Македонија
Ивановски:Груевски јавно да каже дека не сака Македонија да влезе во ЕУ и НАТО
Никола Груевски треба да излезе и јавно да соопшти дека не сака Македонија да стане членка на ЕУ и НАТО. Само така ќе може уште некое време да функционира преродбеничката криминална пералница на пари.
Никола Груевски треба да излезе и јавно да соопшти дека не сака Македонија да стане членка на ЕУ и НАТО. Само така ќе може уште некое време да функционира преродбеничката криминална пералница на пари.
Ова денеска го изјави Игор Ивановски од СДСМ, при тоа додавајќи дека владина стратегија е упорно да шири евроскептицизам.
„Крупна лага е дека Европската Комисија ја менува реториката и наводно од инает го критикува Груевски во извештајот. На граѓаните не им треба некој друг однадвор да им кажува дека реформите назадуваат, дека македонската демократија се загрозува, дека нема слобода на изразување, дека медиумите и новинарите се под константен притисок, дека судството и администрацијата се брутално партизирани, дека царува корупцијата во владата. Тоа е реалноста со која граѓаните секојдневно се соочуваат“, рече Ивановски.
Тој го спореди премиерот Груевски со поранешниот српски претседател Слободан Милошевиќ, додавајќи дека секојдневно го зголемува бројот на непријатели на Македонија по сите основи.
„Сите му се виновни. Меѓународните пријатели на државата, опозицијата, медиумите, новинарите, експертите, невладиниот сектор, буквално секој кој мисли поинаку од него, македонскиот премиер го смета за непријател со кој треба да се пресмета“, рече Ивановски. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Беќаровски навести дека си оди од Токсикологија: Дон Кихот конечно го напушта оклопот
Доктор Нико Беќаровски навести дека ќе си замине од Клиниката за Токсикологија.
Во статус на социјалните мрежи, Беќаровски порача дека е време на приватните клиники да се отвори Одделение за детоксикација и Клиничка токсикологија.
„35 години бев најголем борец за здрав јавен здравствен сектор. Дон Кохот конечно го напушта оклопот. Време е во некоја од приватните болници да се отвори Одделение за детоксикација и клиничка токсикологија. Бројот на консументи на психоактивни супстанции секојдневно расте“, пишува Беќаровски.
Ова се случува откако вчера на прес-конференција заедно со уште пет докторки од Стручниот колегиум на Клиниката за токсикологија јавно ја прозваа економската директорка на Клиниката за токсикологија Бесија Иљази, дека не дозволува вработување на двајца дипломирани биолози и еден болничар. Наместо, тоа, таа инсистира да се вработат осумнаесетмина на кои им истекле договорите за дело, а меѓу нив има лица кои немаат соодветно образование.
Беќаровски кој е раководител на Одделението за интензивна нега на Клиниката рече дека едниот од нив, болничар, вршел притисок врз лаборант- барал урина во која имало наркотици, да биде сменета со урина која е чиста, ама лаборантот не прифатил.
За образованието на Иљази, лекарите не знаат ништо, ниту за познавањето на јазици – со оглед на тоа што македонскиот не го зборува, а Беќаровски се обидел да комуницира со неа на англиски јазик.
Министерот за здравство Илир Демири најави разрешување на медицинскиот директор на Клиниката за токсикологија, д-р Данил Петровски, но не и економската директорка бидејќи немал сознанија за прекршок.
Македонија
Дожд и снег на повисоките места: ЦУК апелира на внимателност поради најавените метеоролошки промени
ЦУК апелира за внимателност заради најавените метеоролошки промени со дожд, со доумерен ветер и со снег на повисоките места.
Кога се оди со возило на планините е препорачливо да се има полн резервоар гориво и да се внимава на лизгавоста и проодноста на патот, велат од ЦУК.
„Сите итни случаи се пријавуваат на Единствениот повикувачки број за итни случаи 112 во ЦУК, особено кога граѓаните имаат животозагрозувачки ситуации“, се наведува во соопштението.
Истовремено, ЦУК информира дека е потребно и корисно да се следат препораките и информациите од медиумите за превенција, а и за реагирање при итни случаи.
„Во реонот на автопатот A2 Кичево-Охрид, што е во изградба, во период од 12 до 16 часот ако се слушнат силни детонации, граѓаните да не се вознемируваат, во повеќе наврати ќе се извршат минирања на теренот“, информираат од ЦУК.
Македонија
Странски новинари, преведувачи: вкупно 942 набљудувачи ќе ги следат претседателските избори
Вкупно 942 набљудувачи, странски новинари и преведувачи се акредитирани за следење на Претседателските избори на 24 април.
Како што е објавено на веб страницата на ДИК, заклучно до 19 април, акредитирани се 342 домашни и 568 странски набљудувачи и преведувачи, од кои најбројни се од ОБСЕ/ОДИХР.
Парламентраните избори во земјава ќе ги следат над 2000 домашни и странски набљудувачи.
Изборите за шеф на државата ќе ги следат и странски новинари.
Седмите претседателски избори во земјава ќе се одржат на 24 април, а евентуалниот втор круг заедно со парламентарните на 8 мај.