Македонија
Лекарите нема да бидат службеници
Уставниот суд на денешната седница ја поништи одредбата на Законот за јавни службеници, која предвидуваше здравствените работници да бидат јавни службеници и за нив да важат истите права и обврски
Уставниот суд на денешната седница ја поништи одредбата на Законот за јавни службеници, која предвидуваше здравствените работници да бидат јавни службеници и за нив да важат истите права и обврски, како и за службениците.
Како што соопштуваат од Уставниот суд, оваа одредба била поништена бидејќи според Законот за здравствена заштита, здравствената дејност се дефинира како дејност од посебен општествен интерес, за разлика од дејноста на службениците која се дефинира како јавен интерес.
„Здравствената дејност е посветена на здравјето на граѓаните, а другите дејности се посветени на државата. Здравството не е дејност која се врши во име на државата, туку дејност од посебен општествен интерес, во функција на здравјето на граѓаните“, велат од Уставниот суд.
Иницијативата била поднесен од Самостојниот синдикат на клинички центри. Синдикатот реагираше уште пред неколку месци, бидејќи оваа одредба се косела со Законот за здравствена заштита.
Уставниот суд поведе постапка и за одредба од Законот за здравствено осигурување, која предвидува припадниците на монаштво и сестринство да се изземат од задолжителното здравствено осигурување.
Причината за поведувањето на постапката е тоа што со неа се создавала нееднаквост граѓаните по основ на верското уверување.
„Со оваа одредба се доведува во прашање и уставното право и должност на граѓаните да го чуваат сопственото здравје и здравјето на другите, уставната определба дека Македонија е социјална држава како и темелната вредност на владеење на правото. Во изминатите десет години овие граѓани имале право на задолжително здравствено осигурување“, велат од Уставен. /крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Тошковски: Мислам дека изборниот ден ќе помине во најдобар ред
Техничкиот министер за внатрешни работи Панче Тошковски изјави дека досега нема никакви нарушувања на гласањето а МВР веќе ги има распоредено сите полициски службеници ширум државата кои треба да се грижат за спроведување на фер и демократски процес.
„Немаме забележано никакви посериозни нарушувања на изборниот процес. Денот е убав, се надевам дека граѓаните ќе можат да го остварат своето гласачко право, на едни демократски избори. Покриени се сите сектори за внатрешни работи со технички услови. Се постапува според утврдените насоки од изборниот штаб“, додаде Тошковски.
Тошковски смета дека изборниот ден ќе помине во најдобар ред.
На претседателските избори учествуваат седум кандидати – пет мажи и две жени.
Кандидати се актуелниот претседател Стево Пендаровски кој е поддржан од СДСМ и коалицијата, Гордана Силјановска Давкова од ВМРО-ДПМНЕ, Билјана Ванковска која е поддржана од Левица, Максим Димитриевски од движењето Знам, Стевчо Јакимовски од партијата Гром, Арбен Таравари од коалицијата Вреди и Бујар Османи кој е поддржан од Европскиот фронт.
Во Северна Македонија се одржуваат седмите претседателски избори.
Македонија
Македонија денеска избира претседател: седум имиња се на гласачкото ливче
Во Северна Македонија се одржуваат седмите претседателски избори.
Евентуалниот втор круг од претседателските избори е закажан за 8 мај, за кога се закажани парламентарните избори.
На претседателските избори учествуваат седум кандидати – пет мажи и две жени.
Кандидати се актуелниот претседател Стево Пендаровски кој е поддржан од СДСМ и коалицијата, Гордана Силјановска Давкова од ВМРО-ДПМНЕ, Билјана Ванковска која е поддржана од Левица, Максим Димитриевски од движењето Знам, Стевчо Јакимовски од партијата Гром, Арбен Таравари од коалицијата Вреди и Бујар Османи кој е поддржан од Европскиот фронт.
Владата го прогласи денот на изборите за неработен.
Во избирачкиот список за претседателските избори се запишани 1.814.317 избирачи, а во странство ќе гласаат 2.569 гласачи со државјанство на Северна Македонија.
Во посебен избирачки список запишани се 2.147 лица кои издржуваат затворска казна или притвор.
Скопје
ЈСП: Јавниот превоз по неделен возен ред, жичницата на Водно нема да работи
Јавното сообраќајно претпријатие Скопје соопшти дека јавниот превоз ќе функционира по неделен возен ред, а жичницата на Водно нема да работи.
Како што се појаснува во соопштението, дежурни од седум до 14 часот ќе бидат билетарниците на Транспортен центар и таа во Ѓорче Петров.