Македонија
Италија финансираше изградба на кампинг простор во околината на Маврово
Свечено отворање на сместувачкиот капацитет / кампинг простор именуван како Куќата на Паркот во селото Трница, општина Маврово-Ростуше, ќе се одржи денеска.
Свечено отворање на сместувачкиот капацитет / кампинг простор именуван како Куќата на Паркот во селото Трница, општина Маврово-Ростуше, ќе се одржи денеска.Изградбата на овој сместувачки капацитет е во рамките на проектот “Заштита на животната средина, економски развој и промоција на одржлив еко туризам во НП Маврово” финансиран од Министерството за надворешни работи на Италија и имплементиран од италијанските невладини организации Оксфам Италија и ГВЦ.Отворањето на овој објект е дел од поголем проект, реализиран во партнерство со Национален парк Маврово, општина Маврово Ростуше и Министерството за животна средина на РМ, за подобрување на условите за живот на жителите од територијата на НП Маврово и на Општина Маврово Ростуше преку акции што предвидуваат поддршка на процесите на планирање и децентрализација кои се во тек, промоција на активности на еко туризам, едукација на тема животна средина, валоризација и партиципативно управување со природните ресурси и интегрирано управување со отпадот. Со реконструкцијата на објектот и на опкружувањето на Куќата на Паркот, Оксфам Италија и Управата на Национален парк и Општината Маврово Ростуше сакаат да го подобрат квалитетот на автентичната туристичка понуда. Со директното менаџирање од страна на Паркот, Куќата на Паркот има намера да стане сместувачки капацитет од хотелски карактер bed & breakfast со ставањето на располагање на поголема површина во функција на кампинг простор наменет за поставување на шатори. Овој сместувачки комплекс нема во никој случај да претставува туризам одвоен од територијата, туку напротив, ќе се интегрира со територијата и ќе ја претставува истата; покрај тоа ќе претставува и почетна точка за посети и екскурзии со автомобил или пешки, поаѓајќи од патеки кои имаат потекло токму од овој локалитет. Сместувачкиот објект се состои од 5 соби, 2 на приземјето и 3 на првиот кат, во функција на хотел и поткровје во функција на сала за состаноци и работилници. Исто така, големата површина на дворно место со повеќе од 5.000 m2 дава можност за рекреација и кампување со шатори. Салата за состаноци Паркот ќе ја користи за организирање на работилници на научни теми и теми од областа на животната средина но и за средби со локалното население на посебни тематики. Во текот на реконструкцијата се водеше сметка за искористување на постоечките материјали и автентичнииот начин на градба. Каменот, примарен елемент на изградбата, беше задржан и валоризиран и е оставен да се гледа без да се малтерисува.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Властите во Бугарија продолжија да негираат регистрација на етничко-македонски активистички групи“, се наведува во извештајот на Стејт департментот
Министерот за правда ги затвори бугарските културни клубови „Цар Борис Трети“ и „Иван (Ванчо) Михајлов“, повикувајќи се на законот од 2022 година, со кој се бара од организациите именувани по поддржувачи или соработници на фашизмот да ги променат своите имиња, се наведува во извештајот на Стејт департментот.
„Во февруари, по препорака на Комисијата за антидискриминација, обвинителството во Битола отвори прелиминарна истрага за клубот „Иван (Ванчо) Михајлов“ поради говор на омраза. Претседателот на клубот беше обвинет за поттикнување етничка и расна омраза и нетолеранција и ширење расизам и ксенофобија. Две лица се обвинети за нанесување тешки телесни повреди на Христијан Пендиков, кој се саморегистрирал како Бугарин, по национална и етничка основа на омраза“, се вели во извештајот.
Во однос на слобода на здружување во Бугарија, во извештајот се наведува дека Законот предвидува право на слобода на здружување и владата генерално го почитувала.
„Властите продолжија да негираат регистрација на етничко-македонски активистички групи како што се Обединета македонска организација-Илинден, Друштвото на угнетените Македонци во Бугарија-жртви на комунистичкиот терор, Здружението за заштита на основните индивидуални човекови права 2023 година и Македонскиот културен клуб „Никола Вапцаров“ и покрај бројните претходни одлуки на Европскиот суд за човекови права дека негирањето ја нарушува слободата на здружување на групите.
Во февруари, Окружниот суд во Пловдив ја потврди одлуката на Агенцијата за регистрација со која се одбива регистрацијата на Обединетата македонска организација Илинден-Пловдив со образложение дека целите на групата, вклучително и официјалното признавање на македонското етничко малцинство, биле насочени кон поделба на нацијата и ќе создадат услови за етнички конфликт. Во мај, Апелацискиот суд во Пловдив ја потврди одлуката на понискиот суд“, нотира извештајот.
Македонија
Недоверба кон судството, насилства кон ЛГБТ-и заедницата и поткопана слобода на изразување, забележа Стејт департментот во извештајот за човекови права во Македонија
Сериозна владина корупција, сериозни ограничувања на слободата на изразување и слободата на медиумите, насилство и закани за насилство насочени кон ЛГБТ-и заедницата се само дел од забелешките во извештајот на Стејт департментот за состојбата со човековите права во Северна Македонија во 2023 година.
Извештајот меѓудругото нотира значителни „одложувања во судењата кои вклучуваат сериозна корупција, при што само неколку беа завршени до септември, вклучително и оние против поранешни владини функционери. Уставот предвидува независно судство, но владата не секогаш ја почитувала судската независност и непристрасност, вели извештајот.
„Веродостојните извештаи за неоправдано судско несоодветно однесување, непотребен политички и деловен притисок врз судиите, непотизам, клиентелизам, долготрајна правда, несоодветно финансирање, отпор кон користење на законски задолжителна технологија и недоволен кадар, ја попречија судската ефикасност и влијаеше на довербата на јавноста во владеењето на правото“.
Анкетите покажале силна недоверба на јавноста кон судството.
„Унапредување под политичко влијание без заслуга или транспарентност се случи во судството и обвинителството. Во јануари, Судскиот совет утврди дека двајца судии на Апелациониот суд во Скопје свесно ги одложиле одлуките за да ги истуркаат обвинетите да го поминат рокот на застареност. На 26 април, Судскиот совет го разреши својот претседател, потег што критичарите тврдеа дека укажува на политичко мешање. Двајца членови поднесоа оставки од Судскиот совет како одговор, а неколку истакнати граѓански организации побараа целосна оставка на Советот“.
Слободата на изразување била поткопана од неефикасноста на правосудниот систем, недостатокот на транспарентност во однос на медиумското рекламирање од страна на државните институции, несоодветното однесување во име на јавните службеници во нивната интеракција со новинарите, притисокот врз новинарите кои истражуваат корупција, дезинформациите, говорот на омраза во онлајн и социјалните медиуми, и самоцензура.
Македонија
Одрони на неколку патни правци
ЦУК извести дека преку единствениот број за Итни повици Е-112 добиена е дојава за одрон на патот кај Калиманци, на регионалниот пат Македонска Каменица-Виница, 5 километри пред влезот на Македонска Каменица.
За настанатата состојба известени се ЈП за оддржување на регионалните и магистралните патни правец и екипите се излезени на терен за да го саниррат одронот, додаваат од ЦУК.
Исто така добиена е дојава за одрон на патен правец село Удово-Демир Капија.
„Точната локација е 2-3 километри после село Удово во правец спрема Демир Капија. За настанатата состојба известени се ЈП за оддржување на регионалните и магистралните патни правец и екипите се излезени на терен за да го санираат одронот“, соопшти ЦУК.