Македонија
Питачењето причина за одземање деца во Битола
Ако до почетокот на минатиот месец, состојбата во Битола беше дека во последните десет години не постои случај на одземено родителско прво, само 30-ина дена подоцна статистиката е променета, одземени се четири деца од три семејства.
Ако до почетокот на минатиот месец, состојбата во Битола беше дека во последните десет години не постои случај на одземено родителско прво, само 30-ина дена подоцна статистиката е променета, одземени се четири деца од три семејства. Оваа официјална бројка на Министерствотот за труд и социјална политика, од каде што како основна причина за одземањето на родителското право го посочуваат питачењето и во еден -случај – новороденче затекнато во лоша здравствена состојба.Од министерството велат, дека посредништвото во питачење, е голем прекршок сторен од страна на родителите или старателите, бидејќи секое дете без исклучок заслужува топол дом, неограничен пристап до здравствени услуги, вклучување во образовниот процес, заштита на детските права согласно Националната регулатива и Конвенцијата за заштита на правата на децата, во спротивно родителското право им се одзема од страна на државата. Несовесноста на некои родители кои дозволуваат нивните деца да бидат на улица, ги натера локалните власти во Битола, во рамките на акцијата којашто се презема на државно ниво, да се погрижат за овие деца на улица. кои покрај тоа што питачат, се изложени и на други ризици, како на пример, малолетничката деликвенција. Низ земјава во таа насока се отвораат транзитни центри, како оној во Скопје, кои работат 24 часа, кои нудат целодневна грижа за децата од улица со цел сузбивање на оваа појава. Низ земјава се отворени и Дневни центри за деца на улица кои функционираат осум часа, но ефикасноста не е голема, бидејќи по истекот на работното време на Центарот, децата се враќаат на улица поради несовеноста на нивните родители.Според Министерствотот за труд и социјална политика, бројката од 13 деца кои го посетуваа ценатрот во Битола, во последната седмица се зголемела на 15. Кога зборуваме за питачењето и деца на улица станува збор за лицата од ромска националност и социјални случаеви, кои во Битола ги има 1.463.Неколкупати од битолските Роми имаше рекации дека од непознати причини првото на користење на социјална парична помош им е одземено, на што од Министерството за труд и социјална политика посочуваат дека најчестите причини за престанувањето на правото на социјална парична помош се: непријавувањето на остварените приходи од страната на носителот на правото на социјална парична помош, со што правото не може да се оствари во наредните 12 месеци и ненавремено потврдување на статусот од страна на носителот на правото за себе и членовите на неговото семејство, со што правото не може да се оствари во наредните шест месеци.Со истекот на законски предвидената казна и промена на фактичката состојба на семејството лицата може да поднесат барање за остварување на правото на социјална парична помош./крај/ом/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Герасимовски: Конечно Работнички се враќа на шампионските патеки
Градоначалникот на Општина Центар Горан Герасимовски вчера вечер присуствуваше на тренингот на КК Работнички во салата Кале. Со кошаркарите разговараа за издигнувањето на тимот и потребите за достигнување на високи резултати и на следните натпревари.
„Сакам да се заблагодарам пред се и на тренерот на цел стручен тим но и на сите играчи за одличните резултати коишто ги имаме годинава. Успеавме со клубот од невозможно да направиме возможно. Клубот којшто го начекавме пред две години на 10то место со 4-5 неисплатени плати и долг од 600 000 евра да го вратиме на победничките патеки. Важно е што во моментов табелата трепка што сме на прво место и се надевам дека тоа така ќе остане и до крај. Јас верувам дека ќе имаме успех оваа сезона и уште поголем успех следната“, им порача Герасимовски на кошаркарите.
При средбата Герасимовски ги извести играчите дека општина Центар го има имотниот лист на салата и успеа да го исполни ветувањето дека ќе ја врати сопственоста на салата под ингеренции на општината.
Општина Центар на крајот на минатата година доби финансиски средства од Владата во вредност од 30 милиони денари наменети за реконструкција на салата, при што Герасимовски ги информираше играчите со процесот и проект планот кој е веќе во изработка за реновирање на матичната сала на Работнички. Конечно Работнички се враќа на шампионските патеки, ви благодарам за тоа, порача Герасимовски.
Македонија
Петровска: Судот донесе одлука дека Ковачки неправедно ме клеветел
Министерката за одбрана, Славјанка Петровска објави дека судот донел одлука со која се утврува дека пратеникот од ВМРО-ДПМНЕ, Драган Ковачки, неправедно ја клеветел.
„Основниот граѓански суд во Скопје по сите прикажани докази од моја страна донесе одлука со која се утврдува дека тужениот Драган Ковачки искажал невистини и лаги односно неправедно ме клеветел во јавност со цел да ми го наруши угледот и честа во очите на јавноста, Овој е само еден од низата примери на неодговорно, нечесно и валкано однесување на политичката сцена од страна на Ковачки“, пишува Петровска.
Во продолжение таа додава дека не сака пари од нечесник и се откажува од паричниот надомест.
„Секој го прави тоа што најдобро го знае, тие со лагите, јас со труд и одговорна и чесна работа“, додава Петровска.
Македонија
Манолева: По 43 години, болницата во Отешево доби комплетно нов лик, современи услови за третман и медицинска опрема
Заменик министерката за здравство д-р Маја Манолева, вчера беше во посета на ЈЗУ Специјализирана болница за превенција лекување и рехабилитација на хронични респираторни неспецифични и алергиски заболувања ОТЕШЕВО. Оваа јавно-здравствена установа минатата година доби комплетно нов лик со реновиран болнички објект финансиски поддржан од Министерството за локална самоуправа и Владата на Швајцарија во висина од 20 милиони денари.
„Со имплементацијата на овој проект подобрени се болнички услови за третман на пациенти, поставен е нов мебел како донација од Луксембург, а собите се наместени со нов инвентар. Сите амбуланти, лабораторија, дневна соба, ехо кабинет, соба за спирометрија и алерго тестови се позиционирани во реновираниот објект. Како што можевме да видиме од посетата амбулантите веќе функционираат во реновираните простории. Специјализираната болница Отешево нуди современи услови за третман на пациенти и достоинствени услови за работа на здравствените работници“, рече Манолева.
Болницата во Отешево опстојува повеќе од 43 години и ова е прво реновирање кадешто значително се унапредени болничките услови. Во изминатиот период, установата се зајакна и со два апарати за физикална медицина и рехабилитација во склоп на проектот во вредност од 270 илјади денари.