 годишнината од независноста на Македонија.
Бранко Црвенковски и Љубчо Георгиевски, во улога на поранешни премиери утре дефинитивно нема да се појават на централната прослава по повод 20 годишнината од независноста на Македонија. Без резултат остана и последниот обид на премиерот Никола Груевски, кој денеска имаше средба со своите претходници, да ја убеди опозицијата да се појави на утрешната прослава. „Премиерот Груевски ја реафирмираше поканата до сите присутни да бидат дел од општонародната прослава за одбележување на стекнувањето на независноста на Република Македонија, потсетувајќи дека ова е прослава на сите граѓани на Македонија, прослава на нашата независност во која удел имаат сите граѓани, како и сите претходни премиери, влади, политичари и општествено активни лица, ова е прослава на Македонците, Албанците, Србите, Турците, Ромите, Власите, Бошњаците и останатите, прослава на нашата заедничка Татковина“, се вели во соопштението од владата за средбата на Груевски со Црвенковски, Геогриевски, Владо Бучковски и Хари Костов. „Тој упати уште еднаш апел и до СДСМ и до другите опозициони партии, но мислам дека во голема мера задоцни, бидејќи ако беше искрена намерата на владата, на премиерот, на владеачката партија овој празник да се прослави во знакот на обединувањето, тогаш ќе се направеше и такво сценарио, со таква содржина, околу точки што не обединуваат и што градат заедништво, а не околу точки и настани што во изминатиот период го поделија народот и се плашам дека ќе продолжат да го делат во наредниот период“, рече Црвенковски. „Утрешната прослава тешко можам да ја доведам во корелација со 20-годишнината од независноста на Република Македонија. Утрешната прослава ја доживувам како еден триумф на насилната, државно-оркестрираната антиквизација на Република Македонија, што се гледа преку Триумфалната Капија и споменикот на Александар Македонски. За мене тоа не е ништо друго освен една негација на она единственото што го имаме, а тоа е традицијата на св. Климент и Наум, на св. Кирил и Методиј која е јасно определена, на која јасно сме се заколнале и одеднаш таа станува нешто периферно, нешто маргинално“, вели Георгиевски.Своето незадоволство од ваквиот исход не го криеше и екс-премиерот Бучковски, кој смета дека разликите можеле лесно да се надминат и да се демонстрира единство на утрешната прослава.„Жалам што оваа средба не беше неколку недели или неколку месеци порано. Ако се случеше, убеден сум дека ќе имаше заедничко чествување што е утре. Според она што го слушав, разликите не се такви што не можеше да се надминат ако имаше постојан и отворен дијалог меѓу власта и опозицијата и меѓу Груевски и Црвенковски. Сметам дека СДСМ мораше да изнајде начин да присуствува на централната прослава, а своето негодување да го соопшти потоа и на соодветен начин. Ова мене, едноставно, не ми се допаѓа“, рече Бучковски.Средбата на Груевски со своите претходници беше од протоколарен карактер, одржана во чест на јубилејот. На неа, како што соопштија од владата биле разменети мислења околу актуелната ситуација во земјата, а се разговарало и за историските моменти што довеле до прогласувањето на независноста во 1991 година. /крај/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Мицкоски: Постојниот простор на СВР Охрид ќе се стави во функција на градот, надземно ќе биде убав парк, а подземно катна гаража
„Денеска на покана на министерот и градоначалникот сум во Охрид, да дадам и јас лично поддршка на проектот кој тие двајца го најавија дека тоа ќе биде еден од приоритетите на идната влада на ВМРО-ДПМНЕ и Коалицијата Твоја Македонија. Станува збор за простор на СВР Охрид кој ќе се стави во функција на општина Охрид или ќе биде надземно убав парк, а подземно катна гаража“, кажа лидерот на ВМРО-ДПМНЕ, Христијан Мицкоски.
„Ценам дека треба да се слушаат потребите на граѓаните, треба да се слушаат потребите на тие кои се избрани од граѓаните.
Ценам дека на овој начин ќе се овозможи еден поголем комфор во рамките на градското централно подрачје во Охрид во оној дел каде што е туристичка зона и ценам дека како држава треба да поддржуваме проекти кои ќе значат додадена вредност за средините во кои се прават. Еден од тие проекти е овој овдека.
Така што уште еднаш од мене голема благодарност и до министерот и до градоначалникот на поканата. Очекувам вакви и слични проекти и во иднина во други области во Македонија“, изјави Мицкоски.
Сервисни информации
Сообраќајот на патот Прилеп-Македонски Брод, се одвива наизменично по една коловозна лента
Во 14:58 часот сообраќајот на регионалниот пат Прилеп-Мак.Брод, сообраќајот се одвива наименично по една коловозна лента.
АМСМ информира дека сообраќајот на државните патишта се одвива непречено, по наместа влажни коловози.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Апел за помош за малиот Војдан
„Почитувани, ви се обраќам како очајна мајка на Војдан, кој е дете со церебрална парализа. Војдан е предвремено родено дете, кој е борец уште од првата секунда од неговиот живот. 71 ден ги помина во инкубатор, на респиратор, со мал милион дијагнози и прогнози, но тој се избори и си дојде дома.
Кога мислевме дека нема крај на нашата среќа. Господ повторно ни го зададе најголемиот удар, на Војдан му дијагностицираа Церебрална парализа. 8 месеци ги поминавме по болничките лавиринти во нашата држава, со што немаше значителен напредок. Од негови 11 месеци, одиме на рехабилитација во Загреб. Одиме секој месец и остануваме таму по една недела. Војдан има сериозен напредок во неговата битка, која продолжува и од кога ќе се вратиме дома. Секојдневно има физикална терапија, со што јас како родител сум обучена да работам со него, дефектолошки и логопетски третман одиме на приватно. Фондот за здравство не ни го признава лекувањето на Војдан, па цели овие години одиме со помош на нашиот хуман народ. Како мајка на која единствена желба и е здравјето на нејзиното дете, уште еднаш и до бескрај ги молам сите хумани граѓани кој се во можност да ни помогнат за Војдан да излезе како победник во битката“.
Информации околу кампањата за собирање на донации имате тука