Македонија
Младите на ВМРО-ДПМНЕ за 11-ти Октомври ќе ги чистат спомениците од НОБ
Унијата на млади сили на владејачката ВМРО-ДПМНЕ прославата на празникот 11 Октомври, ќе ја одбележи со уредување на спомениците на Народноослободителната борба
Унијата на млади сили на владејачката ВМРО-ДПМНЕ прославата на празникот 11 Октомври, ќе ја одбележи со уредување на спомениците на Народноослободителната борба, како што кажа нејзиниот претседател Диме Спасов, со организирање на досега најобемна акција „за зачувување на трајните вредности и афирмирање на историско-културното наследство од периодот на НОБ“.Оваа активност на Унијата на млади сили на ВМРО-ДПМНЕ опфаќа чистење и бришење на сите натписи со кои се оштетени спомен обележјата кој се симбол на народно ослободителната борба.„Со оваа досега најобемна акција ќе бидат опфатени над 100 спомен обележја посветени на периодот од НОБ, кои се наоѓаат во 40 различни општини“, рече СпасовСо оваа акција ќе бидат обновени и исчистени споменикот на паднати борци во Градскиот парк во Скопје, споменикот на паднати борци од НОБ во Ѓорче Петров, споменикот на паднатите борци од НОБ кој се наоѓа пред Влада на РМ, споменикот симбол на паднатите борци на НОБ од Куманово, спомениците на Јован Поповиќ, на Алексо Демниевски БАУМАН, Благој Ѓорев, Јовче Ќучук и Споменик Костурница во Велес, споменик Костурница во Струмица, спомен обележјата на Иљо Антески-СМОК, Ѓоце Стојчески и Партизанските Гробишта во Тетово, спомениците на Рампо Лефката, Борка Талески, Мирче Ацев, Кузман, Јосифоски-Питу, Илија Игески-Цветан, Методија Андонов Ченто во Прилеп, споменикот на загинати борци на НОБ во Гевгелија и спомен обележјето на народниот херој Ацо Караманов од Радовиш и многу други.„Ова се само мал дел од над 100-те споменици кои ќе бидат обновени и исчистени низ целата држава. Нашата намера е достојно одбележување на големиот празник, преку подигнување на јавната свест за значењето на историските паметници“, рече Диме Спасов повикувајќи ги сите млади луѓе, сите оние кои го почитуваат историското и културно наследство, да се приклучат на оваа акција.Акцијата на Унијата на младите сили на ВМРО-ДПМНЕ започнува утре (недела) со почеток од 10 часот./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Во Скопје санкционирани 179 возачи
Секторот за внатрешни работи Скопје во текот на вчерашниот ден (19.04.2024) продолжи со контролите во областа на сообраќајот.
На територија на град Скопје изречени се вкупно 179 мерки, меѓу кои за возење повеќе од дозволената брзина 51 санкција, 11 мерки за возење без возачка дозвола, осум санкии за поминување на затворен сигнал – црвено светло, седум мерки за управување под дејство на алкохол…
Сообраќајните контроли продолжуваат и во наредните денови.
Македонија
Посебен сообраќаен режим викендов во Скопје поради предизборни митинзи
Поради предизборни митинзи за претседателските избори викендов во централното градско подрачје ќе биде воведен посебен сообраќаен режим.
Како што информира Министерството за внатрешни работи од денеска од 19 часот до утре до 21 часот на улицата „Св. Кирил и Методиј“ ќе биде воведен посебен сообраќаен режим поради одржување на митинг што ќе се одржи утре во 13 часот пред седиштето на Европската унија. За сообраќај ќе биде затворена ул.„Св.Кирил и Методиј“ на потегот од крстосницата со бул.„Кочо Рацин“ до крстосницата со бул.„Св. Климент Охридски“.
Утре во 20 часот на плоштадот „Македонија“, пак, ќе се одржи митинг од изборната кампања за претседателските избори поради што Единицата за безбедност на патниот сообраќај при СВР Скопје ќе преземе мерки за посебен режим на сообраќај во централното градско подрачје, а сообраќајот времено ќе се запира на сообраќајниците по кои ќе се движат учесниците на настанот.
Од МВР апелираат до граѓаните да ги почитуваат наредбите на полициските службеници.
Македонија
Во вторник предизборен молк, до тогаш продолжува презентацијата на изборните програми
Во рамки на кампањата за парламентарните избори, која почна во четвртокот, и денеска кандидатите за пратеници во шесте изборни единици ќе ги претстават своите платформи пред граѓаните во повеќе делови од државата. Во исто време продолжува и кампањата за претседателските избори, чиј прв круг ќе се одржи в среда, на 24 април, додека вториот круг треба да се одржи заедно со парламентарните избори на 8 мај.
Кандидатот за претседател поддржан од коалицијата на СДСМ Стево Пендаровски во рамки на изборниот караван денеска ќе ги посети жителите на Ново Село, Босилово, Василево, а митинзи ќе одржи во Радовиш и во Струмица.
Кандидатката за претседател на државата поддржана од ВМРО-ДПМНЕ, Гордана Силјановска-Давкова ќе ја презентира програмата пред граѓаните во Македонска Каменица, Пехчево, Берово и Делчево.
Претседателскиот кандидат Стевчо Јакимовски и коалицијата „Храбро за Македонија“ ќе одржат митинг во скопската населба Карпош, а кандидатот за претседател на Движењето ЗНАМ – За наша Македонија Максим Димитриевски ќе ја презентира програмата пред граѓаните во Ресен, Претор, Новаци и во Битола.
Во рамки на третиот ден од кампањата за парламентарни избори, претседателот на СДСМ Димитар Ковачевски ќе биде меѓу граѓаните на Брвеница и на Тетово.