Македонија
Власта и опозицијата се „судрија“ за извештајот на ЕК
Во Собранието во тек е жестока дебата за Извештајот на Европската комисија за напредокот на Македонија кој што се најде на дневен ред на денешната седница.
Во Собранието во тек е жестока дебата за Извештајот на Европската комисија за напредокот на Македонија кој што се најде на дневен ред на денешната седница.
Пратеничката на СДСМ и претседател на Националниот совет за евроинтеграции, Радмила Шекеринска и порача на власта дека битката за терминот „македонски“ не треба да се води во нашите медиуми, туку во Брисел и Стразбур.
„Македонија седум години по ред не може да тргне подалеку од кандидатски статус, Македонија три години по ред добива извештаи во кои не се споменува македонскиот јазик, Македонија ги губи сите позиции во спорот и некој за таа лоша политика мора да понесе одговорност. Колеги пратеници, Собранието мора да каже дека ни треба кризен штаб, бидејќи Македонија влегува во криза која не е криза на евроинтерграциските процеси, туку може да прерасне во вистинска и економска, политичка и социјална криза“ рече Шекеринска.
Според неа, Владата нуди „политика ни име, ни членство“, бидејќи Македонија не е ниту членка на ЕУ и НАТО, а според Шекеринска, името на државата ретко каде се споменува.
„Нема да прифатиме лекции по патриотизам од влада која, кога сама организира конференции во Скопје и Охрид пишува ФИРОМ, не прифаќаме лекции по патриотизам од патриоти чии деца учат во странство и чии пари се во странски банки, не прифаќаме лекции по патриотизам, од премиер кој својата држава си ја нарече несакано дете“ вели Шекеринска.
Пратеникот на Демократскиот сојуз, Павле Трајанов смета дека Собранието треба да донесе резолуција со која ќе побара, Советот на Европската унија да ја стави на дневен ред Република Македонија и да определи датум за отпочнување на преговорите.
За поранешниот министер за надворешни работи и пратеник на ВМРО-ДПМНЕ Антонио Милошоски единствен проблем поради кој што Македонија сè уште не ги отпочнала преговорите со ЕУ е блокадата од страна на Грција.
„Ние можеме колку што сакаме да бараме игла во сеното, но ние мора да сфатиме, а тоа го знае и македонската и дипломатската јавност дека единствената суштинска и досега постоечка причина зошто Македонија не ги отпочна преговорите за членство, е блокадата од страна на една земја членка. Таа блокада не е од 2009 или 2006, таа блокада ја чувствуваме од 1992 година наваму“ рече Милошоски.
За предлогот на Шекеринска за формирање на кризен штаб, Милошоски и порача ваков штаб да си формираат во Социјалдемократскиот сојуз.
„Ако ви треба кризен штаб формирајте си кризен штаб во СДСМ затоа што очигледно во вашата партија постојат превирања и порано или покасно ќе ви биде потребен“ рече Милошоски.
Европскиот извештај пристигна во Македонија на 12 октомври. Европската комисија ја повтори препораката за старт на пристапните преговори и констатираше мал напредок на земјава во изминатава година.
„Клучните предизвици остануваат: независноста на судството, реформите на јавната администрација, борбата против корупцијата. Слободата на медиумите останува сериозна грижа“ рече еврокомесарот за проширување Штефан Фуле.
Владата и македонската јавност остро реагираше поради неупотребата на придавката „македонски“ и во овој извештај на ЕК. /крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Тошковски: Приведен е и трет осомничен во врска со убиството на лекарот во скопска Железара
Техничкиот министер за внатрешни работи, Панче Тошковски, денеска изјави дека е приведено уште едно лице во врска со убиството на матичниот лекар во скопска Железара, кој беше најден со девет убодни рани.
„Во согласност со моите информации приведено е уште едно лице. Приведени се вкупно три лица. Претресот е завршен во текот на доцните часови. Се продолжува со други истражни дејства сè со цел да може да се утврди соодветната фактичка состојба. Штом имаме дополнителни нови информации, јавноста ќе биде дополнително известена“, рече Тошковски.
Тој не сакаше да ги коментира обвинувањата од СДСМ дека откога е дојден на местото министер за внатрешни работи, работите не одат на подобро.
„Вакви изјави не заслужуваат сериозен одговор затоа што се несериозни изјави. Тотално не би ги коментирал“, рече Тошковски и додаде дека македонскиот народ се смее на она што се обидуваат да го тераат како приказна и повика да завршат ваквите паушални обвинувања.
Македонија
Апасиев: НАТО не носи демократија, НАТО е кршач на меѓународното право и Повелбата на Обединетите нации
Претседателот на Левица, Димитар Апасиев, за декларацијата на Собранието по повод четири години од членството во НАТО истакна дека Нато не носи демократија.
Нато, според него, е кршач на меѓународното право и повелбата на Обединетите Нации.
„Без дозвола на Совет за безбедност НАТО ја нападна Југославија во 1999 година, ја нападна Либија, го нападна Ирак и редици други држави.
Последниот пункт е дека народот сакал во НАТО. Не е точно. Не е испочитуван член 120 од уставот кој што вели: Одлуката за стапување и истапување од сојуз или заедница со други држави е усвоена ако на референдум за неа гласало мнозинство од вкупниот број на избирачи. Референдумот во 2018 беше неуспешен и немаше цензус и оттука уставниот услов за да влеземе во НАТО не е испочитуван, што значи противуставно и против волјата на народот сме влезени во НАТО”, додава Апасиев.
Скопје
Арсовска избрана за портпарол и координатор за следење и спречување на корупција
Градоначалничката на град Скопје, Данела Арсовска, денес во Совет на Европа на конгресот на локални власти едногласно е избрана за портпарол и координатор за следење и спречување корупција на локално и регионално ниво.
Арсовска минатата година беше избрана за потпретседател на Европската народна партија за локални власти, а годинава со нов мандат за портпарол и координатор за следење и спречување корупција на локално и регионално ниво ќе ги води и следи процесите на почитување на европскиот кодекс на однесување за сите лица вклучени во локалното и регионалното управување.
Нејзини надлежности, како што информираат од Град Скопје, меѓу другите, се да го координира и подобри влијанието на работата на конгресот за спречување на корупцијата во локалните власти, да известува за утврдени случаи на корупција на локални и регионални власти и да ја промовира стратегијата на конгресот за спречување на корупцијата и унапредување на јавната етика на локално и регионално ниво.
Арсовска ќе го претставува конгресот на сите значајни настани организирани од Советот на Европа и меѓувладиниот сектор за прашања на јавната етика и справување со корупцијата, организира и координира активности со групата држави против корупцијата (ГРЕКО), со цел идентификување и размена на добри практики, решенија за предизвиците и начини за промовирање на јавната етика и спречување на корупцијата.