Македонија
Самарџиски: Ќе жалиме, ама само вечерва, од утре вртиме нов лист и одиме на бронза!
На полувреме сфативме дека можеме да играме со нив, ама тука ја направивме грешката – се отворивме премногу, ним тоа им одговараше и затоа ни побегнаа, вели кошаркарот на литвански Летувос Ритас
Македонскиот центар Предраг Самарџиски по мечот беше тажен, но и горд со тоа што го направија во полуфиналниот меч против Шпанија.
„Се надевам дека со овој меч навивачите ги направивме уште погорди. Ветувам дека истото ќе го направиме и на мечот за третото место. Сега ќе жалиме, ама само до вечерва, од утре вртиме нов лист и одиме на бронза“ – вели Предраг Самарџиски, кој постигна 12 поени.
Кошаркарот на литвански Летувос Ритас се осврна и на неверојатната игра на Хуан Карлос Наваро, кој постигна 35 поени.
„Тој Наваро уште со нога да шутнеше, ќе погодеше. Неверојатно е тоа што го направи тој. Но и ние направивме грешки, ама кога сакаш да ја победиш Шпанија, тоа се случува. На полувреме сфативме дека можеме да играме со нив, ама тука ја направивме грешката – се отворивме премногу, ним тоа им одговарше и затоа ни побегнаа. Потоа немавме сили да бркаме резултат – рече Пеџа, кој дополни дека Шпанците имаа и мала заштита од судиите. „Не сакам да им ја омаловажам победата, ама неколку пати на Бо не му свирнаа фаул кога поентираше и не добиваше дополнително слободно фрлање. Тоа се битни поени, кои не ни дадоа да ги имаме. Шпанците имаат голем углед и си го користат тоа – вели Самарџиски.
Селекторот Марин Докузовски изјави дека одбраната била послаба отколку на минатите натпревари.
„ Тоа се должи на заморот во нашите редови, на нивните офанзивни скокови и, на крајот на краиштата, на целиот нивен квалитет. Сакавме да играме кошарка, го знаевме противникот кој е и знаевме дека ќе биде премногу тешко да успееме да ги изненадиме. Се обидовме да им дадеме достоен отпор и се надевам дека не ги разочаравме навивачите – рече македонскиот селектор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Предизборен молк пред утрешните претседателски избори, денеска гласа дијаспората, болните и затворениците
Започна предизборниот молк пред утрешните претседателски избори. Молкот завршува на 24 април во 19 часот, кога се затвораат избирачките места.
Денеска ќе гласаат избирачите запишани во посебниот извод од избирачкиот список, односно дијаспората, затворениците, лицата во старските домови, болните и изнемоштени и внатрешно раселените лица.
Гласањето за претседател започна во саботата, први гласаа членовите на избирачките одбори кои отпатуваа да го спроведат гласањето во дијаспората.
Во посебниот извод од избирачкиот список се запишани 191 избирачи кои треба да го спроведат гласањето во дијаспората.
Во дипломатските претставништва и конзуларни канцеларии треба да гласаат наши граѓани кои живеат во странство а кои се пријавиле за гласање.
Право на глас имаат 1.814.317 гласачи запишани во единствениот избирачки список. Избирачките места се отвораат во 7 часот, а гласањето трае до 19 часот. Се гласа на 3480 избирачки места во целата земја.
Скопје
Петровец, Сарај, Карпош, Кисела Вода и Центар денеска без струја
Регионалниот центар за управување со кризи на Град Скопје, по добиеното известување од ЕВН, информира дека поради технички зафати во електродистрибутивната мрежа, без електрична енергија ќе останат делови од општините Петровец, Сарај, Карпош, Кисела Вода и Центар.
· од 8.30 до 14.30 часот корисниците од селата Кожле и Бадар, како и тунелот кај Катланово на автопатот Велес – Скопје (општина Петровец);
· од 9 до 11 часот корисниците од село Кондово (општина Сарај);
· од 9 до 11 часот корисниците од делови од улиците Вич и Разловечко востание (општина Карпош);
· од 9 до 12 часот корисниците од делови од улиците Иван Козаров и Тоне Томшиќ. (општина Кисела Вода);
· од 9 до 15 часот корисниците од дел од улицата Максим Горки, односно објектите во околината на Домот на градежниците (општина Центар);
· од 11 до 13 часот корисниците од дел од улицата Орце Николов, поточно објектите во околината на куќните броеви 155 и 156 (општина Карпош)
Македонија
Време денес повремено со пороен дожд и грмежи, температурата ќе достигне 14 степени
Вренето денес ќе биде претежно облачно со повремени врнежи од дожд, наместа пообилни (и над 20 л/м²) и поројни, проследени со грмежи особено во западните и јужните делови од земјата. Ќе дува слаб до умерен, а долж Повардарието и во источните делови повремено засилен ветер од југоисточен правец. Минималната температура ќе биде во интервал од 4 до 10, а максималната ќе достигне од 11 до 17 степен.
Во Скопје облачно со повремени врнежи од дожд повремено пороен и проследен со грмежи. Ќе дува слаб до умерен јужен ветер. Минималната температура ќе се спушти до 6, а максималната ќе достигне до 14 степени, јавува УХМР.
Ветерот долж Повардарието ќе продолжи да засилува и во среда. Во среда и четврток ќе има локална појава на повремено пороен дожд и услови за грмежи. Потоа следи период на претежно стабилно и постепено потопло време.