Македонија
Без струја Дебар маало, Шутка. Топаана и Пинтија
Денеска од 9 до 14 часот без струја ќе останат дел од корисниците на ул. „Христо Смирненски“, ул.„Васил Стефановски“, ул.„Роза Луксембург“, дел од ул.„Митрополит Теодосиј Гологанов“, ул.„Диме Аницин“, ул.„Борка Талески“, ул.„9 Мај“
Денеска од 9 до 14 часот без струја ќе останат дел од корисниците на ул. „Христо Смирненски“, ул.„Васил Стефановски“, ул.„Роза Луксембург“, дел од ул.„Митрополит Теодосиј Гологанов“, ул.„Диме Аницин“, ул.„Борка Талески“, ул.„9 Мај“, a во периодот од 9 до 17 часот, без напојување со електрична енергија ќе останат дел од корисниците на ул.„Васил Стефановски“, ул.„Петар Поп Арсов“, дел од ул.„Митрополит Теодосиј Гологанов“, ул.„Костурски Херои“ во реон Дебар Маалo.
Како што известија од Регионалниот Центар за управување со кризи на Град Скопје, овој прекин на снабдувањето со електрична енергија е поради продолжувањето на изведување одредени технички инвестициони зафати во дистрибутивната електроенергетска мрежа од страна на ЕVN Македонија АД.
Денеска, исто така, од 8 до 14 часот без струја ќе бидат жителите на улиците ул.„Шуто Оризари“, ул.„Карбуница“, ул.„Клисурска“, ул.“Брегалничка“, ул.„Рељо Шесто Крило“, дел од ул.„Виетнамска“, ул.„Диме Мечето“, а од 9 до 16 часот без напојување со електрична енергија ќе останат потрошувачите на дел од ул.„Гвадалахара“, дел од ул.„Франц Розентал“, дел од ул.„Селечка Планина“, ул.„Кипарска“, дел од ул.„Карбуница“, дел од ул.„Клисурска“, дел од ул.„Рељо Шесто Крило“, ул.„Патрис Лумумба“, дел од ул.„Брсјачка буна“ во населба Шуто Оризари.
Во среда во периодот од 9 до 15 часот, без струја ќе останат потрошувачите на ул.„Саса“, кои гравитираат кон црквата во населба Пинтија, а од 8 часот до 16 часот, без напојување со електрична енергија ќе останат дел од корисниците во нас. Топаана.
Овие прекини на напојувањето со електрична енергија се заради реализација на инвестиционите зафати за подобрување на квалитетот во снабдување со електрична енергија на корисниците во реонот, велат од РЦУК Скопје./крај/со/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Ванковска: Преспанскиот и Бугарскиот договор се колонизаторски договори
Професорката Билјана Ванковска и претседателски кандидат на Левица во Фејсбук статус истакнува дека има разочарани млади луѓе кои мислат дека кога политичарите говорат за прашањата за Преспа и другите договори, тоа е само губење време и одвлекување на вниманието од реалните проблеми на земјата, сиромаштијата, невработеноста, корупцијата и сл..
„Точно е! Мнозинството граѓани едвај врзуваат крај со крај, очајни се од непостоење здравствен или образовен систем, сакаат развој а не вртење кон минатото.
Она што овие млади (а инаку умни) луѓе уште не го научиле е дека геополитиката (која ни ја наметнаа) е тесно поврзана со геоекономијата. Би очекувала својот критички ум да го свртат кон, на пример, поврзаноста на нашата колонијална положба со Преспа и Митилинеос. Или дури и со Бехтел и Енка… и уште многу ситни и не толку ситни зделки на македонските компрадорски елити кои нѐ продадоа како на сточен пазар, ни ги одзедоа и идентитетот и достоинството, ама и ги наполнија своите џебови врз база на бајките за ЕУ интеграција со смена на името и уставот.
It’s all about geopolitics, stupid!“, пишува Ванковска.
Според неа, Преспа и Бугарскиот договор не се само национални, идентитетски прашања, туку и класни и социоекономски. Ние, додава таа, сме во класично ропство, а принудени да аплаудираме на колонизаторите кои не се тука за наше добро, туку за свои интереси.
Македонија
ВМРО-ДПМНЕ: Идната наша влада ќе изгради нов објект за Клиничкиот центар во Скопје и ќе ја доизгради Клиничката болница во Штип
Идната влада на ВМРО-ДПМНЕ ќе изгради нов објект за Клиничкиот центар во Скопје и ќе ја доизгради Клиничката болница во Штип, велат од ВМРО-ДПМНЕ.
„Главен фокус на идната влада во здравството ќе биде укинување на дуализмот. Ќе се спроведе спојување на клиниките во еден интегриран Универзитетски Клинички центар „Мајка Тереза“. Интегриран Клинички центар во Скопје ќе значи подобри услуги за пациентите и намалување на трошоците при јавните набавки, кои ќе бидат вршени централизирано. Владата предводена од ВМРО-ДПМНЕ ќе го заокружи целиот процес со Клиничкиот центар во Скопје со изградба на нов објект“, дополнуваат од ВМРО-ДПМНЕ.
Како што велат, истовремено владата ќе биде силно фокусирана и на довршување со градбата на Клиничката болница во Штип.
„По изградбата на Клиничката болница истата ќе биде опремена со најсовремена опрема и истата ќе се доекипира со соодветен медицински кадар. Владата на ВМРО-ДПМНЕ ќе го има здравјето на граѓаните на прво место, затоа континуирано ќе вложуваме во здравството. Време е да ја вратиме државата на народот“, завршуваат од ВМРО-ДПМНЕ.
Македонија
Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат, Асаф Еисин, велат од ВМРО-ДПМНЕ
Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат, Асаф Еисин, кои е вклучен во кампањата на Стево Пендаровски и СДС, велат од ВМРО-ДПМНЕ.
„Како и секогаш Пендаровски, Ковачевски и СДС кога се фатени во скандал или криминал се служат само со навреди, лаги и манипулации наместо да дадат конкретни одговори на релевантни прашања поврзани со скандалот. Повеќе од десетина дена, откако признаа дека се среќавале со контроверзниот израелски консултат Еисин, нема одговор како тој е ангажиран во нивната кампања, како го исплаќаат и дали тој е ангажиран за црна кампања, кампања на поделби и етикетирања. Јавноста заслужува одговори како овој балкански мешетар СДС и Ковачевски го исплаќаат, бидејќи во ниту еден извештај за финансиско работење неговиот ангажман не е заведен, и дали истиот е плаќан со црни пари, кеш на рака, од криминалните тендери на власта, пари украдени од граѓаните“, дополнуваат од ВМРО-ДПМНЕ.
Како што посочуваат, од СДС треба да одговорат, дали покрај ангажирањето на Еисин, во Македонија се дојдени и две други лица, кои се локална поддршка на консултантот на Еисин, кои се сместени во центарот на Скопје во еден хотел и веќе активно работат на црната кампања на СДС за претстоините избори.
„Ги повикуваме надлежните институции веднаш да се одважат и да се ангажираат за расчистување на овој скандал, да го откријат финансирањето на консултантот и вклучувањето на странски државјани во кампањата за изборите. Време е за промени. Следува одговорност за секој сторен криминал, за секој скандал и за секое крадење на народни пари“, завршуваат од ВМРО-ДПМНЕ.