Утре и задутре (12-ти и 13-ти септември) се предвидува топлотен бран од жолта, односно алертна фаза кој ќе ја зафати територијата на целата земја, најавува метео-алармот на Управата за хидрометеоролошки работи.

Утре и задутре (12-ти и 13-ти септември) се предвидува топлотен бран од жолта, односно алертна фаза кој ќе ја зафати територијата на целата земја, најавува метео-алармот на Управата за хидрометеоролошки работи.Според прогнозата на Хидрометеоролошкиот завод во понедeлник (12.09) утринските температури ќе се движат од 10 до 19 степени, додека дневните ќе достигнат до 35 степени Целзиусови, додека во вторник (13.09) утринските температури ќе се движат меѓу 11 и 19 а пладневните од 26 до 33 степени. Прогнозата на УХМР предвидува дека утре и задутре во попладневните часови се очекува нестабилно време со локален дожд и грмежи, а благо намалување на температурите се прогнозира за во среда (13.09) за кога се предвидуваат максимални температури од 32 степени Целзиусови и сончево време со мала облачност.Според овие најави, Министерството за здравство информира дека согласно Акциониот план, здравствените институции во државата се кадровски екипирани и опремени со потребната терапија за да се справат со евентуалниот зголемен број  пациенти поради високите температури.Од министерството соопштија и дека остануваат на сила препораките за намалување на ризиците врз здравјето од  дејството на топлотниот бран. Како општи препораки до населението за заштита од екстремно високите температури, се препорачува – во текот на ваквите екстремно топли денови, граѓаните да останат повеќе во затворени простории (пред сé, климатизирани), а при неопходен престој на отворен простор во овој период, да се најде можност за почести одмори под сенка;- Да се носи светла и лесна облека, а при директна изложеност на сонце носење заштитни очила за сончева светлина и капа, при што се препорачува покривките за главата ада бидат во светли бои бидејќи тие ја рефлектираат светлината, а при сончање да се користи крема со висок заштитен фактор;-  Да се внесува помало количество храна, претежно овошје и зеленчук, а да се избегнува масната храна;-  Да се внесуваат големи количества течности, при што се препорачува најмногу обичната вода за пиење, а да се избегнуваат алкохолните пијалаци;-  При влегување во возило, потребно е тоа одреден период да се проветри;.- На хроничните болни лица им се препорачува редовно да ја земаат препишаната терапија, во консултација со матичните лекари.Поради високите температури и зголемената можност за појава на труењата со храна и цревни заразни заболувања, се препорачува и задолжително миење на земјоделските – градинарски производи (свеж зеленчук и овошје); термичка подготовка на храната и нејзино консумирање во многу кус рок по подготовката. (Ако тоа не се направи, така подготвената храна да се стави во фрижидер на + 8 степени, а пред употребата истата да се загрее на + 100 степени); да се избегнуваат производи кои термички не се обработени, како што се мајонези направени од домашни јајца, а внимателно да се конзумира сладолед и разни кремови./крај/со/мф