Македонија
Мерки против лажните азиланти, опозицијата бара подобри услови за живот
Власта и опозицијата со различни ставови околу предлогот на владата за измена на законот за патни исправи, чија цел е спречување на бранот азиланти од Македонија, што се појави по визната либерализација.
Власта и опозицијата со различни ставови околу предлогот на владата за измена на законот за патни исправи, чија цел е спречување на бранот азиланти од Македонија, што се појави по визната либерализација.
На денешната седница на собраниската Комисија за политички систем и односи меѓу заедниците, опозицијата се спротистави на решението присилното враќање на наш државјанин од странска држава да се додаде како основа за одземање на патната исправа. Според нив, предлогот е неодреден и побараа владата да достави нов предлог со кој точно ќе се наведе на кои лица се однесува мерката.
“Наместо да ги штитиме граѓаните, а патната исправа е документ кој што еден граѓанин на Република Македонија ќе го штити секаде каде и да се наоѓа во странство, ние всушност оправдуваме секаква одлука на било која влада и одбивањето што граѓанинот ќе го добие од некоја европска држава, ние по автоматизам повторно ќе го осудиме и ќе му ја одземеме патната исправа. Тоа е нелогично“, рече Зијадин Села од ДПА.
„Со репресија не можеме да ја постигнеме целта која што сакаме да ја постигнеме. Мора да имаме програми, особено од областа на трудот и социјалата која што ќе ја намалат оваа бројка на напуштање на наши граѓани и барање корка леб во странство“, рече Цветанка Иванова од СДСМ.
За власта и за предлагачот на измените, оваа санкција ќе се однесува за лицата што сакаат да ја злоупотребат визната либерализација и неосновано бараат азил во земјите од Европската Унија. Според, ова нема да ги спречи граѓаните со регулиран престој во странска држава непречено да ја влегуваат и излегуваат од земјата.
„Сето ова се прави со цел спречување илегално мигрирање и мерката е наменета против сите оние кои всушност ја злоупотребуваат визната либерализација“, рече Џељал Бајрами, заменик-министер за внатрешни работи.
„Оваа санкција ќе се примени за лицето кое е присилно вратено или протерано од друга држава поради постапување спротивно од прописите за влез и престој во таа држава. Значи секое лице кое што ќе ги повреди прописите на државата во ЕУ и заради тоа ќе биде протерано или вратено присилно, на тоа лице ќе му биде одземено патната исправа. На никое друго“, рече Илија Китановски од ВМРО-ДПМНЕ.
Измените на законот, за кои се расправа во собраниските комисии, следуваат по бранот азиланти што во неколку наврати се појави по укинувањето на шенген-визите за македонските граѓани во декември 2009-та година. /крај/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Властите во Бугарија продолжија да негираат регистрација на етничко-македонски активистички групи“, се наведува во извештајот на Стејт департментот
Министерот за правда ги затвори бугарските културни клубови „Цар Борис Трети“ и „Иван (Ванчо) Михајлов“, повикувајќи се на законот од 2022 година, со кој се бара од организациите именувани по поддржувачи или соработници на фашизмот да ги променат своите имиња, се наведува во извештајот на Стејт департментот.
„Во февруари, по препорака на Комисијата за антидискриминација, обвинителството во Битола отвори прелиминарна истрага за клубот „Иван (Ванчо) Михајлов“ поради говор на омраза. Претседателот на клубот беше обвинет за поттикнување етничка и расна омраза и нетолеранција и ширење расизам и ксенофобија. Две лица се обвинети за нанесување тешки телесни повреди на Христијан Пендиков, кој се саморегистрирал како Бугарин, по национална и етничка основа на омраза“, се вели во извештајот.
Во однос на слобода на здружување во Бугарија, во извештајот се наведува дека Законот предвидува право на слобода на здружување и владата генерално го почитувала.
„Властите продолжија да негираат регистрација на етничко-македонски активистички групи како што се Обединета македонска организација-Илинден, Друштвото на угнетените Македонци во Бугарија-жртви на комунистичкиот терор, Здружението за заштита на основните индивидуални човекови права 2023 година и Македонскиот културен клуб „Никола Вапцаров“ и покрај бројните претходни одлуки на Европскиот суд за човекови права дека негирањето ја нарушува слободата на здружување на групите.
Во февруари, Окружниот суд во Пловдив ја потврди одлуката на Агенцијата за регистрација со која се одбива регистрацијата на Обединетата македонска организација Илинден-Пловдив со образложение дека целите на групата, вклучително и официјалното признавање на македонското етничко малцинство, биле насочени кон поделба на нацијата и ќе создадат услови за етнички конфликт. Во мај, Апелацискиот суд во Пловдив ја потврди одлуката на понискиот суд“, нотира извештајот.
Македонија
Недоверба кон судството, насилства кон ЛГБТ-и заедницата и поткопана слобода на изразување, забележа Стејт департментот во извештајот за човекови права во Македонија
Сериозна владина корупција, сериозни ограничувања на слободата на изразување и слободата на медиумите, насилство и закани за насилство насочени кон ЛГБТ-и заедницата се само дел од забелешките во извештајот на Стејт департментот за состојбата со човековите права во Северна Македонија во 2023 година.
Извештајот меѓудругото нотира значителни „одложувања во судењата кои вклучуваат сериозна корупција, при што само неколку беа завршени до септември, вклучително и оние против поранешни владини функционери. Уставот предвидува независно судство, но владата не секогаш ја почитувала судската независност и непристрасност, вели извештајот.
„Веродостојните извештаи за неоправдано судско несоодветно однесување, непотребен политички и деловен притисок врз судиите, непотизам, клиентелизам, долготрајна правда, несоодветно финансирање, отпор кон користење на законски задолжителна технологија и недоволен кадар, ја попречија судската ефикасност и влијаеше на довербата на јавноста во владеењето на правото“.
Анкетите покажале силна недоверба на јавноста кон судството.
„Унапредување под политичко влијание без заслуга или транспарентност се случи во судството и обвинителството. Во јануари, Судскиот совет утврди дека двајца судии на Апелациониот суд во Скопје свесно ги одложиле одлуките за да ги истуркаат обвинетите да го поминат рокот на застареност. На 26 април, Судскиот совет го разреши својот претседател, потег што критичарите тврдеа дека укажува на политичко мешање. Двајца членови поднесоа оставки од Судскиот совет како одговор, а неколку истакнати граѓански организации побараа целосна оставка на Советот“.
Слободата на изразување била поткопана од неефикасноста на правосудниот систем, недостатокот на транспарентност во однос на медиумското рекламирање од страна на државните институции, несоодветното однесување во име на јавните службеници во нивната интеракција со новинарите, притисокот врз новинарите кои истражуваат корупција, дезинформациите, говорот на омраза во онлајн и социјалните медиуми, и самоцензура.
Македонија
Одрони на неколку патни правци
ЦУК извести дека преку единствениот број за Итни повици Е-112 добиена е дојава за одрон на патот кај Калиманци, на регионалниот пат Македонска Каменица-Виница, 5 километри пред влезот на Македонска Каменица.
За настанатата состојба известени се ЈП за оддржување на регионалните и магистралните патни правец и екипите се излезени на терен за да го саниррат одронот, додаваат од ЦУК.
Исто така добиена е дојава за одрон на патен правец село Удово-Демир Капија.
„Точната локација е 2-3 километри после село Удово во правец спрема Демир Капија. За настанатата состојба известени се ЈП за оддржување на регионалните и магистралните патни правец и екипите се излезени на терен за да го санираат одронот“, соопшти ЦУК.